¹ Wa bibyo, tulebachingwe mawembe mmata ya mashaidii, na tutele kila etuu yebe ichiko hamwechi na bobee yene yele tuchungolwe na bahuhu tuhinge obelo ya saburi indaa malende yibiwe mbele kyetu. ² Tolole Yesu, mine kwe itangi na mine isula ya imani yetu, yolu ya saso yebewe mbele kyake kuwechiche isalaba, kwezalau naabole kee kweshame obo waolunme wa etii ya bohaya Abeca. ³ Malanga ke kuoshiche binywa bya umonywa uhuma obaya babobee, yolu ya luhuda lwabo, mushichwe uimaa, uzimiya mitema kyenyu. ⁴ Mushii haeta bita ata okeseya mashii, mwema bendi, na bobee, ⁵ molebakeebe lele oya obewa itema, helee odokoma na benywe namboo baana, bana banyi, mushiike halaka ukiwila ya ilume, mushii ale itema owambelwa hake. ⁶ Waoboo ilume kusokewelela kekese mine koleopenja, naomola kila mwana mine kole opekela. ⁷ Kweochiche otonjwa namba kashiwela Abeca omangaikela benywe nambo kusobangaikela habana imwana kohe mine kwa kewela sake kushimangaikela? ⁸ Nambo ushii okewelwa, wenye wete beswe bose tweamwechi, benywe iaramu mushii bana bake. ⁹ Beswe, tobele nama setu halango batokewelele na tole obaolecha, je bishii bibenju ohelecha setu kwatena natoshame? ¹⁰ Weenene maseta batuhilile wamengo mane nahe byabatakile abeta atokewela wa alambwe etu toshame indoa bohaha bwake. ¹¹ Ushii biholo bilehasaso indaa mwake. ubaahalababaa ata bibyo, hanyuma hake ubota ikuma ya talala wabaya bafundishwe nabe. ¹² Wa bibyo mukunine maboo menyu malebechu na machwe menyu melebechu mabewe omaa. ¹³ Mohahache binya telo byamakofu byenyu, kekese mine ilebechu kushikya obobee kwepata ohaka. ¹⁴ Moenge talala habato bose, naeyaka bohaha nambo ushibiya ushii omona ilume. ¹⁵ Mobe lungo lulume yolu pashibe mine kwebe wa mibamba neema kya Abeca, ashichwe ehende ya bolulu yene yemena naoeta shida naoleta bange bamane. ¹⁶ Hashibe na isengo na osema Abeca nambo Esau, kwekuchiche boolu bwake bwaoboswa waelewa emwechi. ¹⁷ Weenene ;oshioma mengo kwetakile anyuma urithi kwehanyinywe yolu kushipashile ehana ya olongya nasake atakoyengile waluhanga. ¹⁸ Wa bibyo mushiomana indaa kono oosha uomwa lono lwene lulana ahya, itoo, obeya obenja nanakaa. ¹⁹ Mushiomana wa lede yaoseba, ao wa binywa bileuhuma na lede ishiioeta mato ya baya bene bahuleche enywa yoyose odokomwa wabo. ²⁰ Wa biya bashiweche utalelech wabiya bikanyinywe: "Nambo nyama kiioma luno, kweolwa mawe." ²¹ Ya bobaa okeelelela kwemonile Musa kwelesambe, "neomona bobaa sana uya odanda." ²² Hanyuma hake, benywe mwahiya olono sayuni na indaa mboka wa Abeca mine kwetee Yelusalemu wa ekulu, na wa malaika elfu umi wale oseya. ²³ Esombelo mmata yabana babatangi bakwalilwe hekolu, na Abeca mmachi kwa batu bose, naitema wa batu bone keene benye baletee. ²⁴ Na Yesu koleotopatanisha malagano kohyo, na mashii na keseye male okana bya bibenju oheta mashii na Abeli. ²⁵ Mulole obaa mushichwe ohanya komwechi mine koleole samba. Nambo bashii bahanyemine balebahanye komwechi mine kweba shauli alungu, weenene tushiiuma beswe namboo twemanya ke koleutulunya uhuma hekolu. ²⁶ Wamengo oo lede lyake ledekeche lungu. Hano kolelesame naokana, "Nyendo yenge eyoka nishii dekesha lungu yoyene, hamwechi ekolo nayo." ²⁷ Binywa bibi, "Nyendo emwechi eyaka", eleomonya uhuma wa bitu biya byedandilwe, bino bitu biya bidandiwe bishame bishii dande eyaka bishame te. ²⁸ Wa bibyo tupokele buolo bwene bushii odanda, toselelele indaa etu ya lutambi Abeca waokitabowa hamwechi na olesacha indaa kicho. ²⁹ Weenene Abeca kwetu iahya auchikya.