¹ MLUME gwagana bino, Lingamina, nibyula hegulu ha Babeli, hegulu ha bashami ba Leb-kamai, mnaga gugugicha. ² Nene nihila bagenyi ndaa na Babeli, bebe bibasusula; nabo bigiita sii gyabo uba hululu; bululi lusugu lwa asusu bali hegulu hage ngubi chose ubalwa bita. ³ Hegulu hage gula guhinga buta, mine gwina buta na gabehinga buta bwage, na hegulu hage mine gulihuliginina yulu ya ngabo gyege; mushibashige bawalubaga bage; badigwe basolokoto bage bose. ⁴ Nabo biigwa, na uhagwa, mnda sii gya Bakaldayo, na usalwa mala mabo hambuga u masango nandila mage. ⁵ Bululi Isilaeli na ata Yuda gusashigwa na Abetcha age, MLUME gwa bilume pambwa; inangwa sii gyabo gagilula na tubachi yulu yage guya guli Mmaha gwa Isilaeli. ⁶ Sinywe uhuma Babeli, kila mtu galihonye ichuli-chuli yage ya mwego; mushilungwe koo yulu ya usona wage; bululi noo mengo ma ugiwidicha buubi wa buubi ma MLUME, gwiimma alambwe a usona wage. ⁷ Babeli usili isengo ya nolo mmaboo ma MLUME; iodiche sii gyose; mioga ginywine malwa mage; bululi bwa bibyo mioga gyose gwawaswa na mmaga. ⁸ Babeli waagwa na udigwa lwendo lumwechi; mtelwe lungu mbila; guhwe isumbe wa yulu ya masumwa mage; yulu hange gunamona uhona. ⁹ Twabaunda uuhonya Babeli, Ata bibyo ushihonine; Mlewe, na beswe tuligile lwetu, Kila mtu wiibaloo yage; Bululi uononywa wage wahuhiya ndaa na ha gulu, Nao waginunywa uhyiila u matimba. ¹⁰ MLUME gwamonywa kiine gyenyu; Chuwe, tulisambe mnda Sayuni mwano gwa migilo gya MLUME, Abetcha etu. ¹¹ Ulolwe gigyo migwi; waswe ngabo wa uoma; MLUME gwabyula mitima gya maoolo ma Baamedi; bululi bwa ibalo ya Babeli badigwe, uchimiiwa; bululi iyugiwidicha wa MLUME, ugiwidicha buubi wa buubi yulu ya ihwilo yage. ¹² Gimiwe bendela hegulu ha bibambacha bya Babeli, biiwe bitunga uoma, biiwe balochi, biiwe bitunga; wa bululi MLUME gwalangila ugila bibyo byeliganine yulu yabo bene balibashame Babeli. ¹³ Gogwe mine ulimshame heguluha maadi meengi, uli na lindo chiingi, isula yobe yahuhiya, ulamana ma itima yobe. ¹⁴ MLUME gwa bilume pambwa gwalaha wa ichuli-chuli yage ya mwego, ugana, Chigilwe niugilucha batu nahi njige, nabo biita mdodo yulu yobe. ¹⁵ Gubumbile ibaloo wa uosha wage, Gugimiya sii wa lwengu lwage, na wa ulanga wage gugandile gulu. ¹⁶ Hesudogoma wa liidi lyage lyata lwindo lwa maadi ha gulu, Nage gususecha matimba uhuma u songo gya sii; gusulongecha mbula ahenyu-henyu, Gusuhunya mnaga wihana yago. ¹⁷ Batu bose basili nahi nyama, bashi na malango; Batumbiboe buusula nolo badambiwa mmee gwa mmishi gwage gwa ubada; Bululi mmishi gwage gwa usumbuluwa m lulimi, mnda mwago mushi luhuda. ¹⁸ M'bya bunene kaa, ii mgilo gwa lubicho; Mengo ma uchwilwa wabo bichimina. ¹⁹ Gee, noo mtala gwa Yakobo, gushi nahi bano; Bululi gee noo gubumbile bitu byose; Na Isilaeli noo mmoga gwa buhyana bwage; MLUME gwa bulume pambwa noo china lyage. ²⁰ Gogwe noo lubango lwanyi lwa abundo na aome anyi a bita; yuluyobe nibanoga-noga ba mioga; yuluyobe nigugicha buoolo. ²¹ na wa yulu yobe ninoga-noga falasi, na guya mine gwigichina; na wa yulu yobe nibela-bela abilibili a bita, na guya gese mine gwiswalwa mnda mwao; ²² na wa yulu yobe nibanoga-noga balumyanana baachana; na wa yuluyobe nibanoga-noga miungu na tulela; na wa yulu yobe nibanoga-noga bawalubaga na bawamisiha; ²³ na wa yulu yobe nimnoga-noga mmushi na ihichi