¹ Nambo mwibenja ugiwila, Ee Isilaeli, MLUME gwagana, mwingiwilila nene; na nambo wibenja uhunya uchigilicha obe, ushibe u mbele w meeso manyi, haho ushichingwa iyaka; ² na gogwe wilaha bino, nahi MLUME byeli na mwego, wa chigilwe nawa uonona, na wa kiine haho noo mioga gyilihalila mihaa uhuma weli. ³ Bululi MLUME gabasambila bino natu ba Yuda ma Yelusalemu, Tipulwe bitete mnda mabala menyu, na mushiune bigugma hawingi ha miigwa. ⁴ Ligishiwe kumbi uli MLUME, muhunye bihuli bya mitima gyenyu, benywe batu ba Yuda na bashami ba Yelusalemu; uchigililwa wanyi ushichwe utobowa na hi aahya, abelama na ata mtu gushinaosha uachimya, wa yulu ya buubi bwa bigilanywa byenyu. ⁵ Losambwe mnda Yuda, dogomwe mnda Yelusalemu, na ugana, Tewe tusibamnda sii, iswe mdodogwiingi, na ugana lisumbichiwe hamwechi, twagingile mnda mabuga mene nali namigumbo. ⁶ Gimiwe bendela ulola luubi lwa Sayuni; sinywe yulu muiba na mwego, mushisingye; bululi nihila buube uhuma luubi lwa uboo wa uachi, na udiga wa wata abisa. ⁷ Tambwe gyahuhuma mnda gunji lyage, noo gusudiga mioga; gyahutula ulama ndila, gyahuhuma ha ihana yagyo; bululi gaiita ibalo yobe uba ya bushigana, mabuga mobe uiswa uba mauwa, gashishigale mtu gwa uashama mo. ⁸ Wa yulu ya bibyo lihambwe bisanjwa bya bilembe-lembe; biwe malilona ulila wa usuma; bululi sungu cha buhuchi cha MLUME chisagaluwa na utuleya. ⁹ Na wa lulo lusugu habi, MLUME gwagana, mtima gwa oolo gwichimina, namtima gwa baosobu bage; na bibuli byage byigagilwa, na bambuwa bage bigagilwa. ¹⁰ Nene nuganine, Ee MLUME Abetcha! Winene wababicha abisa bano batu ba Yelusalemu, wahugana, Mubi natalala mndi ahilu agingila mnda bichuli-chuli bya mwego bya batu. ¹¹ Maya mengo bano batu na Yelusalemu bisambilwa ino inywa, Mnaga gwa aahya guli huhuma mnda mgala gwine gushi na miti, gulihumgila misiha gya batu banyi, gushi mnaga gwa uhula na gushi mnaga gwa uhahacha; ¹² ii mnaga gwa uoma uhima gugo gwina gwichwa yulu yanyi; bino nene nilihuhila uonona wabali. ¹³ Loola gwisela hegulu nahi matimba, na tubilibili twage twa bita tubi nahi isukishi; falasi chage chihuhu uhima loochi. Luhanga lubii watuli, bululi twadoga. ¹⁴ Ee Yelusalemu, uligoge mtima gobegushibe na buube, uhogononywe. Malanga mobe mabii mishama mnda mobe ata mengo nai? ¹⁵ Bululi liidi lwalisamba utula Dani, lyadogoma buubi utula tubandagulu twa Eflaimu; ¹⁶ Mioga gihewe mwano; lingaminywe, lisambwe, yulu ya Yelusalemu, ugana baushi bahuma mnda sii gya koo, balihuhumya madi mabo yulu ya mabuga ma Yuda. ¹⁷ Nahi batu bali hugimena lubala, bachunguluwa uchunguluwa wa bita; wa bululi bamenga nene, MLUME gwagana. ¹⁸ Ndila gyobe na bigilanywa byobe byuha abule; ubo noo usona obe; bululi ii usuma, cigilwe wahuhiya ndaa na umtima gobe. ¹⁹ Mtima gwanyi, mtima gwanyi! Nasumwa mnda mtima gwanyi gwa mnda; mtima gwanyi gwanyogwa mnda mwanyi; nishinaosha ushama pii; bululi wahulicha, Ee ichuli-chuli yanyi ya mwego, liidi lya tusiba, ititicha ya bita. ²⁰ Udigwa hanyuma ha udigwa watelwa mbila; bululi sii gyose gyadoga; bitula byanyi byawaswa kole lwendo lumwechi, na mapashiya manyi wa mengo mamwechi. ²¹ Namone bendela ata mengo nai, na uhuliche liidi lya tusiba? ²² Wabululibatu banyi ii bahugi, bashingidi; na baana babo bali bahungwilwe na lwenyi, na bashi na malanga; bali na lwenyi mnda ugila buube, wa mnda ugila bisoga bashi na malango. ²³ Nilingamine sii, na uloola, gibele hululu, gishi na batu, nilingamine gulu, nalyo libele lishi na lwenge. ²⁴ Nilingamine koono, na iloola, chidandile, na koono chose chishenine uya na uya. ²⁵ Nilingamine, na uloola, hashibele na mtu ata gumwechi, na tunonyi tose twa ha hululu tuligilile lwabo. ²⁶ Nilingamine, na uloola, lubala lwine luhele abisa lusili hululu, na mabuga mage mose mabele mabelwe umbele wa MLUME, na umbele wa sungu chage cha buhuchi. ²⁷ Bululi MLUME gwgana bino, Sii gyose gibi hululu; mndi nishigisungya abisa. ²⁸ Wa yulu ya bibyo sii gibi na malilo, na gulu libi lihisu; yulu nene noo nadogoma bino, na ubilanga, na nisalibecha na ata ugiwila unyuma nabileye. ²⁹ Mbuga gigima gyasina, wa yulu ya ihulo ya bashinyi ba falasi na bina mata balihugingila mtushakalanga, bachina hegulu ha mawe mamata; mbuga gyogyose gyashigwa, hashi ata mtu gumwechi guli mahame mwagili. ³⁰ Na gogwe, holiwaswa kole , wiita wii? Inangwa walichwiya bichwalaganywa bya bigachichu, unalitogola wa ulitogola wa nolo, inangwa unalibiya aula a ahisu u meeso, uliita uba hungwe bunene ka; bugenda bobe bulihuunenuna; balihuenga mtima gobe. ³¹ Bululi nahulicha liidi, nahi liidi lya mmachana mengo ma busungu bwage, na liidi lyage guya gulihusumwa, nahi mmachana guluhubuta mwanage gwa mtangi, liidi lya msiha gwa Sayuni, gulihuhemena wa uooma gapate luhuda, na ugolola maboo mage, gulihugana, Luhanga lubi wandi, bino, Bululi mtima gwanyi gwachiminya malanga umbele wa buupaga.