¹ MLUME gusambile, uliguhile lubao lwata wagole wa luli wa kiliyo gya batu, Wa Mahel-shalal-hash-bazi; ² Nene niliengela babangisiyi babawilileyulu yanugola mwano, noo, Ulia, ibuli, na Zekalia, mwana gwa Yebelekia. ³ Na nene nimgilileguya mbuwa gya gyaachana, nage guswalile gumo, gubushile mwana gwa mlimyana. Hanyuma MLUME gusambile mgite china lyage Mahel-shalal-hash-bazi. ⁴ Bululi hambele ha gugo mwana gushinaosha umana ugana, Tata na Mago, luhinda lwa Dameski na kole cha Samalia chiguhwa na oolo lya Ashulu. ⁵ Hanyuma MLUME gudogome nanyi lwendo lwa bubili, gusambile, ⁶ Wa bululi bano batu bahanywa madi ma Shiloa mali hugongolwa lembalemba, na useelela yulu ya Lesinina gugo mwana gwa Lamelia, ⁷ bino hano loola, Mlume gwalusha hegulu habo madi ma lulo Ludi, mali na uoma na meengi abisa, namo noo oolo lya Ashulu naugengeda wage ose; nage gwichwa, na uhita hegulu ya midabwa gyage gyose, gwigilula hegulu ha mibega gyage gyose; ⁸ nage gwihita, gwihita wa abilo na ugingila Yuda; gwigilula na uhita hawingi, gwihiya ndaa na mioshi; na uya ugolola bihwahwa byage wigilucha mahinda ma ibalo yobe, Ee Emmanueli. ⁹ Iswe alugi, benywe mioga gya batu, Na benywe mwinogwa bihindi bihindi; Tegwe matu, benywe bose bene bali sii gya koo; Lihambwe munda, na benywe mwibelwa bihindi bihindi; Lihambwe munda, na benywe mwibelwa bihindi bihindi. ¹⁰ Hungwe lango hamwechi, nalyo lishihuluchiwa; Dogomwe inywa, nayo ishigimana; Bululi Abetcha ali hamwechi netu. ¹¹ Bululi MLUME gusambile bino, wa uboo wa uoma, gungigiche nashigye mnda ndigyabanoabtu, guganine, ¹² Mushidogome, Iyuonywa, mnda mwano gwa bihisho byose byine byidogoma bano batu, Na uonywa; mushimone booba yuluya booba bwabo, na mushisine. ¹³ MLUME gwa basolokoto noo gwamwinyemya; gee noo gabe booba bwenyu, na gabe usinywa wenyu. ¹⁴ Nage gubi ihana ya ihaha; noo liwe lya ulihyatala na liwe lya lyata lya uhyatala wa madu mose mabili ma Isilaeli, na gochi na na mitala gya migochi u bashami ba Yelusalemu. ¹⁵ Na beengi buhyatala weli, na ugwa na unogeya, na uchigwa na magochi na uwaswa. ¹⁶ Uhambe ubo ubangisiya, waibiya yaala m'bindo hawingi ha magigiwa banyi. ¹⁷ Nene nimmemba MLUME, gusubabisa yenyi yage ndu gya Yakobo, na nene nimmemba. ¹⁸ Ndoolwe, nene na bano baana bandihelwe na MLUME ka uba bisaga na bigagicha u Baisilaeli, bisuhuma wa MLUME gwa basolokoto, gee mine gusushama u loono lwa Sayuni. ¹⁹ Na mengo mabiusambila, Uenga mwano u batu ba punga na u bandogi; balinahi tunonyina mishenge; wi wii! Bishilingye batu uenga mwano uli Abetcha abo? Wi wii! Bagye u batu bawile yulu ya batu bali na mwego? ²⁰ Na bagye u m'bindo na ubangisiya; na uba bashihudogoma ulamana na ino inya, hashi ata adugwa uli babo busugu bushi huya. ²¹ Nabo bihita hawungi hage, gwina asusu abisa na uba na ndala; na wa habi balihumona ndala, bilila na ulaha ,uloga,uli oolo lyabo, na wa Abetcha abo, na ulola byenyi byabo hegulu; ²² nabo biilola ibalo, na, loola, asusu na mdo, na ihochu; hashi ata useelela wa yulu ya usumbililwa na bisumi; nabo bichingwa na ugungila mnda mdo gwa gwata.