¹ Adamu gummanine Hawa mmachage; nage guswalile gumo, gubutile Kaini, Hawa guganine, nahewa mwana gwa mlumyana na MLUME. ² Gulaminye gunge mwana gwa mlumyana, Abeli. Abeli gubele mmushi gwa miyoo, na Kaini gubele mlimi gwa mabala. ³ Mndi haho Kaini guleshile biliwa bya mmabala, lutangi wa MLUME. ⁴ Abeli nage gulishile baana ba batangi ba nyama chage na bibaa bya binonyu bya nyama .MLUME gumgitabuwe abeli na lutangi lwage; ⁵ Mndi gushimgitabuwile Kaini, ata na lutangi lwage. Kaini guchigililwe abisa, yenyi yage ibungamine. ⁶ MLUME gumsambile Kaini, Yulu yai wachigililwa? Na yulu yai yenyi yobe yabungama? ⁷ Nambo wahugila bisoga, ushi gitabwiwa? Usahugila bisoga buube buluho, buumenena ha mchango, nabo bulihuunda gogwe, bibyo bilingye ubuhiime. ⁸ Kaini gumsambile Abeli mshiwabo, [ Tugye umabala ]. Haho hababele umabala, Kaini gumginwine Abeli mshiwabo na uumaga.v 9 MLUME gumganine Kaini, Gulu uhi Abeli mshiwenyu? Guganine, Nishigidi, nene nili mmushi gwa mshiwetu? ¹⁰ MLUME guganine, Wagila ii? Lidi lya mashi ma mshiwenyu malihundilila uhuma u bitete. ¹¹ Bino hano, walogwa gogwe uhuma u bitete, byagaliya anywa age umina mashi ma mshiwenyu uhitila uboo obe. ¹² holilima u bitete bishiuha biliwa byage, ubi gutolowa na mtu gushi na bushamo mmino ibaloo. ¹³ Kaini gumsambile MLUME, Uononywa wanyi wanjwila wiingi nishi osha uuswala. ¹⁴ Loola, wanyinga lino uhuma u yenyi ya sii, nibiswa koona yenyi yobe, nene nibi gutolowa namtu gushi na bushamo mmibaloo; na bibi gegese gwimona gwipaga. ¹⁵ MLUME gumsambile, Bululi bwa bibyo gegese gwimmaga Kaini gwigiwichiwa buube bwage nyendo njwii. MLUME gum'biile Kaini ibala, mtu gwimmona gashimmule. ¹⁶ Kaini gee nuhuma u meeso ma MLUME, gushamine m sii gya Nodi, umble wa Edeni. ¹⁷ Kaini gummanine mmachage; nage nuuswala gumo, gee nubuta Henoko; gugubaile mbuga nugigita Henoko, wa china lya mwanage . ¹⁸ Henoko gubutile Iladi, Iladi gubutile Mehuyaeli; Mehuyaeli gubutile Methushaeli; Methushaeli gubutile Lameki. Lameki guguhile baachi babili, china lya gwamtangi ii Ada, na china lya gwa bubili ii Sila. ²⁰ Ada gubutile Yadali; gugo noo sabo na bene bali hushama m'bitula na usuga nyama. ²¹ Na china lya mshiwabo gugitilwe Yubali; gugo noo sabo na bene balihugomba binubi na ma bihonde. ²² Sila nage gubutila Tubali-kaini, mtumbi gwa bwombo byose bya ugedela, bya mmubo bya bigela; na kachage Tubal-kaini gubele Naama. ²³ Lameki gusambile baachi bage, Hulichiwe lidi lyanyi, Ada na Sila; Benywe baachi ba Lameki, hulichiwe udogoma wanyi; Bululi nihagile mtu wa umbiya malase; Mmwa lubaga wa uushubula; ²⁴ Nahi Kaini gwagichiwa buube nyendo njwii, Winene Lameki gwigiwichiwa nyendo maumi njwii na njwii. ²⁵ Adamu gummanine mmachage iyaka; gubutile mwaana gwa mlumyana, gumtile china lyage Seti; yulu guganine Abetcha gwambiile lunge lubuto ha ihana ya Abeli; bululi Kaini gummagile. ²⁶ Seti nage gubutile mwaana; gumgitile china lyage Enoshi. Haho noo hene hatulile batu ulinyemya China lya MLUME.