¹ Haho batu ba Eflaimu bamsambile Gideoni, Yulu yai gogwe utuitile beswe bino? Nangu utugita , haya holigile ulwa na Bamidiani? Nabo bagumene nage abisa. ² Alakini Gideoni gubasambile, Wi wii!Nene niitile ii bino nahi bymwiitile benywe? Biya bisunga bya zabibu bya Eflaimu bishi bisoga uhima bisolaganywa bya Abiezeli? ³ Abetcha ababiile baya bahele ba Midiani, Olebu na zeebu, mmaboo menyu; na nene nioshiche uita ii nahi benywe byamwiitile? Haho sungu chabo chabchwile nacho yulu yage choo nuusutama helidogomine bibyo binywa. ⁴ Haho Gideoni nuuhiy Yolodani, gudabwile, gee na baya batu sambi chitatu bene babele hamwechi nage, basibele bahungwilwe na uoma, alakini babele hubalaminina bibyo ba tumangu twabo. ⁵ Nage gubsambile batu ba Sukothi, Ibumbu ino bahewe mikati babo batu bene balihundama hanyuma; yulu bahungwilwa na uoma, yulu nene nilihubalaminina ba Zeba na Salmuna, maoolo ma Bamidiani. ⁶ Baya batu ba Sokothi baganine, Wi wii! Maboo ma Zeba na Salmuna mali mnda uboo obe bino, yulu beswe tubahe basolokoto bobe mikati? ⁷ Haho Gideoni guganine, Yulu ya ino ibalo, hene hibiya Mlume Zeba na Salmuna mmaboo manyi, bibyo nihula nyama cha mibili gyenyu na miigwa gwa mgala, na wa byokole. ⁸ Bibyo uhuma haya huselile ugya Penieli, gudogomine na batu ba iyo ihana binywa nahi bibyo; baana ba Penielinabo bamgaile nahi batu ba Sukithibyabamgaile Gideoni. ⁹ Nage Gideoni gubagaile babo batu ba Penieli nabo, guganine, Handichwa iyaka wa talala, nugugwisha hasi gino ndu gya gilhu. ¹⁰ Bibyo babo ba Zeba na Salmuna babele haya Kalkoli, na basolokoto babo babele hamwechi nabo, batu nahi uki umi na chitano wa lubalo lwabo, noo bose bene bashigele ba babo basolokoto ba baana ba mlugulu; yulu bawile batu sambi na maumi mabili uki 120,000 noo bbenebahagilwe na ahilu. ¹¹ Haho Gideoni gugile ndila gya baya bene babele bashame u bitula luubi lwa mlugulu lwa Noba na Yogbeha, gulwile baya basolokoto; yulu baya basolokoto babele tolongecho. ¹² Zeba na Salmuna basinine; nage Gideoni gubalamine; gumawatile maya maoolo mabili ma Midiani Zeba na Salmuna, gubasalile-salile basolokoto bose. ¹³ Hanyuma gugo Gideoni mwaana gwa Yoashi gugiwile uhuma u bita, uhuma ubuhitilo bwa Helesi. ¹⁴ Bibyo gum'bwatile gumwe mwalubaga gwa Sokothi, gum'bidiche; nage gumgolele machina mababo bahela ba Sokothi, na miungu gya mbuga, batu maumi njwii na njwii. ¹⁵ Hanyuma gubagilile baya batu ba Sukothi, gubasambile, Loolwe, Zeba na Salmuna, bene benywe musebulule yulu yabo, hamoganine, Wi wii! Maboo ma Zeba na Salmuna masili m maboo mobe gogwe, yulu tubahe batu bobe bene baimine mikati? ¹⁶ Bibyo gugiguhile giya miungu gya mbuga, na miigwa gwa mgala na byokole, gubagigiche babo batu ba Sukothi wa ubasususla. ¹⁷ Hanyuma gugibundule giya ndu gya gilahu gya Panieli, na ubahaga batu ba gigyo mbuga. ¹⁸ Bibyo gubasambile baya