¹ Yakobo nage gugile mndila gyagena, bamalaika ba Abetcha basambene nage. ² Nage Yakobo helibamonine, guganine, Bino ii bilume pambwa bya Abetcha.Guhitile iya ihana Mahanaimu. ³ Haho, Yakobo guhilile batu na mwano hambele hage ugya wa Esau mmulwage ndaa na sii gya Seili mgala gwa Edomu. ⁴ Gubalagile, guganine, Mwamsambile bino mlumyanyi, Esau, Bino noo byagana mcha gobe Yakobo, Nishamine ubugenyi wa Labani na usinga uya ata bino, ⁵ nene nina ng'ombe, na punda, na miyoo, na baacha, na bagichi, nene nahila batu namsambile mlumyanyi mwano, nahewe keene u meeso mage. ⁶ Baya batu bahililwe na mwano bagiwile uli Yakobo baganine, Tuhiile uli mmulobe, Esau, nage gulihuchwa uugaa, na batu sambi china hamwechi nage. ⁷ Haho Yakobo gumunine booba abisa, na uuwa iduba abisa, gubagabulile batu babele hamwechi nage, na miyoo, na ng'ombe, na ngamiya, babe bihichi byopi. ⁸ Guganine, gabechwa Esau wihichi ya itangi,na ubalwa bita, ingi ihichi ya bubili yihona. ⁹ Yakobo guganine, Ee Abetcha a tata Iblahimu, na Abetcha a tata Isaka, MLUME, usambile giwila ugye ndaa na sii gyobe, na wa ilongo yobe, na nene niugilila bisoga. Nene sishilingye ubo uleelelwa ose na winene ose olimgilile mcha gobe; bululi nidabuwile luya ludi Yoldani na lubango lwanyi ka, na bino nisili na bushamo bubili. ¹¹ Ibumbu ino upogonone na uboo wa mmulwanyi, uboo wa Esau, bululi nene nilihummona booba, gashichwe upula bita, na bamna baana ba baana. ¹² Na Gogwe uganine, chigilwe niugilila bisoga, na nene niita ibushi yobe ibe nahi isee ya bahali, ishinabalwa yulu ili iingi. ¹³ Gushamine uya busugu bose. Hanyuma guguhile bimwe bibya byelibe nabyo, bibe mmaso gwa Esau, mmulwage; ¹⁴ mabuchi ma maota sambi chibili, na mabuchi ma malunga maumi mopi, miyoo gya maota sambi chibili, na miyoo gya milume maumi mopi; ¹⁵ ngamiya chukokya maumi matatu hamwechi na baana bacho, ng'ombe cha maota maumi mana, na cha chibenju umi; punda cha maota maumi mopi, na baana bacho umi ¹⁶ guchibiile mmabo ma bacha bage, kila ihicha hayo, Nage gubasambile baacha bage, Dabuwe hambele hanyi, mubiya ihana hawingi ha ihichi na ihichi. ¹⁷ Gumlagile guya gwa mtangi gugsnine, Esau mmulwanyi, gabeubanga, na uubucha, gabegana, Gogwe uli gwa nanyi? Uli hugya uhi? Iyaka m'bananyi bano bali hambele hobe? ¹⁸ Bino, wagane, Ii ba mcha goge Yakobo, ii mmaso gwagahilila mlumyanyi, Esau. Na loola, gee mine guli hanyuma hetu. ¹⁹ Gumlagilena guya gwa bubili, na gwa butatu, nabose bene balimine mogoma, guganine, Bino noo byamwimsambila Esau, gabem'banga. ²⁰ Iyaka mwagane, Loola, mcha gobe, Yakobo, gulihanyuma hetu. Yulu guganine, nihuchana nage wa mmaso gwabangwa hambele hanyi, hanyuma nimmona yenyi yage; hange gwioleya yenyi yanyi. ²¹ Haho guya mmaso gudabwile hambele hage, nagemine gushamine buya busugu mkambi. ²² Guchiwile buya busgu guguhile baachi bage babili, na bagichi bagi babili, na baana bagu umi na gumwechi, gudabwile ha yabu ya Yakobi. ²³ Gubaguhile, gubadabulile luudi, gudabulile na byose byelibele nabyo. ²⁴ Yakobo gushigele gee buchima; na gumwe mtu guhimene nage mtimbili ndaa na umayaya ma lwelo. ²⁵ Nage helimonine gushi hummima, gummudile mchungo lya ilimbago yage; chongo lwa ilimbago ya Yakobo lihyondiwile helibele gulihuhimana nage. ²⁶ Guanine, Ndeeche, nagye, yulu bwahuya. Guganine, nishulecha, usahupalila mihaa. ²⁷ Gum'budiche, China lyobe uli nanyi? guganine, Yakobo, ²⁸ Gumsambile, China lyobe ushigiswa iyaka Yakobo, lisibi Islaekli, bululi wahimana na Abetcha, na batu, na gogwe wahima. ²⁹ Yakobo gum'budiche, guganine, Usambile, ibumbu ino, China lyobe? Gumbaile, Yulu yai wambucha china lyanyi? Gummalile mihaa uya. ³⁰ Yakobo ha iya ihana guhatile, Penueli, bululi guganine, Namonana na Abetcha yenyi wa yenyi, na ichuli-chuliyanyi ya mwego yahogononywa. ³¹ Na chuba limtobwela gulihudabuwa Penueli, guchuliye bululi bwa ilimbago ya ugulu wage. ³² Wa bibyo baana ba Isilaeli bashibaya mmi guli lundu lwa tango ndaa na lino; yulu gumudile Yakobohaya ha lundu lwa ilimbago mnda mmi gwa lubunda.