¹ Binywa biya Yesu gudogomine, na uginuna meso mage hekulu, kuganine, Tata, mengo ma huhwa uhiya. Umginune mwanobe, na mwanobe nage guginune gogwe. ² Nahi biya bioli-mmele uoma hekulu ha bose bene inam'bili, yulu bose bolimmele gabahe mwego gwa milumbu. ³ Na mwego gwa milumbu noo guno, bumane gogwe, Abeca obuchima a winene , na Yesu Kelesitu golikumine. ⁴ Mene muginuna hano hasi, na uguhwa guya mgilo golipele nagugile. ⁵ Bino, tata unginune nene, hamwechi nobe, wa buya bugngeda bwambele nabo hamwechi nobe hambele na ibaloo ishinaba. ⁶ China liobe nababululila baya bolipele mmino ibaloo; babele bobe, upele boo nene, na inywa yobe baiwasha. ⁷ Bena bamana ugana byose byopele bihumine oli. ⁸ Yulu binywa byoliele nabaha boo, nabo babigaile, bamana winene ugana nahuma obe, buwasha ugana gogwe noo utumine. ⁹ Nene nabasabila babo, nishihusambila ibaloo, nihusabila baya bolipeke ka, bululi babo n'bobe. ¹⁰ Na bose banyi ii bobe, na bose bobe ii banyi, na nene nagununywa mnda mwabo. ¹¹ Na nene nishimminoibaloo iyaka, bano bali m'ibaloo, nene nachwa oli. Tata mmaha,wa china lyobe lyolipele ubause babo, bululi babe na umwechi nahi beswe biatuli. ¹² Hambele hamwechi nobe, nene nibaushile wa china lyobe lyolipele, nibagilahe; na hashi ata gumwe gabo guchimine, nambo guya mwana gwa uchimina, bululi mkolo guwilile. ¹³ Bino nachwa obe, na bino binywa nabidogoma m'ibaloo, bululi babe na saso lyanyi lya walila mnda mwabo. ¹⁴ Nene nibahele inywa yobe, na ibaloo yabaonywa; yulu boo bashi baino ibaloo, nahi nene byandishi gwa ino ibalo. ¹⁵ Nene nishihusaba ubahunye mmino ibaloo, iliho ubause na gugo mmobu. ¹⁶ Boo bashi ba ino ibaloo nahi nene byandishi gwa ino ibaloo. ¹⁷ Ubahahache wa giya chigilwe; inywa yobe noo winene. ¹⁸ Nahi biya bidi pilile nene m'ibaloo na nene byoka baya mabahila babo nabo m'ibaloo. ¹⁹ Na wa yulu yabo nabo nene nalihana, bululi boo bahahachiwe mnda winene. ²⁰ Na nishihusabila baboka, na baya bene bim'bwasha yulu ya inywa yabo. ²¹ Bose babe na umwechi, nahi gogwe, Tata, bidi mnda mwanyi, na nene mnda mobe, babo nabo babe mnda mwetu, yulu ibaloo iwashe na ugana gogwe noo upilile. ²² Na bugengeda uya bolipele na nene nabaha boo; bululi babe na umwechi nahi beswe biatuli na umwechi. ²³ Nene mnda mwabo, na gogwe mnda mwanyi, bululi babe bawilile u imwechi, yulu ibaloo imane gogwe noo upilile, ubanunjile boo nahi byolilinjile nene. ²⁴ Tata babo bolipele babe hamwechi nayi wine wandi. Baoshe umona ugengeda wanyi olipele; yulu ukunjile hambele ha misingi ya ibaloo ubiwa. ²⁵ Tata gwa kiine, ibaloo ishi umanine, nene niumanine, na babo bamanagogwe noo utumine. ²⁶ Na nene nibasambile china lyobe, iyaka nibasambile lyo; yulu luundo luya lolikunjila nene lube mnda mwabom na nene nabe mnda mwabo.