¹ Gogwe myu, guha ahilu a bwigi, nahi abego a m'beganyi ube nao; waahishe hegulu ha mswe gobe na ualembe obe; hanyuma waenge na itu ya ulingilila , wagabule chicho njuli. ² Ibaa ya bitatu waichigye hawingi ha maadi, masugu ma uchungulwiwa hamiwilia; gogwe wiguha ibaa ya bitatu, na ubihula wa ahilu ngubi chose; na gogwe wisambalacha ibaa ya bitatu yagululwe na mnaga, na nene nuhulula ahilu hanyuma hobe. ³ Na gogwe uguhe chimwe njuli chicho u chocho. na uchihamba u sunga lya ichalaganywa yobe. ⁴ Na gogwe wiguha chimwe u chicho, na uchitele mmaahya, na uchichigya mmaao aahya; uhuma u njuli chobe aahya ichwa na ugingila mnda madu mose ma Isilaeli. ⁵ Mlume ABETCHA gwagana bino; Gino noo Yelusalemu; nagibiya hawingi ha mioga, na bibalo byagichunguluwa ngubi chose. ⁶ Nagyo gyabenga uohona wanyi, wa ugilabisone uhima gigyo mioga, nabo babenga uonona wanyi uhima sii gili gigichunguluwe; bululi bahanya uonona wanyi, na bashigilile mnda m'bindo gwanyi. ⁷ Biino, wa bibyo Mlume ABETCHA gwagana bino; Bululibenywe mwaita alugi, uhima mioga gili gimchungulubu benywe, na mushigilile mnda m'bindo gwanyi, na mushiwashiche uonona wanyi, na mushigilile nahi mishaminyi gya mioga gwa gimchungulubu. ⁸ bino, Mlume ABETCHA gwagana bino; Lingaminywe, nene, ehe, nene, nilihegulu hobe; nene niita uonona wahingi hobe u meeso ma mioga. ⁹ Nene niugile byandishigilile aala, na nishibigila iyaka bigilanywa nahi bibyo, wa ibalo ya uchigilichaobe gogwe. ¹⁰ Wa yulu ya bibyo bashibaana biiya baana babo hawingo hobe, nabo baana biiya bamasabo; nene niita uonona hawingi hobe, na babo bose bene bashigele oli nibasala u masunga mose ma ibaloo. ¹¹ Wa yulu ya iyo ibalo, nahi nene byandi na mwego, Mlume ABETCHA gwagana; chigilwe wasonya ha haha hanyi, wa bigilanywa byobe byose byandiswonywa, na uchigilicha obe ose, wa yulu bibyo nene nuihungula; na liiso lyanyi lishileya, na mishimona keene. ¹² Ibaa yenyu ya butatu yiiwa na bisumi, na wa ndala bisungiwa hawingi henyu; na ibaa ya butatu bihagwa wa ahilu ngubi chose; naibaayenyuya bitatu nibasala ngubi chose cha mnaga, hanyuma nihulula ahilu hanyuma habo. ¹³ Bibyo noo bwiwilila uchigilwa wanyi, nene niwilicha sungu chanyi hegulu habo, nene nilihungya; nabo bimana ugana nene, MLUME, nadogoma wa buwa bwanyi, handiwilicha uchigililwa wanyi hegulu habo. ¹⁴ Iyaka niuita ube mauwa,na abule, hawingi ha mioga gyine gili giuchungulubu, u meeso mabatu bose bene balihuhita. ¹⁵ Nago gubi msobo naabule, na lugigyo na bigagicha, u mioga byine gili giuchunguluwe, hahohandigila uonona wanyi weli, wa sungu,na wa uchigililwa, na uambilwa wa uchigililwa; nene MLUME, nadogoma bibyo. ¹⁶ haho handihila migwi gibii gya ndala hegulu habo, gyilusha udoga, handigihila yulu gimdogye benywe; nene nihiticha ndala hegulu henyu, na maudagilo menyu ma mkati nimabela. ¹⁷ Nene nilusha hegulu henyu ndala na byiila, nabyo byusapa batu bobe; na bisumi na maashi mihita mnda mobe; nene nuhila ahilu hegulu hobe; nene MLUME, nadogoma bibyo.