¹ Nene noo mzabibu gwa winene, na tata noo mlimi. ² Matabi mose mnda mwanyi liene lishiha lihunyiwa; na tabi lyene lieka ulihahadicha yulu like biingi. ³ Benywe musili bahaba yulu ya iya inywa yandimsambile. ⁴ Shamwe mnda mwanyi na nene mnda mwenyu. Nahi biya tabi lishinaosha ushama lyo buchima, lisahushama mnda mwa mwabibu; bioka biya na benywe musahushama mnda mwanyi. ⁵ Nene nili mzabibu; benywe noo matabi, gwishama mnda mwanyi na nene mnda mwage, gugo gibuta; bile nene benywe mushinaosha uita inywa yoyose. ⁶ Mtu gusahusa mnda mwanyi, gwitelua hambuga nahi tabi na liguma, butu bilitola na ulitela mmahia. ⁷ Benywe mwahushama mnda mwanyi na binywa byanyi biahushama mnda mwenyu,sabue yoyose yamli hubenja mwigililwa. ⁸ Bibyo tata gwiginunywa, yulu mwibuta abisa, na benywe mubi bagigiwa banyi. ⁹ Nahi biya bikundile tata, na nene nibaundile benywe, shamwe mlunndo lwanyi. ¹⁰ M'benyemia alago anyi, mwishama mluundo lwanyi, nahi nene biandinyeminye alago na ushama mluundo lwake. ¹¹ Bibyo nihumsambila, bululi saso lyanyi libe mnda mwenyu, na sasa lienyu liwilile. ¹² Alago anyi noo ano, muundane, nahi biandi m'baunde nene. ¹³ Hashi gwina luundo lwingi nahi luno, lwa mtu uhana mwego gwake yulu ya genda lyake. ¹⁴ Benywe musile magenda manyi m'bekila byandamsambila. ¹⁵ Nishi huukita iyaka bacha; yulu mcha gushibamana ilihuita mlumiage; bino benywe namkita magenda, bululi byose biandihuliche wa tata namsambila. ¹⁶ Bashi benywe musobole nene, nene noo gumsobole benye; na biguma bienyu bishamwe, yulu yoyose yamwisaba tata wa china lianyi gamme. ¹⁷ Bino namlaga benywe muundane. ¹⁸ Inangua ibaloo ibemonywa,mmane ugana itulile ukonywa nene hambele ha umonywa benywe. ¹⁹ Mwisuba bawa ibalol, ibaloo yabam'benja nahi bage; bino benywe mushi bowa ibaloo bindimsabwele umunya m'ibaloo, wabibyo ibaloo ilihumonywa. ²⁰ Engelechwe iya inywa yandimsambile, mcha gushi mmata uli mlumiake. Uba basusule nene, bimsusula na benywe; nambo banyeminye inywa yanyi, binyemia ya yenyu. ²¹ Bibakilila bibe wa yulu ya china lianyi, bululi bashimgidi mine gutumine. ²² Nambo nisachwa na udogoma nabo, basaba balwa bubi, wa bino bashibasabe uleelelwa bubi bwabo. ²³ Gegese gukonywa nene guonywa na tata. ²⁴ Nambo nisabakila wabo migilo gishikilile gunge mtu, bashisuba na bubi, wabino batumona nene na tata, na utuonywa. ²⁵ Bululi iwilile iya inywa ikolilwe m'mibindo gabo, bakonywine bunene. ²⁶ Mengo michwa gugu um'bwatiliche, gwandihila uhuma wa tata, gugo mtima kwa winene gwichwa uhuma wa tata, gee gwishuhudia. ²⁷ Na benywe mulihushuhudia, yulu utula ubutulilo mubele hamwechi nanyi.