¹ Hanyuma gungiwiche wa gokaguya wa ndila gya goka guya mchango gwa hambuga, gwa ihana ya ihaha gwine gubele hulola luubi lwa mlugulu; nago gubele guhamwe. ² MLUME gusambile, Guno mchango gwihambwa, na gushibugulwa, na ata mtu gegese gushigila mnda guno mchango, bululi MLUME Abetcha a Isilaeli, gwagingilila waguli; bino wa yulu ya bibyo gwihambwa. ³ Mmusobu, gee noo gwishama mnda mwage gaye iliwa u mbele wa MLUME; gwigingilila ulagala lwa mchango, nage gwitobowa mnda ndila gyoka giya ⁴ Hanyuma gupwiiche, u ndilagya mchngo gwa luubi lwa uboo wa uachi, ulagala lya ndu; nilingamine, na loola, ubo uganged wa MLUME ugiliche nda gya MLUME; nigwile lubulubulu. ⁵ MLUME gusambile, Mwanamtu, uiye mnda mtima gobe, ulole wa meesomobe, uhuliche wa matu mobe, binywa byose byandiusambila, yulu ya mwano gwa mishaminyi gya ndu gya MLUME, na alago age ose; na gogwe ubiya mnda mtima gobe bugingililo bwa ndu,hamwechi na butobwelo bose bwa ihana ya ihaha. ⁶ Gogwe wabasambile babingi, noo ndu gya Isilaeli, Mlume ABETCHA gwagana bino; Gyenywe ndu gya Isilaeli, yulu ya uchigilicha wenyu ose, wahwa. ⁷ yulu mwagingicha bagenyi, baya bene mitima gyabo bishigigibe kumbi, ata mibili gyabo gishi gigibe yando, babe mnda ihana yanyi ya ihaha, bahabiya bunyenye, ehe, ndu gyanyi, hamusuhana lutangi lwa iliwa yanyi, mauta na maashi; nabo babela malagano manyi, yulu ya uchigilicha wenyu ose. ⁸ Na mushi babiuse bitundu byanyi bya bihaha haho mwalibiila malochi ba byoka biya byanyi, mnda ha haha hanyi. ⁹ Mlume ABETCHA gwagana bino; Hashi mgenyi, gwina mtima gwa gugibe kumbi, na ata m'bili gwage gushigugibe yando, mine gwigingila ha haha hanyi, mmanga gwa bagenyi bene bali hawingi ha baana ba Isilaeli. ¹⁰ Haho Balawi basambuwane nanyi, haya Baisilaeli habachinine, bene bachimine yulu ya ulama tuwe lugulu twabo, biguha usona wabo boo bene. ¹¹ Ata bibyo babi bagichi ba hahaha hanyi, boo nuba bagimenyi ba ha mchango gwa ndu, boo nuugila mmo mndu; bibashinjicha batu lutangi lwa uchigya na lwa nyama, nabo bigimana umbele wabo yulu ya ubagilila. ¹² Bululi babagilile u mbele wa tuwe lugulu twabo, boo nuba byulihyatala bya usona u ndu gya Isilaeli; biino niginune uboo wanyi hegulu habo, Mlume ABETCHA gwagana, nabo biguha usona wabo. ¹³ Na bashipyiila, ungilila u mgilo gwa bwibuli, na bashi bihyiili bitundu byanyi bya bihaha ata imwechi, bitundu byine bili bihaha abisa; bibyo biguha abule abo, na uchigilicha wabo ose wine wabagilile. ¹⁴ haho nibaita uba baushi bauusa ndu, wa migilo gyage gyose, na wa byose byine byigiliya mnda mwagyo. ¹⁵ Bibyo bibuli Balawi, baana ba Sadoki, Bausile bulochi bwa ihana ya ihaha yanyi, haho baanaba Isilaeli habachimine na uushiga, babo nii bipwiila yulu ya ungilila; nabo bigimana umbele wanyi, uutangila mauta na maashi, Mlume ABETCHA gwagana; ¹⁶ bigingila hahaha hanyi, nabo bihyiila mesa manyi, yulu ya ungilila, nabo bilola bulochi bwanyi. ¹⁷ hayahabigingila mnda mchango gwa lagala lya mnda, bichwiiwa bichwalaganywa bya bya bisoga; na misufi gishibi hegulu habo, inangwa balihugila ha mchngo gwa lagala lya mnda,na mnda ndu. ¹⁸ Babe nabisanjwa bya alili hegulu ha miswe gyabo, nabo babi na ngubo gya magulu gya alili mmunda chabo; bashichwala ituyoyose yine yichwisha yuuda mlubunda. ¹⁹ Nabo habitobowa lagala lya hambuga noo, lagala lya hambuga lya batu, haho noo habichula bichwalaganywa byabo byabachwalile yuluya mgilo gwabo, na ubibiya mnda biya byumba bya bihaha, nabo nuuchwala binge bichwalaganywa, bashichwe ubahahacha batu wa bichwalaganywa byabo. ²⁰ Bashibega miswe gyabo, na bashishiga njuli chabo uba chilahu abisa; bichihungula njuli cha miswe gyabo ka. ²¹ Na ibuli yo yose ishinywa malwa, heligingila mnda lagala lya mnda. ²² Na bashigonda baachana ba bawile, na ata nammachana mine gushigilwe na mlumyage; bibyo biguha binyundu bya ibushiya ndu gya Isilaeli, nambo m'bwile mine gushigilwe na mlumyage ibuli. ²³ Nabo bigigya batu banyi ubagulanya wine uliho hawingi ha bitu bya bihahana bitu bya kolobechi, naubagiga ubagulanya hawingi ha bidogu na bya bibenju. ²⁴ Na mnda mahindi bigimana yulu ya ululiya; biluliya ulamana na uonona wanyi; nabo biwasha m'bindo gwanyi gwine guganinywe; nabi bihahacha sabato chanyi (lusugu lwa ulihocha). ²⁵ Na bashigya uuda itumba ya mmuna ulibiya bunyenye; yulu ya sage, ao mnage, ao mwanage, ao msiha gwage, ao mshiwabo gwa mlumyana na gwa mmachana mine gushinagonjwa, haho banalibiiya bunyenye yulu yabo. ²⁶ Nage gwahuhwa uhahachiwa gwibalilwa masugu njwii. ²⁷ Na lusugu lweligingila mnda ihana ya ihaha, mnda lagala lya mnda, yulu ya ugila ha ihana ya ihaha, gwihanalutangi lwage lwa buubi, Mlume Abetcha gwagana. ²⁸ Nabobabi na buhyana; nene noo buhyana bwabo; na mushibaha ihana yoyose mnda siiga Isilaeli; nene noo ihana yabo. ²⁹ Biiya lutangi lwa busu, na lutangi lwa buubi, nalutangi lwa abachi,na ibya yo yose mnda Isilaeli yine yibagulwa yulu ya Mlumeibi yabo. ³⁰ Na itu ya itangi ya mtomwe yose ya bibya byose, na yose na lutangi lose lwa bitu byose byine bwamwitangila, bibi bya bibuli. Iyaka mwimma ibuli ibaa ya itangiya busu bwa bubisi, yulu ya ushamya mihaa heguluha ndu gyobe. ³¹ Bibuli bashiya nyama gya aamo, ao gihagilwe na inonyi ao na iila.