¹ MLUME gusambile bino, Ugye, uligulile mchingo gwa guhya walihambe mlubunda, na ushigusuwe. ² Bibyo nugululie mchingo ulamana na inywa ya MLUME, nilichwiiye mlubunda. ³ Nayo inywa ya MLUME injwilile lwendo lwa bubili, ugana, ⁴ Guha guya mchingo goligulile, guya guli mlubunda mobe, hanyuma wagimane, wagye ndaana luudi Flati, wagubise uya mnda mmao gwa mawe. ⁵ Haho nigile, nigubisile hoka na luudi Flati, nahi bisambila MLUME. ⁵ ............ ⁶ ............. ⁷ .............. ⁶ Na habibele, hanyuma ha masigu meengi, MLUME gusambile Gimana, na ugye uya u luudi Flati, uguguhe guya mchingo, gwandiusambile ugubisa uya. ⁷ Haho nigile ndaa na u luudi Flati, nidabile, niguguhile guya mchingo ha ihana iya yine yandigubisile; na ulola, mchingo bisibele gwahudoga, gushibele na mgilo iyaka. ⁸ Haho inywa ya MLUMEinjwilile, ugana, ⁹ MLUME gwagana bino, Nahi byaguli gugo nibudogya buhulihuli wa Yuda, na buhulihuli bwata bwa Yelusalemu. ¹⁰ Bano batu basone, balihuhanya uhulicha binywa byanyi, balhugyata wa mitima gyabo gigumu, na ulama tubetcha tunge yulu ya utigilila na ututambikila, babi na namuna gimwechi na guno mchingo, gushi na mgilo iyaka. ¹¹ Bululi nahi mchingo byaguwatene na lubunda lwa mtu, noo byandibalunga umwechi ndu gyose gya Isilaeli; na ndu gyose gya Yuda, MLUME gwagana; yulu babe batu banyi nene, na chinan na punda, na ugengeda; bibyo bashibendiche uhulicha. ¹² Bino wibasambila ino inywa, MLUME, Abetcha a Isilaeli, gwagana bino, Milangi gyose gyigiluchiwa na divai; nabo biusambila, Wi wii! beswe tushigidi ugana milangi gyose gyigiluchiwa divai? ¹³ Haho noo holibasambila, MLUME gwagana bino, Loowe, nibaocha boolwa bashami bose ba gino sii, ata bamaoolo bene bali bashame witi ya buoolo bwa Daudi, nabibuli, na bam,buwa, na bashami bose ba Yelusalemu. ¹⁴ Nibagumyanya, mtu na miinage, ehe, ba shibaana na baana babo hamwechi, MLUME gwagana, nishibamonena misa, na nishileya, na nishibaleelela, ndaa na byandibadiga. ¹⁵ Hulichiwe bwenywe, mwatege matu menyu; nangu uuswa buhulihuli; bululi MLUME noo gwagana. ¹⁶ Mtonywe MLUME, Abetcha enyu, hambele gushina nalusha mdoo, na hambele na magulu menyu mashi nahyatala hegulu ha koono cha mdoo; na mengo mamulihulolela lwenge, hambele bishinagaluwa uba ichulichuli na luubu, na mdoo gwa gwiingi. ¹⁷ Bibyo nambo mushihubenja uhulicha, mtima gwanyi gwilila wa lubisagulu, wa yulu ya bhulihuli bwenyu; na liiso lyanyi lyilila abisa na usuwa byosochi biingi, bululi ihichi ya MLUME yaguhwa nahi bahambwa. ¹⁸ Msambilwe oolo, na mnage na oolo, Lisachiwe na ushama m'bitete; bululi bilemba byenyu byasala, ehe, sala lya ugengeda wenyu. ¹⁹ Mabuga ma Negebu mahambwa michango gyage, na hashi mtu gugibugula; Yuda gwaguhwa nahi mmambwa; gwaguhwa abisa guli mmambwa. ²⁰ Ginuna meeso mobe, Ee Yelusalemu, wabalole baya bene baluhuchwa uhuma luubi lwa uboo wa uachi; ili uhi ihichi iya yolihelwe, ihichi ya isoga? ²¹ Widogoma wi gogwe, helibiya magenda mobe uba mswe hegulu hobe, uba gogwe mine ubagigiche uba hegulu hobe? Wi wii! Ushichigililwa,nahi mmachana guli na busungu bwa ubuta? ²² Na gogwe ubegana mnda mtima gobe, Yulu yai bino bihisho byapata nene? Ii wa yulu ya buubi bobe, kanju lyobe lyaununywa, na tushindagulu twa magulu mobe twabongowa. ²³ Wi wii! Mkushi gunaosha ugalula langi lya ibambi yage, na ata ngoo bibala bibala byage? Nambo gunaosha, na benywe munaosha ugila bisoga, benywe bene muolobele ugila buubi. ²⁴ Wa bululi bwa bibyo nimsambalacha, nahi bihupu byabisuhita, wamnaga gwa mgala. ²⁵ Bibyo noo bibambacha byobe, ihambo yobe yolibiilwe na nene, MLUME gwagana; bululi wangibilila, na uudagila lulimi. ²⁶ Wa yulu ya bibyo, na nene nibulule kanju lyobe u mbele wa meeso mobe, na buchi bobe bwimoneya. ²⁷ Nimonine uchigilicha obe,ehe, masei mobe, na lubembo lobe, na masei na lusengu lobe, hegulu ha koono na mnda mabala. Luhanga lubi oli, Ee Yelusalemu! Ushihubenja uhahachiwa; bibyo bihishi byigililila ata mengo nai?