¹ Hanyumaha haho Yesu gubele hugiata uya Galilaya, bululi gushibendiche ugiata u bayahudi, yulu bayahudi babele huinga uumaga. ² Na msumbila gwa bayahudi, sumbilalia bitulatula lisibele alibu. ³ Bashiwabo bamsambile, huma hano, ugie ubayahudi, bagigiwa babe nabo balole migilo giobe gioli higila. ⁴ yulu hashi mtu guligila inywa bubisa, nage nine gulihubenja umanyia, ubegila bino limonye ubalanga msenge. ⁵ Bululi bashiwabo bashim'bua shiche. ⁶ Yesu gubasambile, mengo manyi mashinahia, mengo menye mali masugu mose. ⁷ Ibaloo ishi na mmenya benyue, ili hukanyua nene, buhuli nihuu manya mugila giake mkilii. ⁸ Giiwe uya u sumbilo, nene nishihugia uya lino sumbilo, yulu mengo nanyi mashi nawilila. ⁹ Nage halihuile ubasambila bibyo, gushamine Galilaya wa byoka biya. ¹⁰ Na bashiwabo habahuile uligila sumbilo, nage gugile wa bubisa, ushi wa hululu ulimanya. ¹¹ Bayahudi bammengile uliya sumbulo, baganine, guli uhi guya? ¹² Habele mnuno guingi ililio sumbilo yulu yage bange baganine ii mtu m'benju. Na bange baganine, nangu gulihubicha sumbilo. ¹³ Hashibele mtu gudogomine hululu, bululi babele husina bayahudi. ¹⁴ Na sumbilo lisibele m'buingi Yesu gugile ugingila m'ihuilo na utula ugigya. ¹⁵ Bayahudi bagakilwe, bakanine, gwahunya hii lwenyi nage gushi mligigye? ¹⁶ Yesu gubaile na ubasambile, lugigyo luanyi lushi luanyi nne, ii lwa guya gutumine. ¹⁷ Mtu gulihubenja ugila bilihubenja Abeca, guimana luya lugigyo, lwa huma wa Abeca, bishibya nene nihudogoma byanyi nene nine. ¹⁸ guya mine gulihudogoma bya malanga mage gulihuenja bugengeda bwake gee mine, bululi guya gulihuenja bugengeda bwa guya gutumine, gugo ii gwa kiine, na mnda mwage mushi bubii. ¹⁹ Musa gushimele mibindo? na hashi gumwe gwenyu gulihugila m'bindo.Yulu yai mulihubenja upaga? ²⁰ Ihichi ya batu bamgaile, au wina miha! Ii nanyi gulihubenja uuhaga? ²¹ Yesu gugaile, kubasambile, nene nigilile mgilo gumwechi, benywe bose mlihugagilwa. ²² Musa gubahele mibindo, ushiugana guhumine wa Musa, uba masetu, benywe lusugu lwa ulitucha nangu ugya kumbi. ²³ Nambo mtu gulihusambilwa m'bindo lusugu lwa ulitucha, bululi m'bindo gwa Musa gushichwe ubelua, yulu mwachigililwa nene nihoninye mtu lusugu lwa ulitucha. ²⁴ Bibyo mushionone, uonona wa meso kwa, isue uonona wa kiine. ²⁵ Na bamwa batu ba Yelusalemu baganine, gugu gushiguya gwa balihuenja bahage? ²⁶ Na mndi! gulihudogoma wa hululu, nabo bashihumsambila inywa! Nii nene babo bataa bagidi byose ugana gugu noo Kelesito? ²⁷ Bululu tugidi uchuile guno mtu, Kelesito helichua hashi mtu guimana welihuma. ²⁸ Yesu gudogomine wa lidi mbila mihuilo, ugigya na ugana, nene mugindi, na uya wandihumine mugidi, nishichuile wa ubenja wanyi, guya mine gumtumine ii gwa kiine, gwamshigidi. ²⁹ Nene niimgidi, yulu nihumine wage, nage noo gutumine. ³⁰ Haho, baengile um'bwata, hashi mtu gugololile uboo wage umpuata, bululi mengo mage ma uwaswa mashibele nahia. ³¹ Batu bengi mliya sumbilo bam'bwashiche, baganine, helichwa Kelesistu, guita bisaga biingi uli bino biene biitile guno? ³² Bafalisayo babahuliche sumbilo lilihununa bibyo yulu yage; haho bibuli byata na Bafalisayo batumine bakichi bagyo um'bwata. ³³ Bibyo Yesu gudogomine, hahushigala mengo macho nibi nenyu, nikia luanyi wa guya gee mine gutumine. ³⁴ Wikenga na mushimona, wine wambii mushiasha uchwa. ³⁵ Bayahudi balingungushe, guyu guikia uhi watushimmona? guigya ubene basimine u bayunani, na ubagigya bayunani? ³⁶ Guadogoma inyua nai, mwikenga na mushimona, wine wambii mushinaosha uchwa. ³⁷ Haluhiile lusugu lwa isula, lusugu lwa lwata lwa sumbilo, Yesu kukimene na udogoma wa lidi mbila, kukanine, mtu gabemona yuma gachwe wanyi ganywe. ³⁸ Guimbwasha nene, nahi bilihudogoma migolo, ngudi cha madi ma poo migela mnda mwage. ³⁹ Na gugo mwano gudogomine yulu ya mtima gubele gushinachua, yulu Yesu guhele gushinatonywa. ⁴⁰ Bibyo bengi mliya sumbilo habahuliche biya binywa baganine, wiinene guno noo giya mbwa. ⁴¹ Bange baganine, guno noo Kelesitu. Bange baganine Kelesitu gwahuma Galilaya? ⁴² Mgoloo gushihukana Kelesitu guhuma uibushi ya Daudi, na uhuma Betelehemu, mbuga gieshomine Daudi? ⁴³ Bibyo hagingile ubagulana mlilio sumbilo yulu ya Yesu. ⁴⁴ Bamwe babo batakile um'bwata. ⁴⁵ Baya bakichi babakilile bibuli byata na bafalisayo. Nabo nubasambilo yulu yai musachwa nagee. ⁴⁶ Baya bakichi bagagaile, hashinadogoma gunge nahi bilihudogoma guno. ⁴⁷ Bibyo bayahudi, babagaile, na benywe mwabichiwa? ⁴⁸ Ii nanyi ubaata na bafalisayo guam'bwasha? ⁴⁹ Nambolino sumbilo liene lishikidi m'bindo lilogilwe. ⁵⁰ Gubasambile Nikodomu, (ii guya gumkilile ala, yulu gee mgumwe gwabo). ⁵¹ II bihii m'bindo gwetu guli huonona mtu gushinahulichiwa, na umana byagalila? ⁵² Bagaile, babasambile, na gogue wa huma Galilaya. Enga, umona ugana Galilaya ushichwa mbua. ⁵³ [Umane binywa ya Yohana. Bishimo mmigolo gyala, bakile kila mtu undugiake.