¹ Iyaka inywa ya MLUME injwilile ugana, ² Gogwe ushigonda mmachi, na ushibi na bawalubaga na bawamisiha hano ha ino ihana. ³ BululiMLUME gwagana bino, yulu ya mwano gwa bawalubaga na yulu ya mwano gwa bawamisiha, bene bibuswa ha ino ihana, na wa yulu ya baminabo bene bibabushile, mnda gino sii. ⁴ buwaa wambaba chibii; bashililwa, na bashichiwa; babi ba unaga hegulu ha bitete; nabo bihagwa wa ahilu, na wa ndala; na bitumba byabo bibi biliwa bya tunonyi twaha hululu, na bya nyama cha sii. ⁵ Bululi MLUME gwaganabino, Ushigingile mnda gyine gili lilo, na ushigye u malilo mabo, nangu ubalilila; bululi nabahuminya bano batu talala gyanyi, MLUME gwagana, ata yano yanyi na uleelela wanyi. ⁶ Baosobu wa baana ba tulela bose biiwa mnda gino sii; bashichiwa, ata batu bashibalilila, na ata uligedageda wa yulu ya kuu chabo, na ataulibega wa yulu yabo; ⁷ na batu bashinoga mkati yulu yabo, mengo na malilo, bululi bwa ubahungya yulu yabo bene bawile, na batu bashibaha isengo ya mmungyo, baanywe yulu ya bamasabo na bamnabo. ⁸ Na ushigingile mnda ndu gya saaso lya uya ma unywa, ushama hamwechi nabo, na uya na unywa. ⁹ Bululi MLUME gwa bilume pambwa, Abetcha a Isilaeli, gwagana bino, Nene, umbelewa meeso menyu, na ha masugu menyu, nisungya madi ma saaso, na madi ma aseo, ha ino ihana; liidi lya mlume gwa buya na liidi lya mmachi gwa buya lyisunga ha ino ihana. ¹⁰ Iyaka habi holibasambila bano batu bino binywa byose, nabo biusambila, Yulu yai MLUME gwadogoma yulu yetu buubi buno bobe bwaata? Usona wetu ii usona nai? Na buubi bwetu, bwatumgilile MLUME, Abetcha etu, ii buhi? ¹¹ Haho noo holibasambila, ii wa bululi bamasenyu bashigile nene, noo byagana MLUME, na utugila tunge tubetcha, na utugilila, na ututambikila, bandeile nene na nangu uwasha m'bindo gwanyi; ¹² na benywe mwagila buubi uhima bamasenyu; bino loolwe, mulihugya klia gumwechi ulamana na ugumagala wa mtima gwage gubii, mushipuliche nene. ¹³ bino, wa iyo ibalo, nimmumya mnda gino sii, na umgingicha mnda sii gyine gyamushimanine; utula benywe na bamasenyu; na uya mwigilila tubetcha tunge mchuba na m'busugu; bululi nene nishimma yano yanyi ata icho. ¹⁴ Ata bibyo, loolo, masugu mali huchwa, MLUME gwagana, hene habashidogoma iyaka, MLUME guli na mwego, mine gubahuminye baana ba Isilaeli mnda sii gya Misili; ¹⁵ Mndi, bili MLUME na mwego, gubachwishiche baana ba Isilaeli uhuma sii gya lubi lwa uboo wa uachi, na uhuma mnda bibaloo byose byine byeli mchingile oo; nene nibagiwicha mnda sii gyabo boo bene byandibahele bamasabo. ¹⁶ Loola, MLUME gwagana, Nibatuma batu ubagita balobi beengi, nabo bimloba; na hanyuma ha haho nibatuma batu ubagita bilugwe biingi nabo bimmiba, bihuma u loono lolose, na uhuma u tubandagulu tose, na u miao gyose na koono cha mawe. ¹⁷ Bululi meeso manyi malihulola madila mabo mose, bashibabiswe yenyi yanyi ishibamone, na ata usona wabo ushibiseme u meeso manyi mashiumone. ¹⁸ Na nene nibaha usona wabo na buubi bwabo nyendo chopi, bululi bagiita sii gyanyi uba gisonyu, wa michigo gya bitu byabo bya uchigilicha, na ugilucha buhyana bwanyi wa uchigilicha wabo. ¹⁹ Ee MLUME, uoma wanyi, mgumbo gwanyi, na businino bwanyi masugu ma asusu, obe gogwebichwa mioga gyose uhuma sii gya ibaloo, babihugana. Bamasetu bashihyanine itu nambo lulimi kaa, ehe, bya bunene na bitu bishi na mgilo. ²⁰ Wi wii! Mtu gunalilongecha tubetcha, twine tushi tubetcha? ²¹ Bino, loola, nibamanya, lwendo lumwechi luno nibamanyauboo wanyi, na uoma wanyi; nabo bimana ugana; china lyanyi nili YEHOVA.