¹ Malagano maala mabele nabibaa bibele bya isumbilo ano alungo naokyata wa isumbilo. ² Weenene indaa hema obele nabyomba yebewe, yombaa ya omboka, habele ukitwa ehana na bohaha. Indaa hebele iitee aswenge mezaa kya mikate kya omonya. ³ na hanyuma pa pashiya kya bepee habele na yombaa engee, hebele ukitwaa ukitwaa ehana ya bohaha bwaokelela. ⁴ Habele otambekela ya hololwa lutambi uvumba. eyaka etoo yaobela malagano yebewe holo choo. Indaa mwake obele bibakule ya nolo yenee omoneya nahe, lubango lwa alini lumenine maowa nabiya bibao byamawe ya malagano. ⁵ Yolu kyake yaobeya malagano Maserafi babohaha bale unina biwawa byabo mbelee ya etii ya olelela, wa hano tushiwecha odokoma bitu byaya. ⁶ Hanyuma habitu bibi bileobelwa, bibole bya byokabibyo okengela yombaa ya amboka ya hema utuma lutambi lwabo. ⁷ Yulu ya bibyo ebole mmata ukingela oya oyomba ya bobele kebuchima lwendo lomwechi kila mwaa, hango oleya uhuma lutambi yolo yake, hayola ya bobee kwa batu baitile nongoo otaka. ⁸ Hena kwabo haha koleokana ndela kya bohaha okelelela kishi nabewa ololo wabiya hema kyabatangi nambo kya kimana. ⁹ Ee yele odokoma mengo oo. Byose ohewa alambwe na latambee bine bile olotambi hano bishiowecha obeya dhamiri yani ne kole owabudu. ¹⁰ Ibelewa na binywachi buchima bile olelunga ndaa hahe ya taratibu ya ibada ya olehaha cha byose bibyo bilebibewe taratibu ya ipeele bile bibewe olebo naomboka mnano kohya kwebewa fashi hake. ¹¹ Kelesitu kwichulo hahe ebole mnata wabito bibanju bine byochwa oheta bwaha obeya hema bwata ishioetwa ha mabo ma batu, baehi balango lono ibumbwe. ¹² Yebele ishii yolu yamashi hambuchi, na mwana kwa ngombe, yolu yamashi make kemine Kelesitu kukingel fashi kyabo haha okeelelela lwendo lwemwechi wa kila itu utubeya olelelwa wetu wa milombo. ¹³ Nambo mashi ma muchi na fahari hauchenjwa waitoo ya mwana kwa ngombe ndaa baya bashi bahaha babewe mibamba w'Abeca haobewa mibele kyabo oba kyehaha. ¹⁴ Je ishii okeelelela oheta mashi ma Kelesitu mine ohetela hema kwa milombo kuletowe kemine bila abachi wa Abeca, ohahacha dhamiri kyetu uhuma kikelanywa babu waometala Abeca ikelo mine Kwete? ¹⁵ Yolu ya bibyo, Kelesitu homwa kwa malakano mahya. Ooho yolu mauti washika holulu bose baya bene babele ba mafano ya itangi uhuma indaa abachi bwa bobee wabo, bose bakiswa na Abeca baweche opokela Ahadi ya urithi wabo wamilambo. ¹⁶ Nambo wee malagano malete, isawa kuthibitishwa wa lubu lwa kono itu huhe kuitile. ¹⁷ Malagano uba naoma fashi ole uhuma lubu, yolu ya bibyo ushii omaa mengo mine kweleueta kwete. ¹⁸ Bibyo ishi eya malagano ya etangi yebele yete uhetela mashi. ¹⁹ Mengo Musa kebele uhunya kila ulaga ya m'pendo obatu bose, kweswalile mashii na ngombe na ma mbuchi, hamwechi na madee, etambala ya rouge na isopo, na uchunda ngombe kyokee ne batu bose. ²⁰ Eyaka keno dokoma "Mano imashi mangombe ya malagano yene Abeca kwabaha malagano wenyu. ²¹ Ndaa ya eyo eyo, kushinyinye mashi ohema nabitu byose bibele utumika ikeelo wa bibole. ²² Ndaa mpeendo, alebokila itu ye ehaha oetela mashii. ²³ Wa bibyo yebele lazima nahe hakala ya bitu bya ekolu sharti bihahashwe ohetela lutambi bya nyama. Bibyo, bitu byaekolu byobine ibiposwe ohahala wa lutambi yele bibenju okelelela. ²⁴ Kelesitu kushii kingel fashi kya bohaha okeelelela henye haitiilwe ha maboo, yene ihakala halisi hanyu na hake kukingle hekolu kemine, fashii yene kwete uyenyi ya Abeca yolu kyetu. ²⁵ Kushikengele uya yolu ya olebeya lutambi yolu kyake nyendo wa nyendo, nahe kuitiile ebole mmata, okengela fashii kya bahaha okeelelela mwaa wa mwana hamwechi na mashii kyakonge. ²⁶ Nambo bibyo ebele kweli, ipaswe ososoka nyendo nyingi okeelelela uhuma etangi ya lungo. Hano inyendo kemwechi paka isula wa milombo kulibeye hululu uhunya bobose wa lutambi kwake mine. ²⁷ Nambo ebele kila itu owa nyendo kimwechi, hanyuma ochwa omalepo, ²⁸ bibyo Kelesitu nake kuhunyiwe lwendo kimwechi uhunya bobee bya bengii, kyechwa nyendo kya babele, kushiishwa yolu kya bobee kwechwa yolu kyabaya bale omemba.