¹ Haho noo baata bose ba basolokoto ba Yohana, mwaana gwa Kalea, na Yezania, mwaanagwa Hoshaya, na batu bose utula u baana na u batu baakungulu, bachwile wandi. ² bamsambile Yelemia, mbuwa, Ibumbu ino, usaba wetu uhyiile u meeso mobe, utusabile wa MLUME, Abetchaobe, noo, batu bano bose bene bashigele; bululi twashigala baacho kaa mnda batu beengi, nahi bilihutumona meeso mobe, ³ yulu MLUME, Abetcha obe, atumonye ndila gilingye beswe ugihitila, na ihishi yine ilingye beswe twiigile. ⁴ Haho Yelemia, mbuwa, gubasambile nahulicha; loolwe, nimsaba MLUME, Abetcha enyu, ulamana na binywa byenyu; iyaka, ubi inywa yoyose yine MLUME yelimgaa, nimsambila; nishim'bise inywa yoyose. ⁵ Bamsambile Yelemia, MLUME na gabe gubangisiya wa winene na uwilila hawingi hetu; uba tushihugila ulamana na iya inywa, yine gee MLUME, Abetcha obe, yeliuha utuchwile nayo. ⁶ Yahuba isoga, na ata yahuba isone, beswe twinyemya liidi lya MLUME, Abetcha etu, mine gwatutuma weli; yulu yabe alambwe etu, hatwinyemya liidi lya MLUME, Abetcha etu. ⁷ Haho hanyuma ha masugu umi,inywa ya MLUME ichwilile Yelemia. ⁸ Bibyo gumgitile Yohana, mwaana gwa Kalea, na baata bose babita bene babele hamwechi nage, nabatu bose utula bamlongo ndaa na ubaakungulu, ⁹ gubasambile, MLUME, Abetcha Isilaeli, mine gwamutumine weli,yulu naabiye usaba wenyu u mbele gyage, gwagana bino; ¹⁰ Uba nambo wishama mnda gino sii, haho noo handimgubaa, na nishim'bundula, nene nimmuna, na nishimchula; bululi nalibedecha yulu ya buubi bwandibamgile. ¹¹ Nangu ummona booba oolo lya Babeli, mine gwamulihusina; nangu umsina, MLUME gwagana; bululi nene nili hamwechi nenyu, nammogonone, na uummunya na uboo wage. ¹² Nene nimleelela, yulu gee gamleelele benywe, na gamgiwiche mwashame mnda sii gyenyu. ¹³ Nambo m'begena, Tushihubenja ushama mnda gino sii; mushinyemye liidi lya MLUME, Abetchaenyu; ¹⁴ m'begene, Nangu! Biino twigya mnda sii gya Misili, uya tushimonabita, na tushihulichaliidi lya asiba, na tushimona ndala yulu ya uhulwa biliwa; beswe twishama uya; ¹⁵ bino, hulichiwe inywa ya MLUME, benywe mihona gya Yuda; MLUME gwa bilume pambwa, Abetcha a Isilaeli, gwagana bino, Uba byenyi byenyu bili mishina gya ugya Misili, na ugya ushama uya; ¹⁶ bino, bibi ahilu ene amulihusina immaga ubo,mnda sii gya Misili, nagyo ndala gyine gyamuli humona booba gyimlama abilo ubo Misili, na benywe mwii ubo. ¹⁷ Bibyo noo byibawata bato bose bene bilolesha byenyi byabo ugya Misili, na ushama ubo; biiwa wa ahilu, na wa ndala, na wa bisumi; hashibi mtu hawingi habo mine gwishigala, ata uhigononywa na buubi bwine bwandilusha hegulu habo. ¹⁸ Bululi MLUME gwa bilume pambwa Abetcha a Isilaeli, gwagana bino, Nambo sungu chanyi na uchigililwa wanyi, byabigesilwe hegulu ha bashami ba Yelusalemu, noo, gyihongololwa uchigililwa wanyu hegulu henyu, hamwigingila Misili, benywe mubi ba uambilwa, na bisaga, na ulogwa, na ubule, na mushihamona hano ha ino ihana iyaka. ¹⁹ MLUME gwagana yulu ya mwano gwenyu, benywe mihona gya Yuda, Mushigye Misili; maanywe abisa ugana nilihum'bangisiya bino lino bibyo byose. ²⁰ Bululi mwagila wa anene yulu ya bichuli-chuli byenyu bya mwego; bululi mwatuma wa MLUME, Abetcha enyu, muganine, Utusabile wa MLUME, Abetcha etu, watuununile ulamana na byose byine byelidogoma MLUME, Abetcha etu, na beswe twibigila byose. ²¹ na nene nammunina bibyo lino; ata bibyo benywe mushihunyemya liidi lya MLUME, Abetcha enyu, wa inywa yoyose yagatuma nene wamli. ²² Bino, hano manywe abisa ugana mwiiwa wa ahilu, na wa ndala, na wa bisumi, mnda iya ihana yine yamulihuunda ugya uishama.