¹ Ha mwaa gwa maumi mopina gitano gwa ubululwa wetu, ubutulilo bwa mwaa, lusugu lwa umi lwa mwechi, ha mwaa gwa umi na gina hanyuma ha mbuga uwaswa kole, loka lulo lusugu, uboo wa MLUME ubele hegulu hanyi, gupyiiche uya. ² U malo ma mtima ma Abetcha gupyiiche ndaa na sii gya Isilaeli, gumbiile hegulu ha loono lwa lulahu abisa, lwine lubele nahi na yenyi ya mbuga luubi lwa uboo ulume. ³ Gupwiiche uya, na loola, ubele mtu, umoneya wage ubele nahi umoneya wa mmubo, nage gubele na bunyushi bwa isanjwa mmuboo wage, na longe lwa ulingilila nalyo; gugimene hoka na mchango. ⁴ Guya mtu gusambie, Mwanamtu, loola na meeso mobe, hulicha na matu mobe, wabibiye mnda mtima gobe,byose byandiumonya; bululi wahyichiwa hano ibalo nuumonye bino; lisambe mwano gwa byose byolimona yulu ya ndu gya Isilaeli. ⁵ Na, loola, habele lukut hambuga ha ndu ngubi chose, na mnda uboo wa guya mtu longe lya ulingilila nalyo,ulaha walyo maboo mtuba, kila uboo, uboo na tamba lya minywe, haho gulingilile bwata bwa guya myengo, longe limwechi, na ulaha wage, longe limwechi. ⁶ Hanyuma gugile ndaa na u mchango gulihulola luubi lwa mlugulu, guchinine mibambago gyage; gulingilile mtatala panya gwa ha mchango; bwata bwage longe limwechi, na mtatala panya gwa bubili, bwata bwage longe limwechi. ⁷ Na kila yumba, bwata bwage longe limwechi, na ulaha wage longe limwechi; na ihana ibele hawingi ha byumbaii maboo matano; na mtatala panya gwa mchango gwine gubele hoka na balacha lya mchango gubele hulola u ndu, longe limwechi. ⁸ Gulingilile na balacha lya mchango gwinegubele hulola u ndu, longe limwechi. ⁹ Hanyuma gulingilile balacha lya mchango maboo inana; na bihanda bya umchango, maboo mabili; na balacha lya mchango gulihulola luubi lwa ndu. ¹⁰ Na byumba bya balochi, bya mchango gwa luubi lwa mlugulu, bibele bitatu lulu luubi na bitatu lulu luubi; byose bitabu bya lulingo lumwechi; nabyo bihanda bya umichango bibele bya lulingo lumwechi, lulu liibi na lulu luubi. ¹¹ Gulingilile bwata bwa ihana ya ugingilile u mchango, maboo umi na ulaha wa mchango maboo umi na matano. ¹² Na isula, ya biya byumba, uboo umwechi lulu luubi na llulu luubi, na isula, uboo umwechi lulu luubi na lulu luubi, na maboo mtuba lulu luubi. ¹³ Gulinglile mchango, uhuma u butato bwa yumba imwechi ndaa na butato bwa yumba ya bubili, bwata bwa maboo maumi mabili na matano; mchango gwa gutangi ulola mchango gwa bubili. ¹⁴ Gitile na bihanda bya mchango maboo maumi mtuba; na lagala lyuhiila bihanda, guya mchango uchunguluwa ngubi chose. ¹⁵ Na utula ihana yine ili umbele wa mchango, ha bugingililo bwge, ndaa naihana yine ili umbele wa balacha lya mnda mwa mchango, maboo maumi matano. ¹⁶ Na u biya byumba ubele na madilisha ma mahambe, na u bihanda byage bya ha mchngo ngubi chose, na ubushamino bwage byoka biya; na madilisha mabele oo, ngubi chose luubi lwa mnda, iyaka habele na asugwe hegulu ha kila ihanda. ¹⁷ Haho bupwiiche na ulagala lwa