¹ Inywa iyo noo ichwilile Yelemia, uhuma wa MLUME, ha masugu ma Yohoyakimu, mwaana gwa Yosia, oolo lya ba Yuda, ugana, ² Ugye mndu gya Balekabi, wadogome nabo, wabalushe mnda ndu gya MLUME, mnda yumbaimwechi, wabahe divai baanywe. ³ Haho nimguhule Yaazania, mwaana gwa Yelemia, mwaana gwa Habasinia, na bashiwabo, na baana bage bose, na ndu gyose gya Balekabi; ⁴ nibahyiche mnda ndu gya MLUME, mnda yumba ya baana ba Hanani, mwaana gwa Igdali, mtu gwa Abetcha, yine ibele hoka na yumba ya bauulu, nayo ibele hegulu ha yumba ya Maaseya, baana ba Shalumu, mgimanyi gwa umchango. ⁵ nibiile bilego bya bigiluchu divai, na bisengo, umbele wa meeso na baana ba Balekabi, nibasmbile, Nyuwe divai. ⁶ Haho baganine, Tushinywa divai; bululi Yonadabu, mwaana gwa Lekabu, setu, gutusambile, ugana, Mushinywe divai,benywe na baana bebyu ndaa na milumbu. ⁷ na mushigubae madu, na mushiune biguma, na mushiune mizabibu, na mushibe nagyo; bibyo masugu menyu mose mwishama mnda itula; mwahame masugu meengi mnda sii gyine gyamwisha mo nahi bgenyi. ⁸ Benswe tunyeminye liidi lya Yonadabu, mwaana gwa Lekabu, setu, mnda byose byelitusambile, ugana tushinywe divai masugu metu mose, beswe, na baachi betu, na baana betu, na misiha gyetu; ⁹ na tushigubae madu ma ushama; na tushi na lubala lwa mizabibu, na uba nalubala lwa lulimwe, na ata mbuto; 0 bino tulibashame ka mnda itula, na beswe twawasha; twagila byose ulamana na byelitusambile Yonadabu, setu, ¹¹ Biya uba Nebukadleza, oolo lya Babeli, helichwile na ungila mnda gino sii, haho noo hatuganine, Bibyo, tubegya Yelusalemu, tubele husina basolokoto ba Bakaldayo, na tubele humona booba basolokoto ba Bashami; mnda haho twashama Yelusalemu. ¹² Inywa na MLUME imchwiile Yelemia ugana, ¹³ MLUME, Abetcha a Isilaeli , gwagana bino, Ugye ubasambila baaba ba Yudan na bashami ba Yelusalemu, Wi wii! Mushihubenja uwasha lugigyo, muhuliche binywa byanyi? MLUME gwagana. ¹⁴ Binywa bya Yonaabu, mwaana gwa Lekabu, byelisambile baana bage, ugana bashinywe divai, byawilichiwa, ndaa na lino bashihunywa; bululi banyemya aya alago a sabo; na nene nadogoma nenyu, nibele hubyuwa u mayaya na udogoma, ata ibyo benywe mushipuliche nene. ¹⁵ Iyaka nihilile bagichi banyi bose, bambuwa, wamli benywe, nibele hubyuwa u mayaya na ubahila, niganine, Giwilwe hano, kila mtu na gagileye ndila gyage giibi, na ulongya bigilanywa byenyu, na mushilame tunge tubetcha, yulu ya utugilila, bibyo benywe mwishama mnda gino sii, gyandimmele benywe na bamasenyu; ata bibyo mushitegile matu menyu, na mushupuliche. ¹⁶ Bino, wa yulu ya baana ba Yonadabu, mwaana gwa Lekabu, bawilicha alago a sabo elibasambile, mndi bano batu bashipuliche nene. ¹⁷ Wa yulu ya bibyo, MLUME gwagana, Abetcha a bilume pambwa, Abetch a Isilaeli; Loolwe nilusha hegulu ha Yuda, nahegulu ha bashami ba Yelusalemu, buubi bose bwine bwandidogomine yulu yabo, bululi nidogomine nabo, bashipuliche; nibagitile nabo bashigitabuile. ¹⁸ Nage Yelemia gusambile batu ba ndu gya Balekabi, MLUME gwa basolokoto, Abetcha a Isilaeli, gwagana bino, Wa yulumwanyemya alago a Yonadabu, senyu, na uwasha malagano mage mose, na ugila ulamana na byose byine byelimsambile. ¹⁹ bino, wa yulu ya iyo ibalo, MLUME gwa bilume pambwa, Abetcha a Isilaei, gwagana bino, Yonadabu, mwaana gwa Lekabu, gushihulwa na mtu gugimana u mbele wanyi milumbu.