¹ Hambele ha msambano gwa Pasaka, Yesu gumanine ugana mengo mage mahuhia, mlihuma mminno ibaloo ugia wa tata, nage uu gubaundile batu bage mmino ibaloo wa luundo lwata. mengo ma iliwa ya igolo, ihingili isibele yahum'bia Yuda, mwana gwa Simoni Isikaliyote mtima gwa ummana. ³ Yesu gumanine ugana sage gumele byose mmaboo mage; guhumine w'Abeca nage gwagia w'Abeca. ⁴ Gugimene wiiliwa, guchulile ichualaganywa yage ya hegulu, na uguha shume nulihamba mlubunda. ⁵ Hnyuma gubiile madi mlueso, na utula ubaswa bakikiwa u magulu, na ubaamia na liya shume liebele mlihambe. ⁶ Heli hiile wa Simoni Pedelo. Gugu gumsambile mlume! Gogue ulihuuswa nene magulu? ⁷ Yesu gumkaile, kumsambile, biandihuita gogue ushibigidi, wibimana mange mengo. ⁸ Pedelo gumsambile, gokue ushisua umagulu ata. Yesu gumkaile, nambo nishiusua ushi hamwechi nanyi. ⁹ Simoni Pedelo gumsambile, mlume, mashi magulu manyi ka, na maboo manyi, na msue guanyi nago. ¹⁰ Yesu gumsambile, guya mine guhuile uligoga gushi ligoga iyaka ila ulisua umagulu ka, mpili gose ii guhaha, na benywe musili bahaha, bashi benywe bose. ¹¹ Bululi gumanine guya guimmana; na yulu gudogomine,mushi benywe bose bahaha. ¹² Hehuile ubaswa magulu, gukuhile ichwalaganyu yage na ushama iyaka, gubasambile, mwamana iyo yandakila? ¹³ Benywe mulihuungita, mgigia, na mulume, mulihudogoma bibenju na noo biabili. ¹⁴ Bibyo nene nili mgigya na mlume, namsua magulu bilingye nusuame magulu benywe bene wa benywe bene. ¹⁵ Bululi nammanya biwita; nahi nene biandamkilila benywe, na benywe kilue bioka biya. ¹⁶ Bibyo bibyo, namsambila, mcha kushi mmata uli mlumiake, na mmilua gushi mmata uli gummilile. ¹⁷ M'pemana bibyo, luhangaa wa benywe ubikila. ¹⁸ Nishi hulisamba mwano gwa benywe bose, nibagidi baya bandisobuele, bululi mkolo guwilile, gulile iliwa yanyi guangi nuina ashindagulu age. ¹⁹ Utula hano namsambila hambele bishinba, bululi habiehua mwawashe ugana nene NOO GEE. ²⁰ Bibyo bibyo, nihumsambila, gegese mine guigaa gwatuma, guangaa nene, na mine gwingaa nene, guagaa mine kutumine. ²¹ hehuile udogoma bibyo, Yesu gumoneye mtima, gushuhudia na ugona, bibyo bibyo, gumwe gwenyu gwipana. ²² Bakikiwa bose balolane, bagagilwe gulihudogoma yulu ya nanyi. ²³ Na habele mgigiwa gwake gumwechi, mgegame u yaali ya Yesu, guya mine Yesu guelibendiche. ²⁴ Simoni Pedelo gum'budiche, mgigiwa gugo golihugana, tusambile, bucha, mnanyi guamgana? ²⁵ Guya mgigiwa gugamine uyali ya Yesu nage gubudiche, mlume mnanyi gugo? ²⁶ Haho Yesu gugaile, mguya mine gwandichunda italo na uuma, guchundile itola na umma Yuda mwana gwa Simoni Isikaliote. ²⁷ hanyuma ha iyo itolo ihingili imgingile. Yesu gumsambile, iya yolihubenja uita, ubeiita abilo. ²⁸ Ubayanbose babele huya iliwa ushigumanine yulu ya umsambila Yuda bibyo. ²⁹ Wa bibyo bamwe blangalile, yulu Yuda noo kubile huswala ahuaba, ugana Yesu gumsambile, ugule biatulihubnja yulu ya lino sumbilo; au gabahe bambuchu bitundu. ³⁰ Yuda helihuile uguha iya itolo gutoboile abilo, na busibele busugu. ³¹ Haho habele yuda hukia, Yesu guganine, bino mwana gw'Adamu guaginunywa, na Abeca aginunywa mnda mwage. ³² Abeca nage guimginuna gee mine, nage guimginuna abilo. ³³ Benywe bana batulela, wa mengo macho nilinenyu, mwikenga; nahi biya biandibasambile bayahudi ugana, wandihukie mushinaosha ugia, na benywe gioka biya. ³⁴ Namna alago ahia, m'benjane, nahi nene byandi babendiche benywe, byoka bibyo na benywe mubenjane benywe bene wa benywe bene. ³⁵ Bibyo batu bose bimana ugana benye musili bagigiwa banyi, m'beba na luundo benywe wa benywe. ³⁶ Simoni Pedelo gumsambile, mlume, ulihugia uki? Yesu gumgaile, wandikia ushinaosha undama, o, winddama hanyuma. ³⁷ Pedelo gudogomine, mulume, yulu yai nishinaosha uulama hano? Nene nihana mwego gwanyi yulu yobe. ³⁸ Yesu gumgaile, gogue wihana mwego gobe yulu yanyi? Bibyo bibyo, nihusambila, koo gibi gishinaduga winichingula nyendo chitatu.