yage; na wa yulu yobe nimnoga-noga mlimi na migoma gwage gwa ng'ombe gyopi; na wa yulu yobe nibanoga-noga bauulu bamabuga na baata ba basolokoto. ²⁴ Na nene nimlipa Babeli,na bose bene bali bashame m Bakaldayo, buubibwabo bose, bwabagilile mnda Sayuni u mbele wa meeso menyu, MLUME gwagana biibyo. ²⁵ Loola,nenenili chuba lyobe, Ee loono lusugugicha, MLUME gwagana, gogwe mine usugugisha ibaloo igima; nene nigolola uboo wanyi hegulu hobe, na uubulaganya hasi uuhunya mmiao gya mawe; nene niuita ube loono lwa luchigu. ²⁶ Nabasiguwa oli liwe ata limwechi libe lya ubiya usunga lya ndu, na atal liwe limwechi libe lya mshingi; bibyo gogwe ubi mauwa masugu mose, MLUME noo gwagana. ²⁷ Gimiwe bendela mnda ibaloo, gilwe tusiba hawingi ha mioga, biiwe mioga tayali hegulu hage; giswe yuluyage maoolo ma Alalati, na Mini, na Ashkenazi, giswe baata ba basolokoto hegulu hage; sechiwe falasi mbiingi bwabo nahi baana ba njige. ²⁸ Biiwe mioga gyose tayali hegulu hage maoolo ma Baamedi, na baataba mabuga bage nabaata ba basolokoto bage, na siigyose gya uhyilila wage. ²⁹ Nagyo gyadanda, nagyo ginabusungu; bululi malanga ma MLUME yulu ya Babeli mawilila, ugiita sii gya Babeli uba mauwa, gishishamwe na mtu gegese. ³⁰ Bulume pambwa bya Babeli baleya ulwa bita; Bashama u bulwio bwabo; busolokoto bwabo bwahunguwa; Basili nahi baachana; Bushamo bwabo bwachigiwa; Malimbwa mabo mabelwa. ³¹ Mmichi gwa mwano gumwechi gwagya abilo usambana na gunge nage, namtumwa gumwechi gwagya abilo usambana na gunge nage, Yulu ya umma mwano oolo lya Babeli, Ugana mbuga gyage gyawaswa ngubi chose. ³² Nabyo byabu byaluwa bita, Nalo luuso lose mashigiwa na aahya, Nabo batu ba bita bagingilwa ba booba. ³³ Bululi MLUME gwa bilume pambwa Abetcha a Isilaeli, gwagana bino; Msiha Babeli gusili nahi lubuga lwa lutatilwe mengo ma utatilwa wage; hahushigala mengo maacho musola mihiya weli. ³⁴ Nebukadleza, oolo lya Babeli, gwanja, gwanooga, gwangita uba itundu ya hululu; gwamina nahi ndowa, gwagilucha gumo lwage na bibya byani bya buhungwe; gwaatela. ³⁵ Umonenywa wandigililwe nene, na ugililwe m'bili gwanyi, bumpate Babeli; bibyo noo byigana guya gulimshame Sayuni; na Yelusalemu gwigana, Maashi manyi ma mabe hegulu habo baya bali bashame mnda sii gya Bakaldayo. ³⁶ Bino, MLUME gwagana bino, Loola, niudogomena, nene niguha ugiwidichayulu yobe; nene nigumya bahali lyage, nene niita misula gyage uba hagumu. ³⁷ Na Babeli gibi bibunduguchu, bushamo bwa mibwabwa, bisaga, na ushiga yoga, hashi na mtu gushama mo. ³⁸ Biduga nahi mwaana gwa tambwe; biduga nahi matambwe ma macho-macho. ³⁹ Bali bagingilwe na buhuchi, nibaitila biliwa bya saaso, na nene nibaocha, baoshe useelela, na ulala tulo twa milumbu, bashibyuwe iyaka, MLUME noo gwagana bibyo. ⁴⁰ Nibaundumuna bose nahi baana ba miyoo u bushinjicho, nahi miyoo gya milume na mwechi na mabuchi ma malunga. ⁴¹ Nahi Sheshaki byeliguhilwe! Nage punda gya sii gyose byelilwilwe! Nahi Babeli byagibele mauwa Hawingi ha mioga! ⁴² Bahali lyahuhiya hegulu ha Babeli, Gwauninywa wa bwingi bwa mabimbi mage. ⁴³ Mabuga mage masili lubugu kaa; Sii gishi na maadi, na lwanaganywa; Sii gishibashama mtu gegese, na hashi mtu gusuhita mwagili. ⁴⁴ Nene nibiya uonona yulu ya Beli hawingi ha Babeli, nene nihunya mnda anywa age byose byine byeliminine; naata mioga gishimgila