¹ Iyaka hamwigabula sii wa usobola gibe buhyana, mwimma MLUME lutangi, ibaa ya ihaha ya sii, ulaha wage ubi ulaha wa malonge uki maumi mabili na matano, na bwata bwage bubi malonge uki umi; gibi gihaha mnda bisula byage ngubi chose. ² Mnda iyo habi ibaa ya ihana ihaha, ulaha wage sambi chitano, nabwata bwage sambi chitano, ngubi chose lulingo lumechi; na maboo maumi mopi biya byulunganya byage byose. ³ Wa ulingilila uya olilingilila, ulaha wa uki maumi mabili na matano, na bwata bwa uki umi; na mnda mwage mubi hahaha, hali hahaha abusa. ⁴ Iyo yibaa ya ihaha ya sii; ibi ya bibuli, bagichi ba hahaha, bali huhiya na umgilila MLUME; iyo ibi ihana yulu ya madu mabo, na iya ya ihaha, yulu ya ihana ya ihaha. ⁵ Iyaka ulaha wa uki maumi mabili na matano, na bwata bwa uki umi, noo ibaa ya Balawi, bagichi ba ndu, ibe buhyana bwabo boo bene yulu ya madu maumi mopi. ⁶ Na benywe mwigila bibyo yulu ya mabuga, bwata uki chitano na ulaha wage uki maumi mabili na matano, mibamba mwa ihana yine ibiilwe, ibe ibaa ya ihaha; nayo ibi yulu ya madu gyose gya Isilaeli. ⁷ Na ibaa yine ibi ya baata banyi ibi lulu luubi, na lulu luubi, wa ibaa ya ihaha, na uhyiila buhyana bwa mbuga, luubi lwa mmanda, na luubi lwa mlugulu ulolela mlugulu; na ulaha wage ubi lulingo lumwechi na lunge luubi, utula isula ya igolo ndaa na mlugulu. ⁸ Gigyo sii gibi buhyana bwa Isilaeli; na ata bata banyi bashibamonena batu banyi abisa; bibyo biiha ndu gya Isilaeli gigyo sii, ulamana na milongo gyabo. ⁹ Mlume ABETCHA gwagana bino; na gwiihwa itima yenyu, benywe baata ba Isilaeli; hunyiwe ahyonono na busapanyi; iswe uonona wakiine; hunyiwe ulipisha mlambu wa uoma wenyu u batu banyi, Mlume ABETCHA gwagana. ¹⁰ Mubi na byulingilila bya kiine, na igodelo ya kiine, na besenyi lya kiine. ¹¹ Igodelo na besenyi bibi bya lulingo lumwechi; yulu besenyi lyabiwe ibaa ya umi ya homeli, na igodelo yabiwe ibaa ya umi ya homeli; ipimo yage ibi ya ulamana na homeli. ¹² Na shekeli chibi gela maumi mopi; shekeli chitano chibi shekeli chitano, shekeli umi chibi umi, na sheli maumi matano chibi mane chenyu. ¹³ Na lukongwe lwamwiongola noo luno; ibaa ya mtuba ya igodelo mnda besenyi limwechi lya ngano, benywe mwiongola ibaa ya igodelo mnda besenyi lya shayili( nahi ngano); ¹⁴ Na ibaa ya mauta mnda mene maganyinywe, mnda besenyi lya mauta, ibi ibaa ya umi ya koli gimwechi noo ( mabesenyi umi), noo homeli; noo ugama mabesenyi umi noo homeli limwechi; ¹⁵ na mwanammoo gumwechi gwa ihichi hawingi ha sambi chibili gwihananywa, u bulishicho bwa Isilaeli bwina maadi; yulu ya lutangi lwa busu, na lutangi lwa uchigya, na lutangi lwa talala, yulu ya ummitila ulunganywa na MLUME, Mlume ABETCHA gwagana. ¹⁶ Batu bose ba biibaloo bihanana lino sumbicho yulu ya mmata gwa Isilaeli. ¹⁷ Iyaka gubi mgilo gwa mmata utangila lulo lutangi lwa uchigya, na lutangi lwa busu, na lutngi lwa byuunywa, lusugu lwa ulitucha, na ha abalu a mwechi, na ha sabato, (lusugu lwa ulihocha) ha masugu mose ma ulitucha ma ndu gya Isilaeli mene maganinywe; gwitangila lutangi lwa buubi, na lutangi lwa busu, nalutangi lwa uchigya, na lutangi lwa talala, yulu ya uita usambanya yulu ya ndu gya Isilaeli. ¹⁸ Mlume ABETCHA gwagana bino; mwechi gwa gutangi lusugu lwa lutangi lwa mwechi, wiguha mwanang'ombe gwa mlume gwam'bwilile; gogwe wihahacha ha ihanaya ihaha. ¹⁹ Na ibubi gwiguha mamwe maashi ma lutangi lw buubi, na ushinya u biikwa bya umchango gwa ndu, na hegulu ha masunga mana ma m'bambago gwa butambikolo, nahegulu ha biikwa bya mchango gwa lagala lwa mnda. ²⁰ Gogwe wiita byoka biya mwechi gwa njwii, lusugu lwa lutangi lwa mwechi bululi bwa kila mtu mine gwiluba, na yulu ya mtu mmugi, noo byamwigiitila ndu usambanya. ²¹ Mwechi gwa gutangi lusugu lwa umi na buna lwa mwechi, mubi na Pasaka (uhita hegulu), masugu ma ulihocha njwii; mkati gushi gwagubiwe mshimi noo gwiliwa. ²² Na lulo lusugu mmata gwilongya ng'ombe uba lutangi lwa buubi, yulu ya ichuli-chuli yage ya mwego, na yulu ya batu ba ibaloo. ²³ Iyaka, ha maya masugu njwii ma ulihocha gwimlongecha MLUME lutangi lwa uchigya, ng'ombe njwii na miyoo gya milume njwii gya giwilile, masugu mose , masugu njwii, na lunga limechi kila chuba uba lutangi lwa buubi. ²⁴ Nage gwilongya lutangi lwa busu, igodelo imwechi u ng'ombe gimwechi, na igodelo imwechi wa mmoo gumwechi gwa mlume, na chupa limwechi lya mauta uigodelo imwechi. ²⁵ mwechi gwa njwii, masugu umi na matano ma mwechi, ha masugu ma ulihocha gwiita byoka biya mengo ma masugu njwii; lutangi lwa buubi byoka biya, nalutangi lwa luchigya byoka biya, nalutangi lw busu byoka biya, na mauta byoka biya.