¹ Gusibele mwaa gwa buna gwa Yohoyakimu, mwaana gwa Yosia, oolo lya Yuda, inywa ino imchwilile Yelemia, uhuma wa MLUE, ugana, ² Guha gombo lya malangulo, wagole mnda mwage binywa byose byandiuambile yulu ya Isilaeli, na yulu ya Yuda, na yulu ya mioga gyose, utula luya lusugu lwandidogomine nobe,utula masugu maYosia, ndaa na lusugu luno lwa lino. ³ Hange ndu gya yuda gyihulicha usona ose wandilangile ubagila; bululi baagiwile, batu bose baaleye madila mabo mabii; na nene nibaleelela usona wabo na buubi bwabo. ⁴ Hanyuma Yelemia gugitile Baluku, mwaana gwa Nelia, nage Baluku noo ugolemnda mwa gombo lwa lusungulo binywa byose bya MLUME, byine bihumine mmanywa a Yelemia, byine bimsambile MLUME. ⁵ Yelemia gumlagike Baliku, ugana, Nene nahambwa, nishinaosha ugingila mnda ndu gya MLUME. ⁶ Bino, gogwe ugye, wasungule lilyo gombo lya lusungulo, byine byoligolile mnda mwalyo, bunywa bya MLUME byine buhumine mnda anywa anyi, wasungule u matu ma batu, mnda ndu gya MLUE, lusugu lwa uhamba nangu uya iliwa; iyaka waisungule u matu ma batu bose ba Yuda, bene bichwa uhuma u mabuga mabo. ⁷ Hange bisaba lusabo lwabo wa MLUME, naugiwila, kila mtu gabeleya bigilanywa byage biibe; bululi sungu na buhuchi ii bwiingi abisa, bwelidogomone MLUME yulu ya bano batu. ⁸ Haho, Baluku, mwaana gwa Nelia, gugilile ulamana na biya byose, byine Yelemia, mbuwa, byelimsambile, ulangula mda iya itabo, binywa bya MLUME mnda ndu gya MLUME. ⁹ Mndi ha mwaa gwa butano gwa Yohoyakimu, mwaana gwa Yosia oolo lya Yuda, mwechi gwa yahabula, batu bose bene babele mnda Yelusalemu, na batu bose bene bachwile u Yelusalemu uhuma u mabuga mose ma Yuda, batele mtambila gwa uhamba nangu uuya u meeso ma MLUME. ¹⁰ Bino, mamo mengo Baluku hulangule binywa bya Yelemia mnda ndu gya MLUME, mnda yumba ya Gemalia, mwaana gwa Shafani, mgochi, mnda isebusebu ya hegulu, ihana ya ugingilila ya ihya ya ndu gya MLUME, gusungule itabo u matu ma bato bose. ¹¹ Haho, Mikaya, mwaana gwa Gemalia, mwaana gwa Shafani, helihuliche bibyo binywa bose bya MLUME byine bihumine mnda iyo itabo, ¹² gusalile na ugingila mnda ndu gya oolo, mnda yumba ya mgichi, na loola, baulu bose bali bashame mo, nabo, noo bano, Elishama, mgichi, na Delaya, mwaana gwa Shemaya, na Elnathani, mwaana gwa Akboli, na Gemalia, mwaana gwa Shafani, na Sedekia, mwaana gwa Hanania, na bauulu bose. ¹³ Nage Mikaya gubsambile bunywa byose byine byelihuliche, haya hene Baluku helibele huisungula iya itabo u matu ma batu. ¹⁴ Haho, bahela bose bamtumine Yehudi, mwaana gwa Nethania, mwaanagwa Shelemia, mwaana gwa Kushi, gagye wa Baluku, umsambila, Uiguhe mmaboo mobe iya itabo yine yawasungula u matu ma batu, uchwe uno, Bibyo Baluku, mwaana gwa Nelia, gugile uya wabali. ¹⁵ nabo bamsmbile, Shama hano, uisungule u matu metu. Haho, Baliku guisungule u matu mabo. ¹⁶ Haya, habahuliche biya binywa