¹ Haho nilingamine, na loola, nda gulu lyine libele hwgulu ha miswe gya makalubi, hamoneye hegulu habo nahi yakuti ya ibue, umoneya nahi isuba ya buoolo. ² Nage gusambile guya mtu mine guli mchwale bafta, guganine, Gingila mnda wa bichigi byine ili huchunguluwa, noo hasi ha kalubi, wagiluche maganda mobe mose mabili na maala ma aahya,mene malihuhuma hawingi ha makelubi, wamagese hegulu ha mbuga, Gugingile mnda mbuga hembele ha meeso manyi. ³ Bibyo, makelubi magimene luubi lwa uboo wa ulume lwa ndu, haya hene hagingile guya mtu; nalyo timba ligiluche lagala lya mnda.. ⁴ Ugengeda wa MLUME uselile uhuma uli yuga kalubi, gugimene hegulu ha lubimbo lwa ndu; nagyo ndu gigilule na liya timba, na lagala ligilule na ugema wa ugengeda wa MLUME. ⁵ Na ihulo ya bihwa-hwa bya makelubi ihulichiwe, ndaa na lagala lya hambuga, nahi liidi lya Abetcha Dambe, hesudogoma. ⁶ Habele, haya helimlagile guya mtu gwa mchwale bafta, guganine, Guha aahya uhuma hawimgi ha bichigi byine bili huchunguluwa hawingi ha makelubi, gugingile, gugimene hoka na ichigi imwechi. ⁷ Na liya kelubi ligolole uboo walyo uhuma hawingi ha makelubi, u aya aahya ene abele hawingiha makelubi, guguhile aya amwe aahya, guabiile mmaboo maguya mine gubele mchwale bafta; nage guagaile, na uhuma. ⁸ Hamoneye hawingi ha makelubi mlingilisho gwa uboo wa mtu hasi ya bihwa-hwa byabo. ⁹ Nene nilingamine, naloola, habele bichigi bina hoka na makelubi, ichigi imwechi hoka na kelubi imwechi, na inge ichigi hoka na linge kalubi; naumoneya wa bichigi ubele nahi ugana iyimanjano. ¹⁰ Na umoneya wamo, mose mana ubele na mlingilisho gwa gumwechi, nahi ichigi imwechi ibele mnda inge ichigi. ¹¹ Hamagile , magile wa ngubi chabo china; mashigalwile hamabele hugya, ata bibyo balamine haya hene haluliye mswe; mashigaluwile hamabele hugya. ¹² Na mibili gyabo gigima, na migongo gyabo, na maboo mabo, na bihwa-hwa byabo, na bichigi, babele bagiluchu meeso ngubi chose,na bichigi byababele nabyo baya bana. ¹³ Na bibyo bichigi bigishilwe Isukishi, nene nihuliche. ¹⁴ Kila gimwechi gubele na byenyi bina; yenyi ya itangi ibele yenyi ya kalubi, nayenyi ya bubili ibele yenyi ya mtu, na yenyi ya butatu ibele yenyi ya tambwe, na yenyi ya buna ibele yenyi ya loohi. ¹⁵ Makelubi maguluwile hegulu; iyo noo ibumwa yandimonone hoka na luya luudi Kebali. ¹⁶ Na makulubi hamagile, biya bichigi bigile mibamba mwamo; na makelubi hamaginune bihwa-hwa bwabo, baoshe uguluwa uhuma hano hibaloo, biya bichigi bishigaluwile na uhuma mibamba mwabo. ¹⁷ Hamagimene maya makelubi, bibyo nabyo bigimene; na hamagulwile hegulu mamo, bibyo nabyo bigulwile hamwechi namo; bululi mtima gwa iyo ibumbwa yine ili na mwegi gubele mnda mwabyo. ¹⁸ Hanyuma uya ugenged wa MLUME uhumine haya hegulu ha luya lubimbo lwa ndu, ugimenehegulu ha makelubi. ¹⁹ Namo makelubi maginune bihwa-hwa byabo, magulwile hegulu uhuma hano ha sii u meeso manyi, haho habatobwile hambuga, nabyo bichigi bibele mibamba mwamo; magimene ha ihana ya bugingililo bwa mchango luubi lwa mlugulu lwa ndu gya MLUME; na ugengeda wa Abetcha a Isilaeli ubele hagulu hamo. ²⁰ Iyu noo ibumbwa yine ili na mwego yandimonine, hasi ha Abetcha a Isilaeli, hoka na luudi Kebali; nimanine ugana mamo noo makelubi. ²¹ Kila limwechi libele na byenyi bina, na kila limwechi libele na bihwa-hwa bina; na mlingilisho gwa maboo gubele hasi na bihwa-hwa byabo. ²² Na mlingilisho gwa byenyi byabo, noo byoka biya byenyi byandimonie hoka naluudi Kebali; umoneya wabo, na boo bene; kila gumwechi gugile luubi lwa umbele wage.