hambuga, na loola, habele na byumba , na butatilwe bwine butatilwe mliya lagala ngubi chose; byumba maumi matatu bibele hegulu ha buya butatilwe. ¹⁸ Na buya butatilwe bubele hibamba ha michango, ulaha wage ulamananaulaha wa michango, noo utatilwa wa hasi. ¹⁹ Hanyuma gulingilile bwata, utula ihana yine ibele umbele wa mchango gwa hasi ndaa na ihana yine ibeleumbele wa lgala lya mnda, hambuga hage, maboo sambi, luubi lwa mlugulu, naluubi lwa uboo wa uachi. ²⁰ Nago mchango gwa lagala lya hambuga, gubele hulola luubi lwa uboo uachi, gulingilile ulaha wago, na mahinda mage. ²¹ Na byumba byage bya balochi bibele bitatu lulu luubi, na bitatu lulu luubi; na bihanda byage bya umichango, na bushamino byage, lulingo lwage ulamana na lulingo lwa mchango gwa gutangi; ulaha wage maboomaumi matano, namahinda mage maboo maumi mabili na matano. ²² Na madilisha mage na bushamino bwage, na tusungwe twage, byose lulingo lumwechi nalulingo lwa mchangogwine gubele hulola luubi lwa mlugulu; nausela mibambago gyage njwii; na bushamono bwage bubele umbele wage. ²³ Na liya lagala lya mnda libele na mchango gulihulola guya mchango gwa bubili, luubi lwauboo wa uachi, na luubilwa mlugulu; gulingilile uhuma mchango ndaa na mchango, maboo sambi. ²⁴ Gupwiiche ndaa na luubi lwa uboo wa ulume, na loola, mchango gubele hulola luubi lwa uboo wa ulume; gulingilile bihanda byage bya mchango, na bushamino bwage, ulamana na lulingo lwage. ²⁵ Iyaka habele na madilisha mnda mwage nabushamino bwage ngubi chose nahi bili mamo madilisha; ulaha wage maboo maumi matano, na mahinda mage maboo maumi mabilina matano. ²⁶ Iyaka habele na mibambago njwii gwa uchinina, na bushamino bwage bubele umbele wage; nalyo libele na tusugwe, amwechi lulu luubi na amwechi lulu luubi, hegulu ha bihanda byage. ²⁷ Iyaka lagala lya mnda libele na mchango, guluhulola luubi lwa uboo wa uume; gulingilile uhuma u mchango na u mchango, uhugulwila luubi lwa uboo wa ulume, maboo sambi. ²⁸ Hanyuma gupwiiche ndaa na lagala lya mnda hoka namchango gubele hulola luubi lwa uboo wa ulume; gulinglile mchango gwa luubi lwa uboo wa ulume wa lulingo loka lulo. ²⁹ nabyo byumba bya balochi, na bihanda byage bya u mchango, na bushamino bwage, ulamana na lulingo lulo; iyakahabele na madilisha mnda mwage, na bushamino bwage ngubi chose; ulaha wage maboo maumi matano,na mahinda mage maboo maumi mabili na matano. ³⁰ Iyaka habele na bushamino ngubi chose, ulaha wage maboo maumi mabili na matano,na mahinda mage maboo matano. ³¹ Na bushamino bwage bubele hulola lagala lya hambuga, na tusugwe twage tubele hegulu ha bihanda byage; abele na mibambago inana gya uchinina. ³² Gupwiiche ndaa na ulagalalya mnda lyine libele hulola luubi mlugulu, gugupimine mchango wa lulingo loka lulo; ³³ nabyo byumba byage bya balochi,na bihanda byage bya umichango gyage, na bushamino bwage, wa lulingo loka luya; iyaka habele na madilisha mnda mwage, na u bushamino bwage ngubi