¹ Ino noo inywa imchwilile Yelemia, uhuma wa MLUME, hanyuma ha Nebuzaladani, mmata gwa basolokoto balochi, helimlechiche galigilelwage uhuma Lama,helihwile umguha gulimmambwe miyololo, hamwechi na bahambwa bose ba Yelusalemu na yuda, bene bahililwe Babeli bali bahambwe. ² Nage mmata gwa basolokoto gwa balochi gumguhileYelemia, gumsambile, MLUME, Abetcha obe, gudogomine biibe yulu ya ino ihana; ³ nage MLUME gwabuwilichanahi byelidogomine; ibalo mum'bengila MLUME, na mushinyeminye liidi lyage; noo yulu ino inywa yamchwililabibyo. ⁴ Na bino, loola, lino nilihuusula gigyo miyololo gyine gili u maboo mobe. Nambo wimona bisoga ugya nanyi hamwechi Babeli, bino, Ubechwa, nene niuusa abisa; bibyo nambo wimonam'bigugichu ugya nanyi hamwechi Babeli, bino, ubeleya, loola, sii gino gyose gili u mbele obe; hene hali hasogo halingye umeeso mobe, ubegya hoo. ⁵ Helibele gushinagya, guganine, Ugiwilebino wa Gedalia, mwaana gwa Shefania,guya mine gubiilwena oolo lya Babeli uba mmata gwa mabuga ma Yuda ugye ushama hamwechi nage na hamwechi na bange batu; nuuba wigya oose wine olimona uba ihana ya uuwilila. Haho mmata gwa basolokoto gwa balochi gummele biliwa na mmaso, gumleile galigile lwage. ⁶ Haho Yelemiagugile wa Gedalia, mwaana gwa Ahikamu, uya Mizpa, gushamine hamwechi nage hawingi habatu baya bene bashigele mnda giya sii. ⁷ Hanyuma, baata bose ba bilume pambwa bene babele mnda lele, boo na batu babo, habahuliche ugana oolo lya Babeli gwam'biya Gedalia, mwaana gwa Ahikamu uba mmata gwa giya sii, na ugawa gwamma balumyana na baachana nabaana, na bamwe bambuchu ba giya sii bene bawaswile kole uya Babeli; ⁸ haho bamgilile Gedalia uya Mizpa; nabo noo bano; Ishimaeli, mwaana gwa Nethania, na Yohana, mwaana gwa Yonathani, na baana ba Kalea, na Selaya, waana gwa Tanhumethi, na baana ba Efai, Mnetofa, na Yezania, mwaana gwa Mmaaka, boo na batu babo. ⁹ Na Gedalia, mwaana gwa Ahikamu, mwaana gwa Shafani, gubalahile boo na batu babo, guganine, Nangusinywa ubagilila ba Bakaldayo; shamwe mnda gino sii, mwamgilile oolo lya Babeli; bibi bisoga.. ¹⁰ Na nene, loolwe, nishama Mizpa, yulu naagimane u mbele wa Bakaldayo habituchwila; bibyo dengwe divai, na biguma bya mengo ma chuba, na mauta, mwabibiye bibyo bibya mnda bilego byenyu, mwashame mnda mabygamenyu mene mamuguhile. ¹¹ Byoka biya habahuliche Bayahudi bose, bene babele mnda sii gya Moabu, na hawingi ha baana Baamoni, nabaya bene babele mnda sii gya Edomu, na baya bene babeli mnda bibaloo byose, ugana oolo lya Babeli lyabashigila ba Yuda mihona, na ugana gwam'biya Gedalia, mwaana gwa Ahikamu, mwaana gwa Shafani, uba mlichi gwabo; ¹² bino, Bayahudi bose bagiwile uhuma bihana byose wabachingilwe bagiwile ndaa na sii gya Yuda, bamgilile Gedalia uya Mizpa, baongole divai, na biguma biingi abisa bya mengo ma chuba. ¹³ Iyaka Yohana, mwaana gwa Kalea, na baata bose ba basolokoto ba mlele, bamgilile Gedalia uya Mizpa, ¹⁴ bamsambile,Wi wii! Uwina mwano gogwe gwa Baalisi, oolo lya baanaba Baamoni, gwamtuma Ishmaeli mwaana gwa Nethania, guuhage? Bibyo Gedalia, mwaana gwa Ahikamu, gushihuliche ino inywa. ¹⁵ Haho Yohana, mwaana gwa Kalea, gumsambile Gedalia ubo Mizpa wa bubisa, guganine, ndeye, ndeye nagye uumaga Ishmaeli, mwaana gwa Nethania, na hashi mtu gwimana ino ihisho; yulu yaiguuhage gogwe, na bamwagiye iyaka Bayahudi bene babahwile usumbila, na mihona gya Yuda gyahagwe? ¹⁶ Haho Gedalia, mwaana gwa Ahikamu, gumsambile Yohana, mwaana gwa Kalea, Ushigileiyo ihisho, yulu wamchinga Ishmaeli.