¹ Nimsambile bino binywa bululi mushichigililwe. bim'bula na masinagogi, yulu mengo malihuchwa melilangilwa mtu gegese mine gwimaga, ugana gulihumkilila Abeca. ³ Na bibyo bimkilila bibe yulu bashimmanine tata na nene. ⁴ Mmane mamsambila bibyo, yulu hichwa maya mengo mwaengeleche ugana nene nimsambile. Nishimsambile bibyo utula ubutulilo, yulu mbele hamwechi nenyu. ⁵ Bino nene nakia lwanyi wage mine gutumine, hashi gumwe gwenyu gulihumbucha, ulihugya uhi? ⁶ Wa bululi bwa bibyo nimsambile bibyo manyongotela mahugilula mnda mitima gyenyu ⁷ Bululi niihumsambila bya winene; ibibenje wenyu nene nagye; nambo nene nisahugya, gugu m'bwatilicha gushichwa wenyu, mndi nene nabekia lwanyi, nabemmila wenyu. ⁸ Nage gwahuhwa uchwa, gugo m'bwatilicha, gwisambila ibalo mwano gwa bubi, kiine na uonona. ⁹ Wa mwano gwa bubi, yulu bashibambwashe nene. ¹⁰ Wa yulu ya kiine, ne nakya lwanyi wa tata na mushimona iyaka. ¹¹ Wamwano gwa uonona, bululi guya mmata gwa ino ibaloo guhuhwa uononywa. ¹² Ata bino nili nabyo binge bingi biumganina, mushinabyosha iyaka ubihulicha. ¹³ Helichwa, gugo mtima gwa winene, gwibalo mbwela na um'bya uli winene ose, bululi gushidogomaulango gee mine, ila byose biene bulihulicha gwibidogoma, na biene biechwa gwilisamba mwano gwake. ¹⁴ Gee guinginuna nene, yulu gwiguha binywa binyi na uumma mwano. ¹⁵ Byose byena tata m'byanyi; wa bibyo nagana mtima gwiguha, byanyi, na umsambila mwano. ¹⁶ Na benywe mengo macho mushimona, na iyaka mengo macho benywe mwimona. ¹⁷ Bamwe bakikiwa bake badogomiane, inywa nai ino yelihugana, mengo macho benywe mushimona, iyaka mengo macho benywe mwimona? Wa bibyo yulu nakya lwanyi wa tata? ¹⁸ Bibyo baganine, iiwa mengo macho? Tushigidi yelihudogoma. ¹⁹ Yesu gumanine ugana balitaga um'bucha, gubasambile, noo iya yamlibuchana, yulu nagana, mengo macho benywe mushimona? ²⁰ Bibyo bibyo, namsambila, benywe mwilila na uona koonyu, ibaloo yoo noo yiseelelam benywe mwinyogwa, na koonyu gyenyu giegalwa uba saso. ²¹ Mmachana hubuta, guli na busungu yulu ya mengo make mahuhia, gwahuhwa ubuta mwana gushibaengelecha iyaka usuma yulu ya saso lya ubuswa wa mwana m'ibaloo. ²² Na benywe mli na kwanyu mano mengo, na nene niimona iyaka; na mitima gyenyu gyeseelela, na saso lyenyu hashi guilihunya. ²³ Na liya chuba mushimbucha inywa yoyose. Bibyo, bibyo, namsambila, m'bemsaba Tata inywa yoyose gwimma wa china lyanyi. ²⁴ Ata bino musaba inywa yoyose wa china lyanyi, sabwe na benywe mwihewa; soso lyenyu liwille. ²⁵ Nihudogoma nenyu wa miligilisho;mange mengo michua mandiologoma nenyu iyaka wa milingilisho,ila nimsambila wa hululu mwano gwa Tata. ²⁶ Naliya chuba mwisaba wa china lyanyi, na nishihumsambila ugana nene nimsabilawa Tata. ²⁷ Bululi Tata gee mine gulihubaunda yulu benywe mukundile nene, na uwasha ugana nene nihumine wa Tata. ²⁸ Nihumine wa Tata, na nene nichwile hano h'ibaloo na naishiga ibaloo nakya wa Tata. ²⁹ Bibyo bagigiwa bage baganine, lola, bino wadogoma hululu ushihudogoma wa milingilisho. ³⁰ Bino twahumana gogwe ugidi byose, na ushihuhemnba mtu gubuche, wa bibyo twawasha ugana uhumine w'Abeca. ³¹ Yesu gubagaile, bino mwawasha? ³² Lolwe,mengo mahuchwa, ehe mahuhwa uchwa, namwisaliya gwa umwa ugya wabo, wabo, na uushiga nene buchima, na nene nishibuchima, yulu Tata guli hamwechi nanyi. ³³ Nilihumsambila bibyo yulu na talala mnda mwenyu. Mm'ibaloo muli asusu, lihewe mtima, nene nahima ibaloo.