¹ Hehuile udogoma bibyo, Yesu guhumine hamwechi na bagigiwa ugya mpuata mwa ludi kidloni, habele lubala; gugingile gee na bagigiwa bage. ² Na Yuda guya mine gummanene, guhamanine haya hene habele hgia. Yulu Yesu gubele hugia nyendo na mnyendo hamwehi na bagigiwa bage. ³ Bibyo Yuda hehuile uhewa ihichi ya basolokoto na bagichi uhuma u bibuli biata na bafalisayo, bagile na matala na biyaa na tugela tuomu. ⁴ Bibyo Yesu , gubele mmane byose byene byabimita, gulimwenye, nubabucha, mulihwenga nanyi? ⁵ Boo bamgaile, Yesu mnazaleti. Yesu gubamsambile, noo nene, Yuda nage gumanana gabele mgimanyu hamwechi nabo. ⁶ yesu helibasambile; noo nene, bagiwile unyuma, na ugua hasi. ⁷ Bibyo gubadiche, iyaka, mlihuenga nanyi? Baganine Yesu mnazaleti. ⁸ Yesu ugaile, nahuhwa umsambila ugana noo nene; nambo wachwa ukenga nene, balewe baba baligile. ⁹ Bululi iwilile iya inywa yeliganine, baya bolipele nishimchinye ata gumwechi gwabo. ¹⁰ Bibyo Simoni Pedelo gubele na aele, guahuminye mluhao na umgeda mcha gwa ibuli yata, gumgedile litu lya uboo ulume. Guya mcha china lyage Malko. ¹¹ Yesu gusambile Pedelo, giwicha aele mluhao lwake; isengo ipele Tata, nene nashiinywe? ¹² bibyo baya basolokoto na guya ilumepambwa na bakikichi ba bafalisayo bam'bwatile Yesu numamba. ¹³ Batulile umila wa Anasi; yulu gubele mmogwa Kayafa, guya gubele ibuli yata guya mwaa. ¹⁴ Nage guya Kayafa noo gubahele bayahudi liya lango lya ugano biligiye mtu gumwechi gawe yulu ya batu bengi. ¹⁵ Bamlamine Yesu, Pedelo na gunge mgigiwa. Na gugo mgigiwa gubele mmanyiye na ibuli yata, gugingile hamwechi na Yesu mmiya ilubungabunga ya ibuli yata. ¹⁶ Pedelo gugimene hambuga ha mchanga. Biya guya mgigiwa mine gubele mmanyie na ibuli yata gutoboile, gudokomine na mlochi gwa mchango, na umgingicha Pedelo mnda. ¹⁷ Guya mmachana gubele mlochi gwa mchango, gum'budiche Pedelo, gogue ushi gumwe gwa baya bagigiwa ba guno mtu? Nage gugile, gushi nene. Na baya bacha na bagichi babele bakimanya, basambiche ahia a maala; yulu habele peho; babele huhota ahia. Pedelo nage hebehe hamwechi nabo, gulihuhota ahia. ¹⁹ Haho ibuli yata gubundiche Yesuy mwano gwa bagigiwa bage. namwano gwa lugigyo lwake. ²⁰ Yesu gumgaile, nene nidogomine hululu na baw'ibalo, masugu mose nibele hugigia m'sinagogi na m'ihuilo, bayahudi babesumbila bose; nishilisambile inyo yoyose wa bubisa. ²¹ Yulu yai umbucha nene? Babuche baya bene bahuliche nibele hubasambile ii,boo bagidi biambale hudogoma. ²² Haho hedogomine biya, gumwe mgichi gubele mgimanyo hoka gumulile Yesu luhiguganine, wamgaa ibuli yata bibyo? ²³ Yesu gukaile, nambo nadogoma bibe, ubugane, nambo nadogoma bisoga, wapulilai. ²⁴ Bibyo Anasi gumulile a kayafa, ibuli yata uu mmambwe. ²⁵ Simoni Pedelo gubele mgimanyu uya, gulihuhota ahia, bamsambile, gogue ns gogu wi shigumwe gwa bagigiwa bake? ge kuhaninye na ugana, gushi nene. ²⁶ Gumwe mcha gwa ibuli yata, nage gubele mshiwago gwa guya mine gugedilwe litu na Pedelo, gukanine, nene nisaumona gogue mlubala hamwechi nage? ²⁷ Pedelo gulichingule iyaka, haho koo nuduga. ²⁸ Hanyuma, bamkkuhile Yesu umuna wa Kayafa mpaka wi hana ya uononywa (Praitorio), na hasibele halwelo; babene bashigingile mmihana bashichwe uba na abachi, bululi bayee Pasaka bisoga. ²⁹ Pilato gutoboile hambuga, gugamine, hali ibaloo nai yulu ya gumo mtu ya mli hugana. ³⁰ Bamgaile, badogome,nambo guno mtu gushisuba ngila bibe tusabammila oli. ³¹ Haho Pilato gubasambile, m'bemguha benywe bene, m'bemmonono uguya m'bindo gwenyu, bayahudi bamsambile, m'bindo gushi hutusambila beswe tuhage mtu. ³² Buhuli iwilite inywa iganine Yesu, gulihumonya mlubu nai lweliwa. ³³ Pilato gungile mmihana ya uonona, gugishile Yesu, gum'budiche, gogue noo olo lya bayahudi? ³⁴ Yesu, gumgaile, gogue wagano bibyo, wa mtima gobe, hali batu busambile mwano gwanyi? ³⁵ Pilato gumgaile, nne nili myahudi? mmoga gobe na bibuli biata noo buhila wandi, waita ii? ³⁶ Yesu gugaile, buolo bwanyi bushi bwa ino ibaloo, bagichi banyi bwisuba bwa ino ibaloo, bagichi banyi babapulanina, nasibiwe mmahano hasi. ³⁷ Pilato gubasambile, gogwe wi olo? Yesu gugaile, gogwe wagana, yulu nene ni olo. Nene nibutilwe yulu ya bino, na yulu ya bino nene nichuila hano hangala, bululi nashuhudia winene, gegese gwa winene guihulicha lidi lyanyi. ³⁸ Pilato gumsambile, winene noo ii? Nage helihuile udakoma iyo inywa gubagilile iyaka bayahudi, gubasambile, mene nishihumona ibalo yoyose weli. Bululi wenyu bisuba mengo a Pasaka nene nisumsulila mtu gumwechi, mulihubenja namsulile olo lya bayahudi? ⁴⁰ Bagodoile namdodo, na ugana, gushi guno, tusulile Balaba, guya gubele msapi.