chose; ulaha wage maboo maumi matano, na mahinda mage maboo maumi mabili na matano. ³⁴ Na bushamino bwage bulolile lagala lwa hambuga; na tusugwe tubebe hegulu ha bihanda byage gya umchango, lulu luubi na lulu luubi; iyaka habele na mibambago inana gya uchinina. ³⁵ Gupwiiche u mchango gubele hulola luubi lwa uboo uachi; gugupimine wa loka luya lulingo; ³⁶ byumba byage bya balochi, na bihanda byage bya umchango, na bushamino bwage; iyaka habele na madilisha mnda mwage ngubi chose; ulaha wage maboo maumi matano, na mahinda mage maboo maumi mabili na matano. ³⁷ Na bihanda byage bibele hulola luubi lwa lagala lya hambuga; na tusugwe tubele hegulu ha bihanda byage gya mchango, lulu luubi na lulu luubi; iyaka habele na mibambago inana gya uchinina. ³⁸ Na kila yumba na mchango gwage, ibelehoka na bihanda by mchango; haho noo hababele hugoga lutangi lwa uchigya. ³⁹ Na mnda lagala lya mchango habele namesa mabili lulu luubi na mesa mabili lulu luubi, yulu ya ushinjicha lutangi lwa uchigya, nalutangi lwa buubi, na lutangi lwa abachi. ⁴⁰ Na luubi lumwechi hambuga, haya ha mibambago gya ugingilila mchango gyine gubele hulola luubi lwa uboo wa uachi, habele na mesa mabili; na luubi lwa bubili, wa balacha lya gugo mchango, habele na mesa mabili. ⁴¹ Habele na mesa mana lulu luubi, na mesa mana lulu luubi, hoka na mchango; mesa mana noo mababele hushinjicha lutangi. ⁴² Iyakahebele na mesa mana ma lutangi lwa uchigya, ma mawe mene mabadilwe; ulaha wage uboo umwechi na ihindi, na mahinda mage uboo umwechi na ihindi, na ichuli yage uboo umwechi; hagulu hamo babiile bitundu bya ushinja nabyo lutangi lwa uchigya na lutangi. ⁴³ Iyaka mamo magela, ulaha wage ii tamba lya miinywe, mahambilwe mnda ngubi chose; na hegulu ha mamo mesa ubele nyama cha lutangi. ⁴⁴ Iyaka hambuga ha mchango mnda habele na byumba bya bagimbi, mlagala lya mnda, libele hibamba ha mchango gwine gubele hulola luubi lwa uboo wa uachi, nabyo bihyiile luubi lwa uboo wa ulume; na imwechi mibamba mwa mchango gwine gubele hulola luubi lwa mlugulu, gulolile luubi lwa uboo wa uachi. ⁴⁵ Gusambile, Ino yumba yine ili holola luubi lwa uboo wa ulume iibya bibuli, noo babo balochi bauusa ndu. ⁴⁶ Nayo yumba ili hulola luubi lwa uboo wa uachi iya bibuli, balochi na uusa butambikilo; babo noobaana ba Sadoki, babo bali hawingi ha baana ba Lawi balihumgila MLUME, wa umgilila. ⁴⁷ Gupimine lilyo lagala, ulaha wage ubele maboo sambi, na mahinda mage maboo sambi, uu na uu lulingo lumwechi; nacho nolo chibele umbele wa ndu. ⁴⁸ Haho gupwiihe u balacha lya ndu, gupimine kila ihanda ya balacha, maboo matano lulu luubi na maboo matano lulu luubi; na bwata bwa mchango ubele wa maoo matatu lulu luubi na maboo matano lulu luubi. ⁴⁹ Ulaha wa balacha ubele wa maboo maumi mabili,na bwata bwage maboo umi na umwechi; hoka na m'bambago gwa uchinina; iyaka habele na ihanda hoka na bihanda bya u mchango; imwechi lulu luubi na imwechi lulu luubi.