byose, balolene wa booba, bamsambile Baluku, Tulingye umsambila oolo bino binywa byose. ¹⁷ Bam'budiche Baluku, baganine, Tusambile bino; uoshiche wii ubigola bino binywa uhuma mmanywa mwage? ¹⁸ Baluku gugaile, Gundogomene bino binywa byose uhuma mmanywa mwage, na nene nibigolile wa wino mnds itabo. ¹⁹ Haho baya baulu bamsambile Baluku, Ugye ulibise, gogwe na Yelemia, na mtu gegese gashimane wine wamli. ²⁰ bagile wa oolo ulagala; bibyo babele baibiye iya itabo u yumba ya Elishama, mgochi babidogomine biya binywa byose u matu a oolo. ²¹ Haho, oolo gutumine Ehudi gagye uiguha iya itabo; nage guiguhile u yumba ya Elishama, mgochi. Yehudi guisungule u matu ma oolo, nau matu ma baosobu bene babele bagimanyu u mbele wa oolo. ²² Haho oolo gubele mshame mnda ndu gyine gibele hushaminywa mengo ma peho, mwechi gwa yahabula; nahayahabele aahya a maala u mbele wage. ²³ Biya helibele, Yehudi helihwile uisungula bibandu bitatu, bina bya itabo, oolo guiguhule na uigeda na lwasu, na uitela u maala ma aahya, na itabo yose noo uchiga mnda aya aahya a maala. ²⁴ Ata bibyo bashimonine booba, na bashigulile bichwalaganywa byabo, ata oolo, ata bagichi bage bose ata gumwechi bene bahuliche binywa bibyo byose. ²⁵ Ata bibyo elnathani, na delaya, na Gemalia, babele humtendelela oolo gashichigye iya itabo, ata bibyo gushioleye ubahulicha. ²⁶ Oolo gumsambile Yelameeli, mwaana gwa oolo, na Selaya mwaana gwa Azlieli, na Shelemia, mwaana gwa Abdeeli, bam'bwate Baluku, mgochi, na Yelemia, mbuwa, bibyo MLUME gubabisile. ²⁷ Hanyuma inywa ya MLUME ichwilile Yelemia, haya hene oolo gwahuhwa uchigya iya itabo, na buya binywa byeligoile Baluku, byine bihumine mmanywa a Yelemia, ugana. ²⁸ Mndi! gogwe uguhe inge itabo, wagole mnda mwayo binywa byose bya bitangi, byine bibele mnda iya itabo ya itangi, yine ichigiwe na Yehoyakimu, oolo lya ba Yuda, yelichigiche ²⁹ na wa yulu ya mwano gwa Yehoyakimu oolo lya Yuda, wigana, MLUME gwagana bino, Wachigya ino itabo, uganine, Yulu yai ugolile mnda mwayo, uganine, Hashi ata adugwa oolo lya Babeli gwichwa, na ugidogya gino sii, na usungya batu na nyama chose mnda sii? ³⁰ Bino, MLUME gwagana binowa yuluya mwano gwa Yehoyakimu oolo lya ba Yuda; Gushibi na mtu gwishama wiisuba ya buoolo bwa Daudi; na itumba yage yitelwa hambuga mengo ma mchuba ihulwe na chuba, na mengo ma busugu yanyogwe na peho. ³¹ Nene nisusula gee, wa yulu ya usona wabo, nene nilusha hegulu habo, nahegulu ha bashami ba Yelusalemu, na hegulu ha batu babYuda, buubi bose bwine bwandidogomine yulu yabo, ata bibyo bashibendiche upulicha. ³² Haho Yelemia guguhile inge itabo, nuuma Baluku, mgochi, mwaana gwa Nelia, nage gugolile binywa byose byine bihumine mmanywa a Yelemia, na iya itabo yine ichigiwe na Yehoyakimu, oolo lya ba Yuda, mnda aahya; iyaka ii binywa biingi abisa nahi biya bigubiwe mnda iya itabo.