¹ Bino etuya uolokoma itee: tule naebole yayata kushamine hase ndaa oboo wa olela etie ya buholo ekolo. ² Ke itumwa ndaa fashi habohaha, hema ya keene ilume kubile ushi hu kekese kwa uwa. ³ yulo ya bibyo kubilwe ebolo mmata uhuma zawadi na tambeko, yulo ya bibyo ebole yamahana oba haeto ya ohona. ⁴ Haho Kelesitu kobele ndaa nwa esee, kee kushibolwe ebole yaokelelela haho. Olamana nabiya baya bene bahanene mikelo olama na mpeendo. ⁵ Baya bakelelele bitu bya owanana na echo lechole na bitu bya ekolo. hahe Musa omenywa na Abeca obenjiche oyenga Hema. Lola, Abeca, "kwa dokoma mulongwe kila etu yelemmanane" ilemonyweshwe yolu yalono. ⁶ Hambo Kelesitu kupokeye huduma bola okelelela yulo konake kwa sambanya alako Abenju, obele akimanyu na alako abenju. ⁷ hambo alako aa tangi aingelikuwa nabobe, haho akungelikuwa hamu lauwenja alako abubele. ⁸ Maya mengo Abeca kwemonine bobe bwa batu kuodokomina, "mona, masuku maleochwa, mengo nelongya alako abibenju hamwechi na nduu ya ishilaeli, na nduu ya Yuda. ⁹ Ashi alako nebele oweta namasenyu nebaswalile ndaa unoo ubaongocha uhuma ndaa eee ya mishili. bashi kakyate ndaa alako anyi, namene nee baleyee; kwakana ilume. ¹⁰ Yolu ano no alako nee eta wa nduu la ishilaeli badala yamaya masuku, kwakana lume. "neebeya mpeendo kwanyi omalanga mabo, hahee kwala ndaa mitema kwabo. nieba Abeca wabo, nabo beba batubanyi. ¹¹ Bashi sambelana itu na pingi kwake, mweshi na minake, kodokoma "monee ilome", haho bembana nene uhuma kwa nene ukya mosobu kwabo. ¹² Haho nibamonya lehema na bitu byabo bishi tenenem nishi babala bobe bwabo eyaka. ¹³ Waodokoma " wahano", Kwa ita alako atangi obaa ataa. naao alesambile oba ataa hanohoka lihunyiwa.