¹ Bibyo Pilato gumguhile Yesu na ummula bibongo. ² Basolokoto baluile kata gya migwa na umchuia mswe, na umchuia isanjwa ya menga mailu. ³ Bakile weli bakanine, moyo! Olo lya bayahudi! n'umula pii. ⁴ Hanyuma Pilato gutoboile iyaka hambuga na ubasambila, guno mtu namtobola hambuga wamli, manywe ugana nene nishihumona abachi oose weli. ⁵ Yesu helitoboile hambuga, nage m'bamchuie kata gya migwa mswe, na isanjwe ya menga mailu. Pilato gumsambile bolue gugu mtu! ⁶ Haho bibuli byata nabagochi boo habammomine, batele bigelegele na ugana, msusulwe, msusulwe, Pilato gubasambile, m'benguha benyu, mugie umsusula, Yyulu nene nishihumona abachi weli. ⁷ Bayahudi bagaile, beswe hili na m'bindo, na yulu ya gugo m'bindo gulingye uwa, bululi gwaliita uba mwana gw'Abeca. ⁸ Pilato helihuliche iyo inywa gumonine boba bwingi. ⁹ Gugingile iyaka mmihana ya uonona, gumsambile Yesu, gogue wahuma uhi? Yesu gushimgaile atu. ¹⁰ Haho Pilato gumsambile, ushi hunganina? Ushigidi ugana nene nina uoma wausyla na uoma wa ususula? ¹¹ Yesu gugaile, gogue ushisubana uoma oose hegulu hanyi, nambo usabahuma wa Tata. Wa bibyo guya mine gwambiya mmaboo mobe gwina bubi bwata abisa. ¹² utula haho Pilatu gubele henga umsula; bayahadi batele bigelegele na ugana, ubemsula gugu gogue ushigenda lya Kaisali, mtu gegese mine gulihuliita uba alo gulihuonya Kaisali. ¹³ Pilato helihuliche binywa, gutolile Yesu hambuga, gushamine wiiti ya uonona, hene halihugiswa ndonda gya liwe mm'ibulania, Gabatha. ¹⁴ Babele hulongya bia Pasaka, chuba libeli mkunyiameno. Gubasambil bayahudi, lolwe ole lyenyu! ¹⁵ Bibyo batele bigelegele, mmunye! mmunye! Umsusule! Pilato gubasambile, ubi wi, namsusule olo lyenyu! Bubuli biata bagaile, beswe tushi na l inge olo, ii Kaisali. ¹⁶ Haho noo helim'biile mmaboo mabo yulu gasusulwe, nabo nuungaa Yesu. ¹⁷ Baguhile haya, gee nushula mti gwage gwa asusu, nugia wine ulihugiswa mswe hululu na m'ibulania Golgota. ¹⁸ Bamsusule uba, hamwechi na bange bopi gumwe uu na gunge uu Yesu hawingi. ¹⁹ Pilato gugolile ya ummonya, na wiibiya hegulu ha mti gwa asusu, biagolwa: YESU MNAZALETI OLO LYA BAYAHUDI. ²⁰ Migolo gigyo bayahudi bengi bagisomine; yulu haya hene hasusulwe Yesu habele hoka na mbuga nagyo gigolilwe mlidi lya baebulania, Balumi na Bayunani. ²¹ Bibyo, bibuli biata na bayahudi bamsambile Pilato, nangu ugola, olo lya bayahudi, ugola guya guganine, nene nili olo lya bayahudi. ²² Pilato gubagaile, biandigolile, na bigola. ²³ Basolokoto hubahuile umsusula Yesu, baguhile bisanjwa biage babigabule bihichi bina, wa kila solokoto ihichi yake na kanju nalyo, liya kanjo lishishonilwe lifuminywe ubilingisha utula hegulu. ²⁴ Basambilene, tushigule, tulibiye usobola nambo libi lya nanyi, bululi iwilile inywa bagabulene bisanjwa bianyi. Na isanjwe yanyi, ibiya nanyi. Bibyo noo biishile baya basolokoto. ²⁵ Hamtigwa asusu gwa Yesu babele bagimanyu mnake, na muluge gwa mnage, Mmaliamu gwa Kleopa, naMaliamu Magadelena. ²⁶ Yesu hemone mnage, naguya mgigiwa guebele huenda mgimonyu alibu, gusambile mnage, mago, lola mwanobe. ²⁷ Hanyuma gumsambile guya mgigiw, lola, mnobe, na utula maya mengo guya mgigiwa gumguhile Maliamu undu wage. ²⁸ Yesu helihuile umana ugana byose biahuhua uigiliya bululi inywa iwilile, guganine, nihumona yuma. ²⁹ Habele mtondo gugiluchu no aabi, baguhile shifo nagichunda mmaabi na ugitunga uumti no um'bia wanywa. ³⁰ Yesu hehuile unywa aya aabi, guganine, biahuhwa. Guginyie mswe, gee nuala mtima. ³¹ Bayahudi, yulu ya ulongia bia Pasaka, mibili gishishame u mtigwa asusu lusugu lwa ulihoche (bululi chuha lya ulihocha lubele lusugu lwata) basabile Pilato magulu mabo ma nogue, basochiche mibili. ³² Basolokoto bagile, banogile magulu ma guya bwamtangi na gwa bubili gususulwe hamwechi na Yesu. ³³ Habahuile uli Yesu na umona gwa huhwa uwa, bashimnogile magulu. ³⁴ Gumwe msolokoto gumtungile sumo mmbachu; haho mashi na madi mahumine. ³⁵ Guya gumonine, gwa shuhudia na uhuhuda wage ii winene, nage gugidi ugana gwadogoma winene yulu benywe mbe na uwasha. ³⁶ Bibyo bihitiye yulu mgolo guwilile. Hashi uda lyage lyene lyenogua. ³⁷ Na iyaka gunge mgolo guligana, bimlola gee mine gwabatungile. ³⁸ Hanyuma ha bibyo, Yusufu gwa Alimathayo, nage ii mgigiwa Yesu, (gubele gwa bubisa, wa usina bayahudi) gumsambile Pilato gaguguhe m'bili gwa Yesu. Na pilato gummele go. Bibyo gugile uguguha m'bili gwa Yesu. ³⁹ Nikodemu nage gugile, (guya gumgilile mpusuku) guleshile msupaganya gwa malashi na asuenge na ihindi ya ibiilo. ⁴⁰ Bibyo baguhile mpili gwake Yesu, baguhambile na sanda gya isanjwa yiihiama maya malashi nahi biababele huita umachio. ⁴¹ Haya hene hesusulilwe habele na lubala, na mnda mwa lubala muli na sinda lya lihya, lyene lishinachiwa mtu gegese mnda mwage. ⁴² Mmo yulu ya bayahudi ulongya biabo bya Pasaka bam'biile Yesu yulu sinda libele alibo na heli susulilwe.