ba Zeba ,a Salmuna, Baya batu bamuhagile uya Taboli babele batu ba bihi? Bamgaile, Babele nahi byoli gogwe; mtu ge gese gubele m mwanane na baana ba maoolo. ¹⁹ Nege Gideoni gubanine, babo batu babele bashiwetu, baana ba mago nene; nahi bili Mlume na mwego, nambo mwaba bahogonona babo batu uba mwego, nene nisabammaga benywe. ²⁰ Hanyuma gumsambile Yetheli mwaanage gwa bubele, Bino, gimana, ubahage bano. Alakini gugo mmwalubaga gushihulule ahilu age; yulu, guleile, wa ibalo gwilibele mmwalugaba ka; ²¹ Haho ZEba na Salmuna baganine, Gogwe ugimane na utugwilile beswe; bululi mtu byeli, noo bili uoma wage nao. Bibyo Gideoni gugimanine, gubahagile bose babili Zeba na Salmuna, guguhile migochi gibele gihambwe mioshi mwa ngamia chabo. ²² Bibyo baana ba Isileli bamsambile Gideoni, Gogwe ube mmata gwetu, gogwe ba baana bobe na bedulu bobe nabo; bululi gogwe watuhogonona na maboo ma Bamidiani. ²³ Gideoni gubasambile, Nene nishihyilila hegulu henyu ata baana banyi bashihyilila hegul henyu; gee Mlume noo gwihyilila hegulu henyu. ²⁴ hanyuma Gideoni gubasambile, Nene nina yandihusimba yulu yenyu; m mtu ge gese upa mamo matimbi ma nolo ma kole chage. (Wa bululi babele na matimbi ma umatu ma nolo, yulu babele m Baishmaeli.) ²⁵ Bamgaile, Twiuha wa mitima gihaha. Haho bagandile bichwalaganywa hasi, babiile mmo mtu ge gese matimbi ma u matu ma kole chage. ²⁶ Na bushito bwa mamo matimbi ma nolo melisimbile mahyile shekeli cha nolo uki na sambi njwii; koo na migochi gya mioshi mwa ngamia na bibya, na bichwalaganywa bya langi lya ibule byine bibele bichwale maya maoolo ma Midiani, iyaka koo na lunga lwine lubele u maoshi mangamia chabo. ²⁷ Bibyo Gideoni guitile kanju lya biya bibya, gulibiile mnda mbuga gyage, mbuga giya gya Ofla; nayo Isilaeli yose bagile ugitangila uya wa masei; nalyo libele m agochogochi wa Gideoni na wadu gyage. ²⁸ Bibyo Bamidiani baisilwe u mbele wa Isilaeli, nabashiginywine iyaka miswe gyabo, Nagyo sii gibele na talala mengo ma myaa maumi mana ha masugu ma Gideoni. ²⁹ Hanuma Yelubaali mwaana gwa Yoashi gugile ushama mnda ndu gyage gee mine. ³⁰ Gideoni gubele na baana maumi njwii bene babutilwe na m'bili gwage;yulu gubele na baachi bengi. ³¹ Na mcha gwage mine gubelehushama Shekemu, gee nage gum'bitile mwaana, nage gumgitile china lyage Abimeleki. ³² Bibyo Gideoni mwaana gwa Yoashi nuuwa gwina myaa gya buosu, guchiilwe mnda abuli a sage Yoashi, uya Ofla gya Baabiezeli. ³³ Hanyuma habele, heliwile Gideoni ka, baana ba Isilaeli bahugile iyaka bagileutambikila tubetcha twa Babaali wa masei, bammitile Baal-belithi uba abetcha abo. ³⁴ Bululi baana ba Isileli bashimmengeleche Mlume, Abetcha abo, ugana gee noo mine gubahogonine na maboo ma tumangu twabo ngubi chose; ³⁵ Nabashigiitile misa ndu gya Yelubaali, noo Gideoni, wa ulamana na giya misa gyose gyeliitile Isilaeli.