¹ Lusugu lwa lutangi lwa yinga Maliamu Magedelena gugile umayayo, hili mdo, gulimonine liya liwe liahunyiwa usinda. ² Gugile abilo, guhiile uli Simoni Pedelo na wa guya mgigiwa gunge mine Yesu gummjile, gubasambile, bammunya mlume msinda, na tushigidi bam'bia uhi. ³ Pedelo na guya gunge mgigiwa, bagile uya usinda. ⁴ Bagile abilo bose babili na guya gunge mgigiwa gugile abilo uhima Pedelo, gubele mtangi uhiya uliya sinda. ⁵ Gugimanine na ulingamina, gubimonine bisanjwa bya sanda bili taba, ila gushigingile msinda. ⁶ Simoni Pedelo gumlamine, gugingile mnda sinda; gubilolile bisanjwa bibele taba msinda. ⁷ Na aya ahuba abele umswe gwake, asibele hamwechi na bisanjwa, abele obuchima ko na biya bisanjwa. ⁸ Na guya gunge mkikiwa kugingile guya gubele mtangi uhiya usinda, gumonine na uwasha. ⁹ Bululi bashinagumana mgolo, ugana bilingye gachuwe. ¹⁰ Bibyo baya bakikiwa bagile lwabo iyaka umadu mabo. ¹¹ Maliamu gubele mkimanyu alibu na sinda, hambuka hage, gulihulila. Gubele hulila bino, guginame na ulingamina msinda. ¹² Gumonine bamalaika bopi, bina bisanjwa bihaha bali bashame, gumwechi umiswe na gungu umagulu, haya habele halachiwe m'bili gwa Yesu. ¹⁴ hehuile udogoma bibyo, gugelile unyuma gummonine Yesu gwakimana, nangumona ugana ii Yesu. ¹⁵ Yesu gumsambile, mago, ulihulila ii? Ulihuenga nanyi? Maliamu gubele hulango nambo ii mseuchi gwa lubala, gumsambile, mulume, nambo gogue noo wamguha, usambile wine wa wampia, na nene nigya ukuha. ¹⁶ Yesu gumsambile, Maliamu, gee nukalwa, gumsambile mm'ibulania Raboni (nugana migigya gwanyi). ¹⁷ Yesu gumsambile, nangu ukuda, yulu m'shinakya wa Tata. ugye ubashiwetu, ubasambile, nasela ugya wa Tata nage noo senyu, wa Abeca anyi noo Abeca enyu. ¹⁸ Maliamu Magadelena nugia, ubasambila bagigiwa mwano ugana, nammona mlume, na gwamsambila bibyo binywa. ¹⁹ Ibele igolo, lusugu lwa lutangi lwa yinga, haya hababele bagigiwa michango gibele gibuga lwe wa usina bayahudi, Yesu guchuile na ugimana hawingi, gubasambile, talala gibe wa mli. ²⁰ Nage helihuile udogoma bibyo, gubomonya maboo mage na lubachu lwake. Haho bakikiwa baseelele habammonine mlume. ²¹ yesu gubasambile iyaka, talala gibe wa mli; nahi bitumine tata, na nene nahummila. ²² Hehuile udogoma bibyo, gubahulile, gubasambile, gawe mtima guhaha. ²³ Bobose bamwihuminya bubi, bihumiwa, na bobose bamwihambila bubi, bihambilwa. ²⁴ Habele gumwechi gwa baya umina bopi, Tomasi gulihugiswa wasa, gushibele hamwechi nobu hachuile Yesu. ²⁵ Bakikiwa bange bamsambile, tuammona mlume. Gubasambile, nene, nisahumona mihumia gya pande umaboo mage, na nene uuda na mmwe gwanyi mmihumya gya misumali na ubiya uboo wanyi halubachu lwage, nene nishiwasha ata. ²⁶ Hanyuma ha masugu inana, bagigiwa bage babele iyaka mmndu, na Tomasu hamwechi nabo. Yesu guchuile, na michango giligibugalwe, gugimene hawingi, guganine, talala gibe wamli. ²⁷ Gumsambile Tomaso, hila mnywe gobe na ukuda umaboo manyi golola uboo obe na ukuda ulubachu lwanyi; yulu ushibe gushi m'bwashe, ila ube gwa m'bwashe. ²⁸ Tomasu gugaile, mlumianyi na Abeca anyi! ²⁹ Yesu gumsambile, gogue yulu wamona, wawasha, luhangaa ubaya basihumona, balihuwasha. ³⁰ Hali bisaga bingi bieli itile Yesu umeso ma bagigiwa bake, byene bishigalilwe mmino itabo, ³¹ bino bigolilwe, yulu muwashe ugana Yesu noo Kelesitu, mwana gw'Abeca na wa uwasha m'be na mwego wa china lyake.