¹ Inywa ya MLUME ichwilile Yelemia mbuwa, yulu ya wano gwa Bafilisti, hambele ya Falao gushinalwa na uwata Gaza. ² MLUE guganine bino, Loola, maadi mahunina lubi wa uboo wa uachi, namo mabi luudi lwa uhila na utupuwa, namo miunina sii gyose, na bitu byose byine bilimo, gigyo mbuga na batu bose bene bali bashame mo; nabo batu bilila na batu bose bene balibashame mnda ibaloo bilila lwa panji. ³ Wa yulu ya kindo cha bigombo bya falasi chage chine chili na uoma, wa ibalo ya lwendo lwa abili abilo lwa tubilibili twage twa bita; wa yulu ya ihulo ya bichigi byage, babo balumyana bashihulola unyuma yulu ya ulola baana babo, yuluya maboo mabo ii malema; ⁴ wa ibalo ya lulo lusugu lwine lwichwa lwa ubachimya Bafilisti bose, ubachinga koo bawatilichana bose ba Tilo na Sidoni benenbashigele; bululi MLUME gwibadogya Bafilisti, mihona gya batu ba ichibaya Kaftoli. ⁵ Ibanda yabapata ba tu ba Gaza; Ashkeloni bashamiwa pii. Mihona gya ibetabeta yabo; Ata mengo nai wiligeda-geda? ⁶ Ee ahuli a MLUME, Masugu manga mihita hambele ushinashama pii? Ulibiye mnda luhao lobe; Lihoche, ulituche. ⁷ Wiosha wi ulihocha, Uba MLUME guuhele alago? Yulu ya Ashkeloni na yulu ya wiibega, Haho noo helidogonine bibyo.