¹ Londo wanduku ushame. ² Mushii kebeleche ubapokela bakenyi, weenene wa eta bibyo, bengi balebakale bishe malaika nango, omana. ³ Moengeleche bahambwe indaa chambo, hamwe molebambwe hamwechi nabo oyaa, nambo mibele kyenyu itiilwe nambo bo. ⁴ Nabo ya iuli na batu bose na etande yenee ehaha weenene Abeca kweba hola basengo. ⁵ Nandela kyenyu kya ushama kebe kikenu indaa lando wa bomona. Mokee na otosheka na bitu male nabyo, Abeca kemine keleodokoma, "nishii bashika benye naobatela benye." ⁶ Tuupima olesamba waomaa, "ilume ke dosombeya naeche, nishii dandaa" itu kwembeta eye? ⁷ Mobee amwechi na baya elombokochi, baya ba kanine binya bya Abeca wenyu, moengeleche nabihuma bya okyata wabo, mlameimani yabo. ⁸ Yesu Kelesitu ke inakeshi, len, na imeshi. ⁹ Mushiichwe elombokochi ya binywa binge bingi ibi benyu itema okobaa na neema, haishii ;'peendo uhumanana elewa bibyo ishiwecha okasaidiya baya baleoshama wabo. ¹⁰ Tuleenabyo ulutambi yene baya baleoeta indaa ihuilo bashii keene ya uya. ¹¹ Wa bibyo mashii yaba nyama, bitambokela yolu ya bobee, iletilwe na ebole mmata indaa ya fashii kyabohaha, ila mibele kyaba kichikilwe ahya amboka alubonga. ¹² Wa bibyo Yesu nake kupatilwe na asoso hamboka achango ambukaa wadoaeta batu ba Abeca ohetela mashii makee. ¹³ Wa bibyo tokye wake amboka ya lubongo, toswale abole wake. ¹⁴ Tushii ehana yetee indaa mboka oo. Hanyuma hake tuengee mboka yene yechwa. ¹⁵ Ohetcha Yesu mopaswe nyendo na nyendo obalutangi ya otona Abeca, bikuma amilomo bilesambe china lyake. ¹⁶ Ushii kebiliche oeta bibenju na osaidiyana benywe wa benywe, wa bibyo wa ulutangi na mbo bibi biya bibenje Abeca. ¹⁷ Mowaoleche na olesacha wabilombokochi kyenyu, yolu baleokyata obalenda yolu ya luhoda lwenyu, nambo baya beunyaa ebolwa. Mobaokeche bilambo kochii byenyu baola naobatunza wa saso, naishii wa uzuni, yene esheeta etu. ¹⁸ Tosabe weenene tule uamini wamalanga mabenju, indaa ukyata obenju indaa bitu byose. ¹⁹ Nene neleobabembelecha waokelelela sana oeta biya yolu hakewele winyu alaka. ²⁰ Bashii, Abeca wa talala nina kwiletile eyaka uhuma lubu mmushi mmata kwa moo, wa mashii ya malagano ya milambo, ke ilume kwetu Yesu, ²¹ kakabeye benywe ubaa wakamilifu indaa bikuma bibenju mopate oeta bine kobenja nake koeta ndaa mwenyu bya bibenju mbele yake Yesu Kelesitu, bohaha bwena ke milombo ha milombo. bibe bibyo. ²² Hana neleobabenja itema benanyi mosalane na binywa ya obeya itema wa ushiu nele kwa le wenyu. ²³ Momane minetu Timotheo kwa sulwa hanechwa nemonana nabenywe hamwechi nake. ²⁴ Mosalimiye bilombokechi byobe byose, na babohaha bose, bale uhuma Italia baleo ba salimiya. ²⁵ Neema na ibe habenywe bose.