¹ Wabibyo, twabapaswe obaa makini yolu ya bibyo indaa kyetu pashibe ata komwechi mine kwemoneya uiswa uhiya ahadi yao kingela ndaa sasoo liake natushiwe naboba, komwechi kwetu pashibe kwemoneya mine kweluba. ² Wenenee, beswe bose tusambelwe mwano kwakubenju hahee baya. namboo mwano koya kohalechwe kushii bofae baya, yofu ya bibyo osopakanya na imani indaa mwabo benye baholiche. ³ Wenene beswe tulewashee okingela ndaa saso leya; nambo biya kole dokoma, "Nambo kwelapile soongo lianyi, bashikindela ndaa sasoo lanyi". Kodokome, mikeelo kyose binee kwemetee bibele byoomoneya tangu alaa kyalungu. ⁴ Lusuku lwanjwe Abeca kuletuche, obito byose kolemetee." ⁵ Hano nahoo "bashikengela, ndaa sabo lianyi". ⁶ Yolu ya bibyo, uhuma oletucha wa Abeca hakee iinji bikengela, na uhuma ishilaeli bengi benye baholeche ilandoo kwa oletucha wakembushikengele yofu bashibaete. ⁷ Abeca kubile eyaka lusuku fulani, lukuswa "leno." ke kuongechiche lusuku loho kwedokome ohetela Daudi,minne kwedokome wa mengo malahu binebilebi dokomwe alaa, "leno nambo mwedecha ledee liakee, mushiete mtema kyenyu ngufu." ⁸ Wenene nambo Yoshua kobahebe uletucha, Abeca kosaba dokoma yolu yo lusuku longe. ⁹ Nambo olelusuku lwa detucha lubilwe uolu ya batu ba Abeca. ¹⁰ Yolu kwakingela ndaa oletucha wa Abeca kemine eyaka kwaletucha bilehuma nabikuma byake, na mboo Abeca kuitiite ndaa ke. ¹¹ Wabibyo tube naotaka okingila ndaa oletucha, yofu pashibe mne kwekwa indaa uwasi wenee bahile. ¹² Namboo binywa bya Abeca byetee nabina ngufu nabina bwekee oheta lupanga lole okata ngabe lose. naochoma ataa uhiya okabola nafsi na hema, na biungo namauta malemo indaa mwake; eyaka lena buhuhu omana malanga na kusudi matema. ¹³ Naushi bibombe byenye bishii hololo aleboo nake, yolobitu byose bibuchi omeso make ke mine kwe na bitu byetu. ¹⁴ Hanyuma kobele ebole mmata mine kokengele hekulo, Yesu mwana kwa Abeca, natuwatee maungamo kyetu. ¹⁵ Namboo ushi ebole mmataa kushiweche ota swala ndaa bitu byetu udhaifu, ke koto nywilwe hahee beswe indaa bitu byose, ku shiete bobee. ¹⁶ tulee senye oetii keene ha waolewecha, yolu tube uleelela natohewe keene ya kusaidia indaa maitaji.