¹ Abemeleki, maana gwa Yelubaali, gugile Shekemu uli bashiwabo ba mnage, gudogomine nabo, na bose bene babele ba ndu gya sagulu gwa ubuta mnage, guganine. ² Bino, ibumbu ino dogomwe m matu ma balumyana bose ba Shekemu, mwababuche, Wi wii! M yii ili isoga wenyu, ugana babo baana ba Yelubaali bose m batu maumi njwii, bahyilile hegulu henyu, ao ugana mtu gumwechi gahylile yulu yenyu? Iyaka engelechiwe ugana nene nili uda lya nyama chenyu. ³ Baya bashiwabo ba mnage balismbile mwano gwage m matu ma babo btu bose ba Shekemu binywa bibyo byose; haho mitima gyabo gihuguluwe na umlama Abimeleki; bululibaganine, Gugu m mshiwetu. ⁴ Bammele bibaa bya lusuu maumi njwii byine bihumine mnda ndu gya Baali-belithi, na wa lulo lusuu Abimeleki guhigile batu ba buhugya na bahugi, bagye nage. ⁵ Hanyuma gugile u nda gya sage uya Ofla, gubahagile bashiwabo, babo baana ba Yelubaali, batu maumi njwii, gubahagile hegulu ha liwe limwechi; alakini Yothamu, m mwalubaga gwa Yelubaali, gushigele, yulu gubisamine. ⁶ Hanyuma baya batu bise ba Shekemu basumbile hamwechi, na ilongo yose ya Milo, bagile umta Abimeleki buusu gabe oolo, huka naguya mti gwa guhaha gwine guli hoka na mahuo ma haya Shekemu. ⁷ Hanyuma habamsambile guya Yothamu, gee gugile, gugimanine hegulu ha songo gya loono Gelizimu, gutele mbila gyage, gugabwile namdodo, na ubasambile, Pulichiwe nene, benywe batu ba Shekemu, yulu yugana Abetcha nao aoshe ummulicha benywe. ⁸ Lumwe lusugu miti gigimene yulu gigushinye mauta gumwe mti guba oolo hegulu habo; gigusambile mti gwa mzeituni, Gogwe uhyilile hegulu hetu. Alakini gugo mzeituni gugisambile, Wi wii! Nashige mauta manyi, yulu ya mauta manyi nene batu basumnyemya Abetcha na batu, yulu nagye uhubagana-hubagana hegulu ha miti? ¹⁰ Hanyuma miti gigusambile mzeituni, Chuuno gogwe, utuhyilile hegulu hetu. ¹¹ Alakini gugo mzeituni gugisambile, Wi wii! Nagishige saa gyanyi, na biguma byanyi bya bisoga, nagye nahubagana-hubagana hegulu ha miti? ¹² Hanyuma miti gigusambile mzabibu, Chuuno gogwe, uhyilile hegulu hetu. ¹³ Gugo mzabibu nago gubasambile, Wi wll! Nahige ibugu yanyi, yine isuseelela nayo Abetcha na batu, yulu nagye nahibagana-hubagana hegulu ha miti? ¹⁴ haho gigyo miti gyose gigusambile mti gwa miigwa, Chuuno gogwe, uyilile hegule hetu ube oolo lyetu. ¹⁵ Gugo mti gwa miigwagugisambile giya miti, Myugana benywe mwashinya mauta nabe oolo lyenyu chigilwe, bino chuwe muudgile ihochu yanyi; na nambo bishi bibyo, aahya ahume mnda miti gyosegya miigwa na achigye miamba gyose gya Lebanoni. ¹⁶ Bino hano na,bo gwagile wa winene na wa mitima hululu, yulu ya umta Abimeleki buusu gabe oolo, na nambo mwamgilila wamisa Yalubaali na ndu gyage, na ungilile nahi byabilingye maboo mage. ¹⁷ (bululi tata gumdogomene benywe, na uenga uuwa yulu yenyu, na umogonona mnda maboo ma Bamidiani; ¹⁸ bino benywe mwaginyuwe yulu ya nda gya tata lino benywe mwabahaga baana bage,batu maumi njwii, hegulu ha liwe limwechi, benywe mwamta buusu ya buolo Abemeleki, mwaana gwa mcha gwage, gabe oolo hegulu ha Shekemu yulu gee noo mashiwenyu;) ¹⁹ bino nambo mwamgilile wa chigilwe na wa bya yulu ya Yelubaali na ndu gyage