¹ Hanyuma gupwiiche ndaa na u mchango, noo, guya mchango gulihulola luubi lwa mlugulu; ² na loola, ubo ugengeda wa Abetcha a Isilaeli wachwila wa ndila gya mlugulu; na liidi lyage libele nahi ihulo ya maadi meengi, nagyo sii gigemine yulu ya ugengeda wage. ³ Na malo na mtima mandimonine mabele nahi malo ma mtima mandimonine handichwile ugidogya mbuga; na malo ma mtima mandimonine mabele naho malo mamtima mamdimonine hoka na luudi Kebali; nigwile lubulubulu. ⁴ Na ubo ugengeda wa MLUME ugingile mnda ndu, wa ndila gya mchango guya gulihulola luubi lwa mlugulu. ⁵ Hanyuma Mtima gunginune, gunguhile ndaa na u lagala lya mnda; na loola, ugengeda wa MLUME ugilule ndu. ⁶ Nihuliche liidi lya gumwe gulihudogoma nanyi, lilihuhuma mnda gigyo ndu; na mtu guli mgimanyu hoka nanyi. ⁷ Gusambile, Mwanamtu, hano iyihana ya isuba yanyi ya buoolo, naihan ya maasa ma magulu manyi, handishama hawingi ha baana ba Isilaeli milumbu; na ndu gya Isilaeli gishidogya china lyanyi iyaka, boo ao bamaoolo babo, wa bihisho byabo bya lusengu, na bitumba bya maoolo mabo, ha ihana yabo ya hegulu. ⁸ wa ubiya mtatala panya gwabo hoka na mtatala panya gwanyi; bikwa byabo hoka na bikwa byanyi; iyaka habele lukuta hawingi hanyi nabo; nabo balidogya chinalyanyi, lihaha wa uchigilicha wabo wabagilile; bino, wa iyo ibalo, nabaonona yulu ya sungu chnyi, ⁹ Bino, hano hahunye bihisho byabo bya lusengu, na bitumba bya maoolo mabo, bibe koo nanyi, na nene nishama hawingi habo milumbu. ¹⁰ Na gogwe, mwanamtu, ubamonye baana ba Isilaeli gono ndu, bululi baamone abule yulu ya usona wabo; na balingilile lubalo lwabo. ¹¹ Na uba bahumona abule yulu ya byose byine byabagilile, ubamonye byagili ndu, mishaminyi gyage, na buhumino bwage, na bugingililo bwage, nabyagili gyose, na malagano mage mose, na bibalo byage byose, na m'bindo gwage gose, wabigoleu meeso mabo; yulu bagimane ndu byagili gyose, na bugingililo bwage, na ubigila. ¹² Guno noo mshaminyi gwa ndu; hegulu ha u songo loono, isula yage yose ngubi chage chose habi ha haha abisa. Loola, guno noo m'bindo gwa ndu. ¹³ Na ulingililwa wa butambikilowa maboo noo mano; ( maboo noo maboo na matamba ma mimwe); bushamino bwage uboo umwechi, na bwata wage uboo umwechi; na mibamba mwa butambikilo hoka na longo lyage gubi chose tamba lya minywe limwechi. na buno noo bubi bushamino bwa butambikillo. ¹⁴ Iyaka uhuma hasi, hegulu ha bitete, ndaa na m'bambago gwa hasi, maboo mabili, bwata bwage uboo umwechi, iyaka uhuma m'bambago gwa guchogucho ndaa na m'bambago gwa gwata, maboo mana, nabwata bwage uboo umwechi. ¹⁵ Na butambikilo bwa hegulu bubi na maboo mana; na uhuma u butambikilo wine usulamiwa aahya na ugya heguku habi masunga mana. ¹⁶ Na haya hene hasulamiwa aahya, ulaha wage maboo umi na mabili, na bwata bwage maboo umi na mabili, umi na mabili ngubi chage chose china. ¹⁷ na m'bambago ulaha wage maboo umi na mana, na bwata bwage maboo umi na mana, ngubi chage china; mibmba mwage ihindi ya uboo; na bushamino bwage uboo umwechi, ngubi chose, na mibambago gyage gyilola luubi lwa mlugulu. ¹⁸ Hanyuma gusambile, Mwanamtu,Mlume ABETCHA gwagana bino; Guno noo m'bindo gwa butambikilo ha masugu maya mene mabiita, yulu batangile lutangi lwa uchigya hegulu habo, na uhongolola maashi hegulu habo. ¹⁹ Wibaha bibuli Balawi, benebali ba ibushi ya Sadoki, bene bali hoka nanyi, yulu ya ungilila, Mlume ABETCHA gwagana, ng'ombe gya mlume gya mwana gibe lutangi lwa buubi. ²⁰ Gogwe wiguha mamwe maashi magyo, na umabiya hegulu ha masunga mana ma butambikilo, na hegulu ya masongo ma m'bambago, na hegulu ha mibimbi gya butambikilo ngubi chose; noo byolibuhahacha, na ubuita ilunganya. ²¹ Iyaka wigiguha ng'ombe gya lutangi lwa buubi, nagyo wigichigya ha iya ihana yine iganinywe ya giya ndu, hambuga ha ihana ya ihaha. ²² Na lusugu lwa mabili witangila lunga lya liwilile libe lutangi lwa buubi; nabo bihahacha butambikilo, nahi byabahaheche ha giya ng'ombe. ²³ Hulihwa ubuhahacha, witangila ng'ombe gya mlume gya mwana gya giwilile, na mmoo gwa mlume gya mmihichi gwa guwilile. ²⁴ Gogwe wichwichisha hoka u meeso ma MLUME, na bibuli byigesa miinyu hegulu hacho, nabo bichiguha chibe lutangi lwa uchigiwa yulu ya MLUME. ²⁵ Mengo mamasugu njwii wibiya hoka mabuchi ma kila lusugu gibe lutangi lwa buubi; iyaka bibiyamwana ng'ombe gwa mlume, na mlume gwa mmoo gwili mmihichi, cha chiwilile. ²⁶ Mengo ma masugu njwii bibwiitila butambikilo ulunganya, na ubuhahacha; noo byabibubiya bubagulwe yulu ya MLUME. ²⁷ Nabo habihwa uwilicha mamo masugu, habi, lusugu lwa inana hanyuma, bibuli bitangila lutangi lwetu lwa uchigya hagulu ha butambikilo, na lutangi lwenyu lwa talala na nene nimgitabicha benywe, Mlume ABETCHA gwagana.