¹ Yolu ya bibyo, ebole mmata, kosonolwe uhuma iinje ya bato, kosobolwe ukimana hanyuma indaa bitu bilengye oshena alebo na Abeca, koweche ubihunya mwehachi zawadi na tambeko yolu yabobe. ² koleolewecha obaitela waolesacha na bohokee na wabishi yolu ke mine eyaka kwachingwa nakushiosha. ³ Yulo ya bibyo kenodokoma uhunya lutangi yolu yabobee bwake nahee kuitilee obobee bwetu. ⁴ Ushii tuu mine kweswale bonhyemu boboo kyake minee, hanyuma hake, ikiswe na Abeca hahee kobelee Haruni. ⁵ Kilishito kushii liebe bonyemu kemine waoleeita kemine obaa ebole mmata. hanyuma hako, Abeca kweledokome "kokwe weemwananyi, leno heeba sobee kobe." ⁶ Inaye kwekane eyaka lubee lunge, "kokwe iebole mifumboo hanyuma haohanana Melkisedeki." ⁷ Keemengo maya wapeele kwakee, kwitambikile ke mine kwewecha umunya indaa lubuu, osabaa hamwechi naoleela obisa naluhanga, kwehobechwe wabya kwesene Abeca; ⁸ Imwana kumitee oleesacha waososo aleeipatee. ⁹ Ke uhuma oeta ndela kyakeene wamilombo wabatuu bose mine, kweleota; ¹⁰ Mine kwekanena Abeca obaa ebobee mmata waohaanana Melkisedeki. ¹¹ Twena binywa bingi yolu Yesu ingufu ubidokoma yolu beenywe mushii oleechaa. ¹² Weenene mwebapaswe obaa balimu yolu mengo mange waitilee, ukikya na batuu ukikiwaa waotangi mwano wa Abeca; benywe mweeobaa mushii obenja mabele na he eleewa ya eomu. ¹³ Nambo keese kunywa mabele koshiomona ilandoo kweene, yolu imwana inenee. ¹⁴ yolu elewa eoomu ibeewe obatuu baomu, lwengo lwaboo, wa oetaa, oloobela onana kweene nabibee.