¹ Sedekia mwaana gwa Yosia, guhyilile manyuma ha Konia, mwaana gwa Yehoyakimu, guya mine guhunyanyichiwe na Nebukadleza mnda sii gya Yuda. ² Mndi gee na bgichi bage, ata sii gyose, bashihuiche binywa bya MLUME byelidogomine u anywa a Yelemia mbuwa. ³ Sedekia, oolo, gutumine Yehukali mwaana gwa Shelemia, na Sefania,, mwaana, gwa Maaseya, ibuli, wa Yelemia, mbuwa, ugana, Utusabile hano wa MLUME, Abetcha etu. ⁴ Haho Yelemia gubele hugingila na utobowa hawingi ha batu; bululi babele bashinammamba m'bulogo. ⁵ Na basolokoto ba Falao babele balihuhuma mnda sii gya Misili; na Bakaldayo bene babele bachungulubu Yelusalemu, habahuliche mwano gwabo, babulule makambi mabo u mbele wa Yelusalemu. ⁶ Haho noo inywa ya MLUME ichwilile Yelemia, ugana, ⁷ MLUME, Abetcha a Isilaeli, gwagana bino, Mwimsambila bino oolo lya ba Yuda, gwammila wandi umbucha; Loolwe, bilume pambwa bya Falao, bene bachwa um'bwatilicha, byigiwila Misili, sii gyabo boo bene. ⁸ Na Bakaldayo bichwa iyaka, naulwa na gino mbuga; nabo bigiwata na ugichigya. ⁹ MLUME gwagana bino, Mushilibiche ugana, Hashi ata adugwa Bakaldayo bituleya na uligila lwabo; chigilwe bashimshiga. ¹⁰ Bululi nambo mwabalwa na basolokoto bose ba Bakaldayo bene balihulwa nenyu, nambo babashigala hawingi henyu batu bene bali na malase ka, ata bibyo babachuwa kila mtu mnda itula yage , na ugichigya gino mbuga. ¹¹ Inangwa basolokoto ba Bakaldayo hababele bahubela kambi lyabo u mbele wa Yelusalemu, wa yulu ya usina basolokoto ba Falao, ¹² haho noo hahumine Yelemia m Yelusalemu, bululi gagye m sii gya Benyamini, gahewe ubo mtala gwage u bashiwabo. ¹³ Nage halibele u mchango gwa Benyamini, mmela gwa balochi mine gubele hoo, china lyage Iliya, mwaana gwa Shelemia, mwaana gwa Hanania; genuum'bwata Yelemia, mbuwa, guganine, Ulihugya ulilunga na Bakaldayo. ¹⁴ Haho Yelemia guganine, Ii lulimi lulo, nishihugya ulilunga na Bakaldayo; ata bibyo gee gushiwashiche; bibyo Iliya gum'bwatile Yelemia, gummiiche u baulu. ¹⁵ Nabo baulu bashigililwe yulu ya Yelemia, bammulile, bam'biile m'bulogo mnda ndu gya Yonathani, mgochi; bululi noo gyabaitile uba bulogo bwa uhambila batu. ¹⁶ Haho, Yelemia helibele hugingila mnda ndu gya iina, na mnda byumba bya mnda; Yelemia hesibele gwahushama mmo masugu meengi; ¹⁷ haho noo Sedekia, oolo, gutumine batu bamlushe; nage oolo gum'budiche wa bubisa mnda ndu gyage, guganine, Wi wii! hali inywa ya uhuma wa MLUME? Yelemia gugaile, Iliho. Yelemia gumsambile Sedekia, oolo, Ugana, ehe, wiwaswa na maboo ma oolo lya Babeli. ¹⁸ Hamwechi na bibyo Yelemia gumsambile oolo Sedekia, Nagila buubi nai yulu yobe, na ata yulu ya bagichi bobe, nayuluya bano batu, ata na upamba m'bulogo? ¹⁹ Bali uhi bambuwa benyu bene bababuwile, balihugana, Oolo lya Babeli lishichwa wamli, na ata u gino sii. ²⁰ Na bino upuliche, Ee mlumyanyi oolo; usaba wanyi na unyemiwe u mbeleobe; ushingiwiche mnda ndu gya Yonathani, mgochi, nashichwe uuwa mo. ²¹ Haho, Sedekia oolo guhanene alago, bam'biile Yelemia mnda labala lya balochi; babele humma mkati gumwechi wa lusugu lumwechi gubele huhuma uhitila ndila gya bachechi ba mikati, bibyo mikati gyose gya mmbuga hagihwile. Bibyo Yelemia gushamine mnda lagala lya balochi.