¹ Haho noo hene hasambile MLUME, Ata babagimana umbele wanyi ba Musa na Samwele, mtima gwanyi gusabaoleya bano batu; batele, bahume umbele wa meeso manyi, baligile lwabo. ² Hanyuma ha haho, hene habiusambila ugana, Tugye uhi? Wibasambila ugana MLUME gwagana bino, Bagolelwe uwa biiwa; uba uwa wa ahilu, biiwa wa ahilu; uba uwa wa ndala, biiwa wa ndala, uba wa uwaswa kole, babi kole. ³ Na nene nihila namuna china, MLUME gwagana; ahilu ahage, na tuwa tuchigane, na tunonyi twa ha hululu, na misohe gya buhuchi gya hano hibaloo giiye na uchimya batu bose. ⁴ Nene nibyiita uba itu ya ahona songa mnda maoolo mose ma sii, wa ibalo ya Manase, mwaana gwa Hezekia oolo lya yuda, wa yulu ya bigilanywa byage gyeligilile mnda Yelusalemu. ^{5 5} Bululi mnanyi gwimonene misa, Ee Yelusalemu? Na mnanyi gwiulilila? Na mnanyi gwigaluwa na ubucha mwano gwa mishaminyi gyobe? ⁶ Waapanya nene, MLUME gwagana, wagiwila unyuma; noo yulu nagolola uboo wanyi hegulu hobe, na uuchimya; naima na uuleelela. ⁷ Nene napepeya nahi mganda-lubaba u michango gya mbuga nabahunya baana babo, nabahaga batu banyi; ata bibyo bashibangiwilile na uleya madila mabo. ⁸ Bawilwa babo balibama beengi wandiuhima isee ya bahali; nahila guya gwa uwata kole mengo ma kunyiya meeno uli mnabo gwa bawalubaga; nahile mengo yulu bamone booba machwe wa ubabula. ⁹ Mmachana mine gubushile baana njwii gwachiminya malanga; gwaawa; chuba lyage lyahuchinda, mili ii mengo ma mchuba; gwadamba mme na umona abule; na mihona gyabo nigihana uahilu a tumangu byabo,MLUME gwagana. ¹⁰ Luhanga lubi wandi, mago, wa yulu gwambuta nabe mtu gwa ugumana, na mtu gwa mahindi na sii gyose! Nene nishikopeshiche wa ugiwichiwa alambwe; bibyo mtu gegese gwabo guli huundoga. ¹¹ MLUME guganine, Chigilwe niubiya uoma ube na bisoga; chigilwe ubenja na ushuubenja nimsambila amangu abo ubongele ububu mengo ma usona, na mengo ma asusus abo. ¹² Wi wii! Mtu gunaosha unoga igela, ehe, igela ya uhuma luubi lwa uboo wa uachi, nambo mmubo? ¹³ Bibya byobe na luhinda lobe nibihumya bibe kole, hashi uhewa alambwe age; ehe, wa yulu ya ibalo ya buubi bobe bose, ndaa na u ng'umba chobe chose. ¹⁴ Nene niubiya hasi yulu wabagilile ba tumangu tobe mndfa sii gyoshigidi; bukluli aahya alamiwa mnda sungu chanyi, iimchigya benywe. ¹⁵ Ee MLUME, ugidi gogwe; ukengeleche, unjwile, wangiwidiche buubi wa buubi uli baya bene balihundegya; ushipumye yulu ya ulitolelecha obe; ugidi ii wa yulu yobe nigwile mnda uchingwa. ¹⁶ Binywa byobe bomoneye wandi, na nene nibilile; na binywa byobe bibele saaso lyanyi, na useelela mnda mtima gwanyi; bululi nagiswa wa china lyobe, Ee MLUME, Abetcha a bilume pambwa. ¹⁷ Nishishamine, mnda sumbilo lya bene bali huya na unywa, na nishiseelele, nishamine nene buchimawa yulu ya uboo obe; bululi wangilucha uchigililwa. ¹⁸ Bululi bwai usumwa wanyi ii wa masugu mose, na malase manyi mashi na buganga, mahanya uhuna? Wi wii! Winene gogwe ubi wandi nahi hiluudi hya ubichana, na nahi maadi mene mashibasinga na uama? ¹⁹ Wa yulu ya bibyo MLUME gwagana bino,Ubegiwila, haho nene niugiwicha, waoshe ugimana umbele wa meeso manyi iyaka; na gogwe ubetambikila yine ili isone, ubi nahi anywa anyi; nabyo byiugiwilila gogwe, bino gogwe ushibiwilila byoo . ²⁰ Nene niuita ube nahi mgumbo gwa mmubo yulu ya bano batu; nabo bilwa nobe; ata bibyo bashyuhima; yulu nene nili hamwchi nobe, yulu nuuhogonone, na uuhonya, MLUME gwagana. ²¹ Nene niuhogonona na uboo wa batu baabi, nene niuhogonone mnda uboo wa bene balihusinywa.