¹ Hanyuma guilile wa liidi lyata mmatu manyi, guganine, basambile baya bene bali bagimanyu mmbuga bashene, tu gegese gabe na itu ya uhagana nayo mmuboo wage. ² Na loola, batu mtuba bachwile, uhumina mnda mchango gwa hegulu gwine gulihulola luubi lwa uboo wa uachi, kila mtu guli na itu ya uhanagana nayo mmuboo wage; na mtu gumwechi hawingi habo guli mchwale bafta, guli na hyisengo hya wino bwa mgochi mlubunda. Bagingile, bagimene hoka na butambikilo bwa lusuu. ³ Na ubo ugengeda wa MLUME gwa Isilaeli ubele usechu hegulu uhuma wa kalubi, (malaika) wine ubele hegulu hage, ndaa na um'bimbi gwa ndu; gumgitile guya mtu mine gubele mchwale bafta, mine guli n hyisengo hwa bwino bwa mgochi mmlubunda lwage. ⁴ MLUME gusambile, Hita m'bwingi na mbuga, m'bwingi na Yelusalemu, wabiye bibala u byenyi bya batu bene bali hutonga na ulila yulu ya uchigilicha ose wine wabalihugila mnda mbuga. ⁵ Na babo bange gubasambile, nene nihuliche, Hiswe hawingi ha mbuga hanyuma hage, mwahage; liiso lyenyu lilingamine, na lishimone keene; ⁶ Bagagwe abisa, mmungu, na mwalubaga, na msiha, na baana ba tulenge, na baachana, bibyo mushimmyile mtu guya guli na iyo ibala; iyaka watulile u ihana ya ihaha hanyi, Bibyo batulile u bauulu bene babele umbele wa ndu ya MLUME. ⁷ Gubasamile, gisonywe ndu, mugiluche mitanji na bitumba bya baya beme bahagilwe; biino, giwe. Bagile, na ulwa mnda mbuga. ⁸ Iyaka habele, hababele hulwa mnda mbuga, nene nishigilwe, nigwile mmachwi, nililile, niganine, Ee Mlume ABETCHA! Wichimya mihona gyose gya Isialeli, mengo ma uhongolola uchigililwa obe hegulu ha Yelusalemu? ⁹ Haho gusambile, Usona wa ndu gya Isilaeli na Yuda buli bwingi abisa, nagyo sii gyagilula maashi, nagyo mbuga gyagilula uhengeya uonona; bululi noo ugana, MLUME gwagileya gino sii, nage MLUME gushihumona. ¹⁰ Nene liiso lyanyi lishibumbwa, na nishimona keene; bibyo nilusha madila mabo hegulu ha miswe gyabo. ¹¹ Na loola, guya mtu mine guli mchwale bafta, mine guli na hyisengo hya bwilo mlubunda, guchwile na mwano, gugnine, Nigilile nahi byolinganine.