¹ Buubi bwa Yuda bwagolwa wa kiliyo gya igela, na wa songo gya almasi; byabachwa wa ibao ya mtima gwabo, na umasunga ma butambikilo bwenyu; ² na mamo mengo baana babo balihuengelecha butambikilo bwabo, na miishi gyabo, hoka na miti gyine gyina byaanyi bya bibisi hegulu ha koono cha chilahu. ³ Ee loono lwanyi lwa mmibanda-banda, nihana bibya byobe byose bibe kole, na ihana yobe yose ili iginyubu, wa yulu ya buubi, u migimbo gyobe gyose. ⁴ Gogwe, ehe, gogwe ichuli-chuli yobe ya mwego, wileyena na buhyana bobe bwandiuhele; nene niuita gogwe ubagilile ba tumangu tobe mnda sii gyoshigidi; bubluli walamya aahya hegulu ha sungu chanyi, ene ilama milumbu. ⁵ MLUME gwagana bino, Gwalogwa mtu gula gulihumudagila mtu nage, Gwammita mtu uba itu ya uuminga, Na mnda mtima gwage gwamleya MLUME. ⁶ Bululi gubi nahi mbuchu mgala, Gushimona hichwa bisoga; Bibyo gyishama mnda lwanaganywa mine mushi maadi, Mnda sii gya miinyu gyine gishi bashaminywa na batu. ⁷ Gwahalilwa mihaa mtu guya mine gulihummudagila MLUME, Guya MLUME noo maudagilo mage. ⁸ Bululi gubi nahi mti guuninywe mibamba mwa maadi, Gulihugandacha michinga gyage hoka ma luudi; Gushimina booba mengo michwa kamo, Bibyo yaanyi yago ibi ibisi; Nago gishididibuwa mwaa mabula macho, Nago gushileya uuha biguma byago. ⁹ Mtima gusuba abichiwa uhima bitu byose, gwina bubaba lwa uhaga; mnanyi gunaosha ugumana? ¹⁰ Nene MLUME, nilihugulingamina mtima, nilihutonda muunda, ata uuma kila mtu ulamana na madila mage, ulamana na biguma bya bigilanywea byage. ¹¹ Nahi kwali bwagisuongola baana beshitotole, bibyo noo bili mtu guliha bitundu, na ushi wa kiine, hawingi ha masugu mage mishigana nage, na isula yage gubi mmugi. ¹² Isuba ya buoolo, ya ugengeda, yine ibiilwe hegulu utula ubutulilo, noyo ihana ya ihaha yetu. ¹³ Ee MLUME, maudagilo ma Isilaeli, bose bene biushiga bimona abule. Bose bene bilibagula nanyi, bigolwa wiisee, wa bululi bamleya MLUME, ishima ya maadi mina mwego. ¹⁴ Uponye, ee MLUME, na nene nihona; upogonone, na nene nihogononywa; wa bululi gogwe noo uli punda chanyi. ¹⁵ Loola boo balihusambila, ugana inywa ya MLUME ili uhi? Na ibechwa bino. ¹⁶ Nene hano nishigilile abilo-abilo uleya uba mmushi unyuma obe; na nishibenjiche lusugu lwa bisimi bya uhagana; gogwe ugidi; bihumine mnda milomo gyanyi bibele umbele wa meeso mobe. ¹⁷ Ushibe ibalo ya booba bwata wandi nene; gogwe noo uli businino bwanyi masugu ma usona. ¹⁸ Na badambe mmee batu bene bali hususula, haho nene nashidambe mmee nene; na bamone iduba yata; wabali ubahile lusugu lwa usona; ubadige wa udiga nyendo chopi. ¹⁹ MLUME gusambile bino, Ugye ugimana u mchango gwa baana ba bano batu, habigingila bamaoolo ba Yuda, na habitobowa, na u michango gyose gya Yelusalemu, ²⁰ wabasambile, Ihulichiwe inywa ya MLUME, benywe bamaoolo ba Yuda, na ba Yuda bose, na benywe bashami bose ba Yelusalemu, benywe bene balihugingila mnda gino michango; ²¹ MLUME gwagana bino, lilolwe m,bichuli-chuli byenyu bya mwego, mushiswale mchigo gogose lusugu lwa ulitucha, na mushi guhyiche mnda michango gya Yelusalemu; ²² na mushitobole mchigo mnda madu menyu lusugu lwa ulitucha, na mushigile mgilo gogose; bibyo luhahachiwe lusugu lwa ulitucha, nahi byandibasambile bamasenyu; ²³ ata bibyo bashihuliche, na bashitegile matu mabo, haho babiile maosho mabo uba magumu,yulu bashihuliche na bashigae lusungulo. ²⁴ Na habi, nambo mwipulicha nene wa chigilwe, MLUME gwagana mushigingiche mchigo gogose u michango gya gino mbuga lusugu lwa ulihocha, bibyo mwahahache lusugu lwa ulihocha, na nangu ugile mgilo gogose lulo lusugu; ²⁵ haho noo habigingila bamaoolo na baosobu mnda gigyo michango gya gino mbuga; haho noo habishama wisuba ya buoolo bwa Daudi, na uchina tubilibili na falasi, boo, na baosobu babo, batu ba Yuda, n abashami ba Yelusalemu; na gino mbuga gyishama ndaa na milumbu. ²⁶ Nabo bihuma u mabuga ma Yuda, na ihana ili ngubi chose cha Yelusalemu, na mnda sii gya Benyamini, na Shefela, na koono, na luubi lwa Negebu, babelusha lutangi lwa uchigya na nolo, na lutangi lwa buusu, na buswenge, na ulusha lutangi lwa buswachi, mndu gya MLUME. ²⁷ Bibyo nambo mushihubenja upulicha, uluhahacha lusugu lwa ulihocha, namgu uswala mchigo na ugingila u michango gya Yelusalemu lusugu lwa ulihocha; bino, nilamya aahya u michango gyage, nao ichigya ndu gya buoolo bwa Yelusalemu, nao ashichima.