lino bino, hano benywe seelelwe yulu yulu ya gugo Abimeleki, gee nage gaseelele yulu yenyu. ²⁰ alakini nambo bishi bibyo, hano, aahya ahume wa Abimeleki na ubachigya batu ba Shekemu, na ilongo ya Milo; hanyuma aahya aahume u babo batu ba Shekemu na wa ilongo ya Milo, na amchigye Abimeleki. ²¹ Hanyuma Yothamu guligilile lwage na usina, gugile Beeli, na ushama uya; yulu ya umsina Abimeleki mshiwabo. ²² Haho Abimeleki guhyiile hegulu ha Isilaeli mengo ma myaa gitatu. ²³ Hanyuma Abetcha guhilile luhuda lusone hawingi ha Abimeleki n batu ba Shekemu; na baya batu ba Shekemu bam'bengile Abemeleki wa mlungo lubicho; ²⁴ yulu yugana uya ugugila wababagilile baya baana maumi njwii ba Yelubaali (Gideoni) uchwe, iyaka m yugana maashi mabo maagolwe hegulu ha Abemeleki mshiwabo, mine gubahagile, na hegulu ha batu ba Shekemu, bene bambiile maboo mage uoma yulu gabahage baya bashiwabo. ²⁵ Bibyo batu ba Shekemu bagile ummembela hegulu ha maya masingo na koono, mene mababasapile bibya byabo batu bose bene bahitili giya ndila hoka nabo; nage Abimeleki gusambilwe. ²⁶ Hanyuma Gaali, mwaana gwa Ebedi, gugile hamwechi na bashiwabo, badabwile na uhiya Shekemu; na watu ba Shekemu bamdagile gee. ²⁷ Nabo habahumine bagileu mabala, basolile mabala mabo ma mizabibu, na ufundika chiya zabibu, na ulitucha, hanyuma bagingile mnda ndu gya abetcha abo, balile na unywa na umloga gugo Abimeleki. ²⁸ Nage Gaali mwana gwa Ebedi guganine Abimeleki m nanyi, na Shekemu m nanyi, na tumgilie gee? Ge, wii! Gushi mwana gwa Yelubaali? Na Zebuli gushi ilume pambwa yage? Bino, benywe m'bebagilila baya batu ba Hamoni, sage na Shekemu; Alakini beswe wii! Tumgilile migilo yulu yai? ²⁹ Nambo bano batu bisuba hasi ha uboo wanyi! Bibyo haho nene nabammaga gugo Abimeleki. Hanyuma gumsambile Abimeleki, Bino, buucha basolokoto bobe, utobowe hambuga. ³⁰ Bibyo guya Zebuli, gubele mmata gw mbuga, helihuliche biya binywa bya Gaali mwaana gwa Ebeli, sungu chage chilamine. ³¹ Nage gutumine batu bagye wa Abimeleki wa bubisa, guganine, looa, Gaali mwana gwa Abeli, na bashiwabo bachwa Shekemu, na loola, bagigumanya gino mbuga pinda piswa gyobe. ³² Bino hano, gogwe ugimane, m'busugu, gogwe na batu bene boli nabo, ummembele u mbala; ³³ hanyuma bibi, halwelo, halyitobowa chuba, gogwe wibyuwa u mayaya, na ugisumbilile gigyo mbuga; iyaka lingamina, haya gee heli na baya batu bene bali hamwechi nage habitobowa hambuga ulwa nobe, noo holibaita nahi byoliosha ubaita. ³⁴ Haho Abimeleki guchuwile na bato bose benebabele hamwechi nage, m'bisugu bagigongele Shekemu wa mihamba gina gya basolokoto. ³⁵ Gugo Gaali mwnagwa Ebedi gutobowile hambuga, gugimenine ha bugingililo bwa limbwa lya mbuga; nage Abimeleki nabaya batu belibele nabo hamwechi bagimanine uhuma ha iya ihana yababele hugongela. ³⁶ Biyo Gaali helibamonine baya batu, gumsambile Zebuli, Loola, bilume pambwa bya batu balihusala uhuma u masongo ma koono. Zebuli gumsambile, M bichuli-chuli bya koono noo byolihumona nahi batu. ³⁷ Hanyuma Gaali guganine lwendo lwa bubili, guganine Lingamina, batu balihusala m'bwingi na sii, na gumwe mmamba gulihuchwa u ndila gya msese gwa Meonenimu. ³⁸ Haho Zebuli gumsambile, Wi wii! Anywa obe bino ali uhi, na udogome Abimeleki m nanyi, na bitulingye beswe tumgilile gee? Wi wii! Babo bashi batu bene bolinenunine gogwe? Bino, hano utobowa hambuga, ibumbu ino, ulwe nabo. ³⁹ Haho Gaali gutobowile hambuga mbele gya batu ba Shekemu, gulwile na Abimeleki. ⁴⁰ Alakini Abimeleki gumsininye, nage gusinine u mbele wage, bengi bagwile na ubongowa ndaa na uhyila liya limbwa. ⁴¹ Abimeleki gushamine Aluma; nage Zebuli gubahuminye Gaali na bashiwabo, bashishame mnda Shekemu. ⁴² Hasibele lusugu lwa bubili lwage, batu batobowile ugya u mabala; nage Abimeleki gusambilwe. ⁴³ Nage guguhile btu bage, na ubagabula uba mihamba gitatu, nabo bahembele u mabala; nage gulingamine, na loola, batu bene babele huhuma m'ya mmbuga; bibyo guginyuwe na ulwa nabo, na ubalwa bita. ⁴⁴ Abimeleki, na giya mihamba gyine gibele hamwechi nage, bagililile uya u mbele, bagimanine ha bugingililo bw limbwa lya mbuga, na giya mihamba gibili gibagulwile baya batu bene babele u mabala, na ubalwa bita. ⁴⁵ Abimeleki gulwile na gigyo mbuga chuba ndaa na igolo; guwatile mbuga, gubahagile batu bene bebele mnda mwagyo; hanyuma gugwishiche mbuga, na ugibiya miinyu. ⁴⁶ Hanyuma bato bose bene babele hushama m madu mamalahu ma Shekemu habahuliche mwano bagingile mnda mahuo ma madu ma El-belithi. ⁴⁷ Abimeleki gusambilwe ugana bato bose ba madu ma malahu ma Shekemu basumbila hamwechi. ⁴⁸ Haho Abimeleki gusalile uhuma u loono lwa Salmoni, gee batu bose bene bebele hamwechi nage; nage Abimeleki guwatile temo m muboo wage, gugedile tabi limwechi u gumwe mti, guliwatile na uliswiya hiombe lyage gubasambile batu bene belibele nabo hamwechi, Bino, byamwamona nene uita, iswe na benywe abilo, nahi byandaita nene. ⁴⁹ Haho babo batu bose bagedile mtu ge gese tabi lyage lya mti, bamlamine Abimeleki, bamabiile maya matabi haya ha mahuo, na umachigya aahya hegulu ha maya mahuo; bibyo batu bose ba madu ma malahu ma Shekemu bawile, babele nahi batu uki, balumyana na baachana. ⁵⁰ Haho Abimeleki heligile Thebesi, guchunguluwe Thebesi nanugusapa. ⁵¹ Alakini mnda gigyo mbuga habele ndu gya gilahu gya giomu abisa, nabatu bose balumyana na baachana basinine uya, nabato bose ba mbuga balihangilile mnda, baselile u butato. ⁵² Abimeleki gugigilile giya ndu gya gilahu yulu ya ulwa nabo; nage gulihyile limbwa lya ndu gya gilahu yulu gagichigya na aahya. ⁵³ Gumwe mmachana gutelile liwe lya pelo lya hegulu, nagyopelo gummulile Abimeleki mpala lubombo, na ubele abombo a mswe gwage. ⁵⁴ Haho wa abilo gumgitile guya mmwalubaga mine gubele humswalila tulume gela twage, na umsambila, fulula ahilu obe, uupage, yulu bashichwe ugana yulu yanyi guhagilwe na mmachana. Haho guya mmwalubaga gwage gumsosile ahilu, nage nuuwa. ⁵⁵ Bibyo batu ba Isilaeli habamonine ugana Abemeleki gwawa, bagiwile mtu ge gese wihana yage. ⁵⁶ Bibyo noo bigiwidiche Abetcha buubi wa buubi yulu ya Abimeleki bweligile sage, yulu ya ubahaga baya bashiwabo maumi njwii; ⁵⁷ usona ose wa batu ba Shekemu Abetcha abagiwidiche buubi wa buubi hegulu ha miswe gyabo; na bubo buloga bwa Yothamu mwaana gwa Yelubaali ubachwilile hegulu habo.