¹ Uya utula ubele inywa, nage inywa gubele wa Abetcha nage inywa Abetcha . ² Gugo utula gubele wa Abetcha. ³ Byose byetiye wa gugu, na bila gee hashikiliye yoyose yine ikiliye. ⁴ Mnda mwage noo mubele mwego, nago guya mwege gubele lwenge l wa batu. ⁵ Nalo lwengo lulihugema mdo, na mdogushihuluosha. ⁶ Habele mtu guhililwe uhuma Abeca Pungu, china liage Yohana. ⁷ Gugo mmonyi guchwile, yulu ya umonya luya lwenge, bose bawashe wa umitila gee. ⁸ Gugu gushibele luya lwenge, guchwile yulu ya ulumonya luya lwenge. ⁹ Habele lwenge luine, luchwile mno mmibalo lugeme wa kila mtu. ¹⁰ Gubele mmibalo, na yulu yagee na ibalo yo nuuba na ibalo ishimmanine. ¹¹ Guchwile wagee, na ba wagee bashimgaile. ¹² Na bose bamgaile gubahele uwoma wa uwiswa baana ba Abeca noo baya baliwashiche china liage. ¹³ Babushilwe, ushi wa ubenja wa mtu, ii wa Abeca oene. ¹⁴ Nage inywa gwitiye uba m'bili gushamine wetu, na beswe tumonine ugengeda wage,ugegenda wage nahi wa ihene ihuhuma watata mkiluchu kene na kiine. ¹⁵ Yohana gumoninyie gee, gutele mbila guganine, gugu noo guandidogomine mwano gwage ugana gwichwa hanyuma hanyi kubele nene nishinaba yulu gubele hambele hanyi. ¹⁶ Yulu ya uwilila wage beswe bose tuhelwe na kene hegulu hakene. ¹⁷ Bululi m'bindo guchwile m'muboo wa Musa; kene gwa winene gichwile mmuboo wa Yesu Keleshitu. ¹⁸ Hashi mtu gummonine Abeca Mengo momose, Abeca ihene mine guli myaali ya tata gugo noo gwishile gamanywe. ¹⁹ Na uno numonya wago wago Yohana, Bayahudi habahilile wage bibuli na Balawi uhuma Yelusalemu bachwe um'bucha, gogue wiinanyi? ²⁰ Wa nangu usinga gushihaninye gubagaile nene nishi Kelesitu. ²¹ Wa bibyo banibudiche, bino wii nanyi? Gogue uli Eliya? Gugaile, nene nishige. Gogue noo gia mbua? gugaile nangu. ²² Bibyo bamsambile wii nanyi? tugie ubaganine bene batuhila ole, ulihugana wii yulu ya luhuda lobe? ²³ Guganini, mene nili lidilia mtu gulihuta mbila mluanaganywa, luliwe ndila gia mlume! Nahi biedogomine ibuli Isaya. ²⁴ Baya bene bahililwe babele bahume u Bafalisayo. ²⁵ Bam'budiche, yulu ya ii ulihuchunda na gogwe ushi Keleshitu na ushi Eliya na ushi giya mbua? ²⁶ Yohana gubasambile, geeti, nene nihuchunda mmadi. Hawingi henyu ihagimanyu guya mine guamugidi benywe. ²⁷ Gugo noo gwichwa hanyuma hanyu. nene nishi liingie ulebecha migochi gia mika labanda giake. ²⁸ Bino bihetiye uya Betania m'buala mwa Yolodani, ubele Yohana gulihuchunda. ²⁹ Chuba lyage lya mabili Yohana gumonine Yesu guli huchwa welii, guganine, lolwe, mwana mmoo gwa Abeca, gwiguha bubi bwa ibalo! ³⁰ Gugo noo guambele hulisamba mwano gwake ugana, gwichua hanyuma hanyi, nine gubele hambele hanyi na gubele nenenishinaba. ³¹ Na nene nishimmonine; bululi gabiwe hululu uba Isilaeli; noo yulu nene nichwile uchunda mmadi. ³² Iyaka Yohana gumoninye naudogoma, nimwene mtima usala nahi akundulu uhuma hegulu nago nushama hegulu hage. ³³ Ata nene nishimmanine ila gee noo gupilile uchunda mmadi guga gusambile, guya golimona mtima gulihusala na ushama hegulu hage, gugu noo gwichunda wa mtima guhaha. ³⁴ Nene namona, iyaka namonya hululu ugana gugu ii mwana gwa Abeca. ³⁵ Iyaka chuba liage liamabili Yohana gubele mgimanyu hamwechi na bagigia bage bopi. ³⁶ Gumolile Yesu gulihugiata guganine bola mwana - mmoo gwa Abeca! ³⁷ Na baya bagigiwa bopi bammuliche gulihudogoma boo numlana Yesu. ³⁸ Yesu gugalwile na ubamona baya bagigiwa bali humlama, gubabudiche, mlihuenga ii? Bagaile mgigia, ulihushama uhii? ³⁹ Gubasambile guwe na benywe mwinona. Bagile na bamanine weshushama, bashamine nage liachuba, nabyo bibele bihindi umibia chuba. ⁴⁰ Andela, mmluage Simoni Pedelo, ii gumwe gwa baya babili bene bahuliche Yohana na umlama Yesu. ⁴¹ Gugo gutulile ummona simoni, mshiwabo, na umsambila, tuammona mshinywa gwa mauta (noo ugana Kelesitu). ⁴² Gummulile wa Yesu. Nage Yesu gumlolile, nugana gogue uli Simoni mwana gwa Yohana, wigiswa Kefa (mwana giake Pedelo au Hiliwe). ⁴³ Iyaka chuba liabubili gubendiche ugia Galilaya, gumonine Filipo. Yesu gumsambile ndame. ⁴⁴ Nage Filipo gubele mtu gwa Betania, mshami gwa mbuga giaba Andele na Pedelo. ⁴⁵ Filipo gummonine Nathanaeli, gumganine, tuahuummona guya mine gugolilwe na Musa ii m'bindo, na bambwa, Yesu mwna gu Yusufu mtu gu Nazaleti. ⁴⁶ Nathaeli gungale, inywa ibenju inahuma Nazaleti? Filipo gumsambile, chumo umone! ⁴⁷ Yesu gummonine Nathanaeli guli hucha wlii, gulisambile mwane gwake, lola mmisilaeli winene mnda mwage mushi abachi. ⁴⁸ Nathanaeli, gum'budiche wamana wii? Yesu gumgaile, naumsambila, Filipo gushinugita, hobele mshame mmihochu ya mti niumonine. ⁴⁹ Nathanaeli gugaile, mgigia gogwe wi mwana gwa Abetcha uli olo lya Baisilaeli! ⁵⁰ Yesu gugaile, mudogoma, wawasha yulu musambila niumonine wiimshame mmichuli - chuli ya mti? Wimona bihisho biato uli bibyo. ⁵¹ Gumsambile bibyo bibyo nihuganina mwimona gulu liebuguwa na bamalaika ba Abea bisala na uba hegulu ha mwana gwa Adamu.