¹ Ino noo itabo ya bibushi bya Adamu. Luya lusugu abetcha abumbile mtu, wa yenyi ya Abetcha gumishile; ² mlumyana na mmachana gubabumbile, gubahalile mihaa gubagitile china lyabi Adamu, luya lusugu lweli babumbile. ³ Adamu gushamine myaa sambi na maumi matatu, gubutile mwaana nahiyenyi yage, wa mlingilisho gwage, gumgitile china lyage Seti. ⁴ Masugu ma Adamu hanyuma ha um'buta Seti gibele myaa sambi inana, gubutila baana ba mulumyana na ba baachana. ⁵ Masugu mose ma Adamu mebele na mwego ii myaa sambi yahabula na maumi matatu, nage nuuwa. ⁶ Seti gushsmine myaa sambi na gitano, gee noo ubuta Enoshi. ⁷ Seti gushamine hanyuma ha ubuta Enoshi myaa sambi inana na njwii, gubutile baana ba balumyana na ba baachana. ⁸ Masugu mose ma Seti ii myaa sambi yahabula na umi na gyopi, gee nuwa. ⁹ Enoshi gushamine myaa maumi yahabula, gee nubuta Kenani. ¹⁰ Enoshi gushamine hanyuma ha ubuta Kenani myaa sanbi china na umi na gitano, gubushile bawa lubaga na bawa misiha. ¹¹ Masugo mose ma Enoshi ii myaa sambi yahabula na gitano, gee nuuwa. ¹² Kenani gushamine myaa maumi njwii, genubuta Mahalaleli. ¹³ Kenani gushamine hanyuma ha ubuta Mahalaleli myaa sambi inana na maumi mana, gubushila bawa lubaga na bawa misiha. ¹⁴ Masugu mose ma Kenaniii myaa sambi yahabula na umi, genuuwa. ¹⁵ Mahalaleli gushamine myaa maumi mtuba na gitano, genuguta Yaledi . ¹⁶ Mahalaleli gushamine hanyuma ha ubuta Yaledi myaa sambi inana na maumi matatu, gubushile bawa lubaga na bawa misiha. ¹⁷ Masugu mose ma Mahalaleli ii myaa sambiinana na maumi yahabula na gitano, genuuwa. ¹⁸ Yaledi gushamine myaa sambi na maumi mtuba na gyopi, genuubuta Henoko. ¹⁹ Yaledi gushamine hanyuma ha ubuta Henoko myaa sambi inana, gubushile bawa lubaga na bawa misiha. ²⁰ Masugu mose ma Yaledi ii myaa sambi yahabula na maumi mtuba na gibili, genuuwa. ²¹ Henoko gushamine myaa maumi mtuba na gitano, genuubuta Metusela. ²² Henoko gugile hamwechi na Abetcha hanyuma ha u'buta Metusela myaasambi chitatu, gubushile bawa lubaga na bawa misiha. ²³ Masugu mose ma Henoko ii myaa sambi chitati na maumi mtuba na gitano. ²⁴ Henoko gugile hamwechi na Abetcha, nage guchimine yulu Abetcha amguhile. ²⁵ Metusela gushamine myaa sambi na maumi inana na njwii, genuubuta Lameki. ²⁶ Metusela gushamine hanyuma ha ubuta Lameki myaa sambi njwii na maumi inana na gyopi, gubushile bawa lubaga na bawa misiha. ²⁷ Masugu mose ma Metusela ii myaa sambi yahabula na maumi mtuba na yahabula, genuuwa. ²⁸ Lameki gushamine myaa sambi na maumi inana na gibili, gubushile mwana. ²⁹ Gumgitile china lyage Noa, godogomine Guno noo gwituhungya wa migilo gyetu na wa asusu a maboo metu mnda sii gyelilogilwe MLUME. ³⁰ Lameki gushamine myaa hanyuma ha um'buta Noa myaa sambi na maumi yahabula na gitano, gubushila bawa lubaga na bawa misiha. ³¹ Masugu mose ma Lameki ii myaa sambi njwii na maumi njwii na njwii, genuuwa. ³² Noa gusibele na myaa sambi chitano, Noa gubushile Shemu, na Hamu, na Yafeti.