¹ Lusugu lwa matatu habele na buya uya kana, mbuga gya Galilaya, mnage na Yesu gubele oo. ² Yesu nage gubele mkisue ubuya hamwechi na bagigiwa bage. ³ Hahwile mmena, mnage na Yesu gumsambile bashi na mmena iyaka. ⁴ Yesu gugaile, mago, hwinai nene noobe? mengo nanyi mashi nawilila. ⁵ Mnage gubasambile bakichi, byose bili mganina iisue. ⁶ Hebele na bibiilo mtuba bya mawe, bibele bya ulisuila maboo ha imwechi ibele hugilula na bibila bibili au bitatu. ⁷ Yesu gubasambile, giluchiwe bibiilo madi. Nabo, bagiluche na mmilomo. ⁸ Gubaganine, tuhwe na giwe uuma m'mosobu gwa meza bahilile. ⁹ Gugo mmososu gwa meza helimatondile maya madi mene magalwile uba mmena, (gushimanine waguhumine, bakichi bananine baya bene batahile madi),mmosobu gwa meza gumgishile mlume gwa buya. ¹⁰ Gumsambile, batu basutula uhama mmena gwa saa, nambo batu bahugililila na unywa, noo usili ubaha gwa gubahu. gogue walibiila mmena gwa saa na mano mengo. ¹¹ Iyo noo isaga itangi ya Yesu yeli gilile uya kana gya Galilaya, umonya ugengeda wage, na bagigiwa bake bam'buashiche. ¹² Hanyuma ha haho gwowile Kapelenaumu, gee na mnage na bashiwabo na bakikiwa bake, bashamine masugu machoo. ¹³ Pasaka gwa Bayahudi gisibele hoka, Yesu gugile Yelusalemu. ¹⁴ Heli hiile haya ha ihuilo gumonine batu balihugucha ng'ombe na miyoo na tukundulu na ba ubadilisha bumona bali bashame. ¹⁵ Gubugile abubi, gubachingile bose iya mmihuilo, miyoo, mg'ombe gugesile bumona bwa budilisha bumona, na uhibula meza mabo. ¹⁶ Gubasambile baya bugucha tukundulu, hunyiwe bibi, namgu ukiita ndu gya tata ubandu gya busuku. ¹⁷ Bakikiwa bake baendeleche ugana iibigolwe, buwabwa ndu giobe bwinja. ¹⁸ Bayahudi bagaile banganine, iyisaga nai yolihutumonya yulu wahisha bino? ¹⁹ Yesu gubasambile,Ibele ii ihwilo, na nene u masugu matatu niigimia. ²⁰ Haho Bayahudi baganine ino ihwilo iguhawe wa miaa maumi mana na mtuba, gugwe wiigimia u masugu matatu? ²¹ Yulu gee gubele hulisamba mwano gwa ihwilo m'bili gwage. ²² Bibyo helichuwile uhuma ubabu, bagigiwa bage baengeleche guganine bino, baguwashiche guya ngolo na iya inywa iganine Yesu. ²³ Na hebele Yerusalemu usumbilo gya Pasaka, batu bengi bawashiche jina liake, habamonine bisaga bieli kilile. ²⁴ Yesu gushibele hubenja bam'buashe, bululi gee gubamanine bose; ²⁵ Bululi gushibendiche mtu gamsambile mmwano gwa balangamsenge; yulu gee mine gumanine bili mnda mwa balangamsenge.