¹ Bibyo myaa gya Sala gibele myaa sambi na maumi mopi na njwii noo myaa gya Sala. ² Sala guwile uya Kilith-alba, noo Hebuloni, mnda sii gya Kanaani. Iblahimuguchwile umlilila Sala na ubiya malilo. ³ Ibahimu guginwine uhuma witumba ya mmachage, gudogomine na baana ba Hethi, guganine, ⁴ Nene nilimgenyi, na nilihuena wenyu; pewe ihana ya uchyila, ibe yanyi, namchiye mmachanyi gahume umbele wanyi. ⁵ Baana ba Hethi bamgaile Iblahimu, bamsambile,, ⁶ Utuhuliche, Ee, mlume, gogwe noo mtu mmata abisa uli mwana gwa Abetcha watuli, uchiye itumba yobe mliya sinda lyolisobola mnda chicho sinda chetu. Hashi mtu watuli gwiuhanyinya sinda lyage, ushichiya itumba yobe. ⁷ Iblahimu guchuwile na uginama umbele wa batu ba gigyo sii, umbele wa baana ba Hethi. ⁸ Nage gugombole nabo, guganine, Uba malanga menyu naichiye itumba yanyi ihume umbele wa meeso manyi, mupuliche, mugyuysabila wa Efloni msiha gwa Sohali, ⁹ bululi gape mgumbo gwa Makpela, guli ulugumba lwa lubala lwage, na gape wa ugula uli wa usoga, hawingi henyu yulu ibe ihana yanyi ya uchiila. ¹⁰ Haho Efloni gubele hushama hwingi ha baana ba Hethi. Efloni Mhiti gumgaile Iblahimu, na baana ba Hethi balihuhulicha, ata na abtu bose bene balihugingila mnda mchango gwa mbuga gyage, guganine, ¹¹ Bishi bibyo, mlumyanyi upuliche. Luya lubala nuuha loo, na mgumbo guli hoo nuuha, uchiye itumba yobe. ¹² Iblahimu guginamine u meeso ma batu ba giya sii. ¹³ Gusambile Efloni, na batu ba giya sii balihuhulicha, guganine, Ibumbu ino upuliche nihana buguchi bwa lubala, na gogwe ubuguhe wandi, na nene niichiya moo itumba yanyi. ¹⁴ Efloni gumgaile Iblahimu, gumsambile, MLUME gwanyi, upuliche. Ibaa ya sii, iyo yina ugulwa wa shekeli cha bumona sambi china, hali ii hawingi hobe na nene? bino chiya itumba yobe. ¹⁶ Iblahimu gugitabuwe binywa bya Efloni. Iblahimu gummele Efloni buya bumona bweliganine u matu ma baana ba Hethi, shekeli cha bumona sambi china nahi byachilihugia na batu ba udagulanya. ¹⁷ Bibyo lubala lwa Efloni lubele uya Makpela ugya luubi lwa Mamle, lubala, na mgumbo gwine gubele mo, na miti gyose gibele mo mlubala, gibele u ng'umba chage ngubi chose, byose bigulilwe ¹⁸ uba bitundu byage Iblahimu, u meeso ma baana ba Hethi, na umbele wa batu bose bene balihugingila mnda mchango gwa mbuga gyage. ¹⁹ Haho hanyuma ha bibyo Iblahimu guchiile mmachage Sala mnda mgumbo gwa lubala haya Makpela lubi lwa ugya Mamle, noo Habuloni, mnda sii gya Bakanaani. ²⁰ Na luya lubala, na mgumbo gwine gulimo, bimanyiye uba bitundu bya Iblahimu na baana ba Hethi, uba ihana ya uchyila.