iyaka; ehe, ubambacha ya Babeli yigwa. ⁴⁵ Benywe batu banyi; humwe hawingi hage, mulihogonone bichuli-chuli byenyu bya mwego nasungu cha buhuchi bwa MLUE, kilagumwechi gwenyu. ⁴⁶ Na mitima gyenyu gishichiminye malaga, na mushimone booba yulu ya mwano gwine gwihulichiwa mnda sii; bululi mwanogwichwa mwaa gumwechi, na hanyuma mwaa gwa bubli mwano gwichwa, na msapwe yungwe mnda ibaloo, mine gulihuhyilila uhimana na gunge nage mine gulihuhyilila. ⁴⁷ Bino lingamina, masugu michwa, ugana ha mamo masugu, nibiya uonona hegulu ha miishi gya Babeli, na sii gyage gyose gyidamba mmee; na batu bage bose bene bawagwa bigwa hawingi bage. ⁴⁸ Haho noo gulu, na sii, na bubya byose byine bili mo, byigimba wa saaso yulu ya Babeli; bululi batu buuchimya bimchwilila uhuma luubi lwa uboo wa uachi, MLUME noo gwagana bibyo. ⁴⁹ Nahi biya Babeli byeligwishiche batu ba Isilaeli bene bahagilwe, byokabiya byabigwa mnda Babeli batu ba sii gyage gigima bene bahagilwe. ⁵⁰ Benywe bene mulidungiche naahilu, Ligilwe lwenyu, mushigimane; Mmengelechiwe MLUME utulila koo, Na Yelusalemu wabiwe mnda mitima gyenyu. ⁵¹ Twanona abule bululi twahulicha uchingwa; Abule atuwila byenyi byetu; Bululi bagenyi bagingila Ha Ihana ya Ihaha ya ndu gya MLUME. ⁵² Yulu mamo masugu malihuchwa, MLUME gwagana, handionona miishi gyage; na mnda sii gyage gyose bapashile malase bisumwa. ⁵³ Babeli inangwa unasele hegulu, inangwa ulasla ha ihana yage yine ili na uoma wage uba mawe mage mamalahu, ata bibyo, uhuma wandi mine gwichimyaa bimgila gee, MLUME noo gwagana bibyo. ⁵⁴ Liidi lya luhanga lyahulichiwa uhuma Babeli, Na lya udigwa waata uhuma sii ya Bakaldayo! ⁵⁵ Bululi MLUME gwamdiga Babeli, Na usungya liidi lya lyata mnda mbuga gyage; Na mabimbi mage malihutupuwa nahi maadi meengi, Kiindo cha madi mabo maita mdodo. ⁵⁶ Bulli guya gwa udiga gwahiya weli; Ehe, gwahiya Babeli; Na bilume pambwa byage byawaswa kole; Mata mabo manogeya abisa; Bululi MLUME ii Abetcha a ugiwidicha buubi wa buubi; Chigilwe gee gwigiwicha buubi wa buubi na ubaha. ⁵⁷ Nene nibaocha bahela bage, nabatu bage bene babi na lwengu, baata bage ba mabuga, na bilume pambwa byage; nabo bilala tulo twa milumbu, bashibyuwe, gwagana Oolo, MLUME gwa bilume pambwa, guya mine china lyage noo MLUME. ⁵⁸ MLUME gwa bilume pambwa gwagana bino, Bibambacha bya byata bya Babeli byibelwa abisa, michango gyage gya gilafu gyichigiwa; nabatu bilidegya wa bunene, na mioga wa aahya, nabo biima. ⁵⁹ Inywa yine mbuwa Yelemia, yelimsambile Selaya, mwaana gwa Nelia, mwaana gwa Maaseya, heligileBabeli hamwechi na Sedekia, oolo ly ba Yuda, ha mwaa gwa buna gwa uhyilila wage. Haho Selaya gubele migimaninyi mmata gwa ndu gya oolo. ⁶⁰ Nage Yelemia gugolile mnda itabo mwano gwa buubi bose bwipata Babeli, binywa bibyo byose byine bigolilwe yulu ya Babeli. ⁶¹ Nage Yelemia gumsambie Selaya, Holihiya Babeli, lingamina wasungule bino binywa byose, ⁶² wagane, Ee MLUME udogomine yulu ya gino mbuga ugana wigilungila koo, gishishaminywe na gegese, utula mtu na nyama, ata bibyo gibe mauwa kaa ndaa na milumbu. ⁶³ Iyaka habi holihwa uisungula iyo itabo, waihambe na liwe, na uitela mnda luudi Flati; ⁶⁴ gogwe wagane, Bibyonoo byolichinda gogwe Babeli, na ushitunduwa iyaka, bululi bwa buubi boose bwine mbandichwisha hegulu hage; nabo biima. Binywa bya Yelemia byahiya hano hano.