¹ Bino hasibele mwechi gwa njwii, Ishmaeli, mwaana gwa Elishama, ii gumwe gwa ibushi ya umaoolo, iyaka i gumwe gwa baata ba basolokoto ba oolo, na batu umi hamwechi nage, bamgilile Gadalia, mwaana gwa Ahikamu, uya Mzpa. ² Ishmaeli guhumine uya, mwaana gwa Nethania, na baya batu bene babele hamwechi nage, bammagile Gedalia, mwaana gwa Ahikamu, mwaana gwa Shafani, wa ahilu; bammagile; gee mine gubiilwe na oolo lya Babeli uba mmata gwa ibaloo, ³ Iyaka Ishmaeli guhagile Bayahudi bose bene babele hamwechi nage, noo, hamwechi na Gedalia, uya Mizpa, na babya Bakaldayo bamoneye uya, noo batu ba bita. ⁴ Haho lusugu lwa bubili hanyuma ha ummaga Gedalia, ata bibyo hashibele namtu gumanine guno mwano. ⁵ bahiile batu na batu uhuma Shekemu, nauhuma Shilo, na uhuma Samalia batu maumi inana, nabo bali babege alembe abo, na ugula bichwalaganywa byabo, nabo bali baligede-gede, balibaswale lutangi na buswenge mmaboo mabo, yulu babilushe u ndu gya MLUME. ⁶ Na Ishmaeli, mwaana gwa Nethania, guhumine Mizpanuugya ubagaa, na gulihulila helibele gulihugya; haya helisambene nabo gubasambile, Chuwe wa Gedalia, mwaanagwa Ahikamu. ⁷ Bino habasibele m'bwingi na mbuga, Ishmaeli, mwaana gwa Nethania, gubahagile, gubatelile mnda iino, gee na batu baya bene babeli hamwechi nage. ⁸ Haho batu umi kaa noo bamoneye ha mmanga gwabo, benebamsambile Ishmaeli, Ushituhage bululi tuli na bitungu byetu bya ngano, bili bibise mmabala, na shayiri na mauta na bui. Bibyo, gubaleile, gushibahagile babo batu hamwechi na bashiwabo. ⁹ Bino, iya iina, yine Ishmaeli yelitelile bitumba bya batu bene belihagile, hoka na Gedalia, ( noo yokaiya yine idabile Asa, oolo,bululi gummonine Baasha booba, oolo lya Isilaeli) , Ishmaeli, mwaana gwa Nethalia, guigiluche na bitumba byabatu baya bene belihagile. ¹⁰ Hanyuma Ishmaeli gubaguhile kole batu baya bose bene bashigele, bene babele uya Mizpa, noo, misiha gya oolo, nabatu bose benebashigele Mizpa, bene Nebuzaladani, mmata gwa basolokoto balochi, bene belihele Gedalia, mwaana gwa Ahikamu; Ishmaeli, mwaana gwa Nethania, gubagulile kole. guchuwile, yulu gabagile baana ba Amoni. ¹¹ Bibyo Yohana,mwaana gwa Kalea, na baatav bose ba basolokoto bene babele hamwechi nage, habahuliche mwano gwa biya biibi byose byeligile Ishmaeli, mwaanagwa Nethania, ¹² baguhile batu bose yulu bagye ulwa na Ishmaeli, mwaanagwa Nethania, nabo bam'bwatile hoka na ishima ya maadi meengi ya Gibeoni. ¹³ Bibyo, baya batu bene babele hamwechi na Ishmaeli, habammonine Yohana, mwaana gwa Kalea, na babo baata ba basolokotobene babele hamwechi nage, haho baseelele. ¹⁴ Hahi, baya batu bose, bene bawashilwe kole na Ishmaeli uya Mizpa, bachunguluwile, bagiwile, bagile uli Yohana, mwaana gwa Kalea. ¹⁵ Ata bibyo, Ishmaeli,mwaana gwa Nethania, gohogonowe na batu inana, Yohana gwashim'bwate, gugile u baanaba Amoni. ¹⁶ Haho Yohana, mwaana gwa Kalea,na baata ba basolokoto benebabele hamwechi nage, baguhile babo batu bose bene bashigele, beliguhileiyakauhuma umaboo ma Ishmaeli, mwaana gwa Nethania, uya Mizpa, hanyuma ha ummaga Gedalia, mwaana gwa Ahikamu, noo, batu ba bita,na baachana na baana na baya bashibagya u baachana, beligiwiche uhuma Gibeoni. ¹⁷ baligilile lwabo, bashamine Geluthi Kimhamu, gili hoka na Bethlehemu, yulu baosheugingila Misili, ¹⁸ wa ibalo ya Bakaldayo; bululi bamonine booba, wa yulu ya Ishmaeli, mwaana gwa Nethania, gummagile Gedalia, mwaana gwa Ahikamu, mine gubiilwe na oolo lya Babeli uba mmata gwa ulola sii.