¹ Hbebele huhita gumonine mtu, ihabuya ubutilililwa. ² Bagigiwa bage bam'hudiche baganine, mgigia, mmanyi gugilile bubu, iguno mti au bibu shibiage ata gabuswe ihabu? ³ Yesu gukaile, gugi kuhimkile bubi, ata bibushi biake, ii gululi mkilo gwa Abeca gumonee weli. ⁴ Bihulingie ugila migilo giake mine gutumine mulii mengo ma mchuba; busugu bwachua mengo mashiasha mtu ugila mgila. ⁵ Mengo mandi hano hamgala,nene nili luenga lwa ibalo. ⁶ Hehuile udogoma bibyo, gusulile mate hasi, gee nusuaga bisuasua bya mate, gumshininye ihabu isuasua ya meso. ⁷ Gumsambile, ugie ulisua wishima ya Silvanu (noo ugana gutuminywe). Gugile ulisua umeso, gugiwile guhumona. ⁸ Babinji nage na baya bammonine ata ii msahi, baganine, gugu gushikuya kubele hushoma na usaba? ⁹ Bamwe bagitabiche nage, bange bahaminye, nangu, gwahuomonanage. Gee mine guganine nee nene. ¹⁰ Bibyo bamsambile, meso mobe mabululwa wii? ¹¹ Gee gugaile, mtu gulihukiswa Yesu gusuagile isuasua, gushiminye u meso nusambila, ugie ulisua usilaamu, nikile na ulisua, nene nuumona. ¹² Bamsambile, guli uhi gugo? Gugaile, nene nishigidi. ¹³ Bammilile u bafalisayo guya mine gubele ihobu yubutililua. ¹⁴ Lubele lusugu lulitucha, Yesu heli suagile isuasua na umpulula meso. ¹⁵ Bafalisayo nabo bampudiche iyaka wa ndila nai gumonine. Gubasambile, gushininye isuasua umeso, na nilisuile, bino nihumona. ¹⁶ Bamwe bafalisayo baganine, guku mtu gusahuma w'Abeca yulu gushihulama lusugu lwa ulitucha. Bange bayamine, mtu nai gwa bubi gunaosha uita bino bisaga? Hachuile ubagulana hawingi habo. ¹⁷ Bamsambile lwendo lwa bubile guya ihobu, gogue ulihugana wii yulu yage wa biya gubulula meso? Ihabu guganine ii mbua. ¹⁸ Bayahudi bashiwashiche mwano gwake, ugana kubele ihebu, hanyuma gee nuhona, bagitile bibushi bya guya nine kumonine. ¹⁹ Babundiche bibushi, guku noo mwanenyu, guamlihugana gubushilwe ihabu? Gwamona wa ndila nai? ²⁰ Bibushi byake bikaile, tugidi ugana gugo noo mwanetu, iyaka gee noo kubutilwe ihobu. ²¹ Tushigidi bino kwamona wii, gee gusili mtu guammomu guilidogome na gee mine. ²² Bibushi bidogomine bibyo yulu ya usina bayahudi, bululi bayahudi basibele bahululichana gegese mine gumgana Yesu noo Kelesitu guibagulwa na Sinagogi. ²³ Noo Yulu bibushi byake biganine gusili mtu guommomu m'buchiwe gee mine. ²⁴ Lwendo lwa bubili ggitile guya gubele ihobu, uhe Abeca bugengeda, beswe tukidi ugana guya mtu ii gwa bubi. ²⁵ Guya ihobu gugaile, gobe ii gwa bubi nine nishigidi, inyua imwechi yangidi nibele ihobu bino namona. ²⁶ Bayahudi bamsambile, guishile wii? guubululile ulile meso wii? ²⁷ Gubagaile, nihuile uumsambila, mushihuliche, muli hubenja muhuliche iyaka? Na benywe mulibenja ubabagigiwa bake? ²⁸ Bamtuile na ugana, gogue noo mgigiwa gwake, beswe tuli bagigiwa ba Musa. ²⁹ Beswe tugidi ugana Abeca adogomine na Musa gugo tushigidi wehumine. ³⁰ Guya mtu gugaile, kubasambile, ino ii ya ugagicha! ugana benywe mushigidi welihumine, nage noo gumbuluile meso! ³¹ Tugidi ugana Abeca ashibahulicha nine guina bubi, mtu guahuba gulihumsina Abeca na uita bili hubenja. Abea asumulicha. ³² Utula ubumbua wa ibalo hashinahulichiwa mtu gegese gubululile meso na mtu gubusua ihobu. ³³ Nambo gugu gishisuba uhuma w'Abeca, gusabaosha ugila inyua yoyose. ³⁴ Bafalisayo bamsambile, ubutilwe m'bubi abisa, na gogue ulihutugigya beswe? Bamtambuele hambuga ha Sinagogi. ³⁵ Yesu guhuliche bamtobola hambuga, nage helimmonine gukanine, gugwe wawasha mwana gw'Abeca? ³⁶ Nage gugaile, kudogomine, Ii nanyi na nene mlume bululi nam'buashe? ³⁷ Yesu gumgaile, wammona, nage noo gulihudogoma nobe. ³⁸ Guganine, mlume, nawasha, nuum'bungila machui. ³⁹ Yesu guganine, nene nichuile mno m'ibalo yulu ya uonona, bululi baya boshi humona bamone, na bali humona bobe bihobu. ⁴⁰ Bamwe bayahudi babele hamwechi naye bahuliche bibyo binyua bampudihe, na beswe nabo tuli bihobu? ⁴¹ Yesu gubasambile, nambo mwisuba bihobu, mushisuba na bubi, bino mwagana, tulihomona, bibyo bubi bwenyu bwashama.