¹ Gupyiiche nda na mmihwilo, gulingilile bihanda bya umchango, bwata bwage maboo mtuba luubi lumwechi, bwata bwage mtuba luubi lwa bubili' noo bwata bwa bushamo, ² Na bwata bwa bugingililo bwage bubele maboo umi; na mbachu cha bugingililo bubele maboo matano luubi lulu, na maboo matano lulu luubi; gulingilile ulaha wage maboo maumi mana, na bwata wage maboo maumi mopi. ³ Hanyuma gugingile mnda, gulingilile kila ihanda ya ubugingililo, maboo mabili; nabo bugingililo, maboo mtuba; na bwata bwa bugungililo maboo njwii. ⁴ Gulingilile ulaha wage; maboo maumi mopi, nabwata bwage maboo maumi mopi, u mbele wa ihwilo, gusambile, Hano noo ha ihana ya ihaha uhima bihana byose. ⁵ Hanyuma gulingilile ulaha wa lukuta lwa ndu, maboo mtuba; na bwata bwa kila yumba ya mlubachu, maboo mana, uchunguluwa ndu ngubi chose, ⁶ Na biya byumba bya mmbachu bibele na golofa chitatu, imwechi hegulu ha inge; bibele maumi matatu, mlongo hanyuma ha mlongo nabyo biginngile mnda lukuta lwa ndu, bululi biya byumba bya mlubachu ngubi chose byaoshe uwatana nabyo, na bishiwatane na lukuta lwa ndu. ⁷ Na biya byumba bya mlubachu bigililile uba bwata, ulamana na byabichunguwe ndu hegulu wa hegulu; bululi uya uchunguluwa wage ugile hegulu wa hegulu, ugichunguluwa ndu; bibyo bwata bwa ndu bubele boka buya, ndaa na hegulu, giselile hegulu uhuma yumba ya hasi ndaa na yumba ya hegulu, na ndilagya iya yumbaya hawingi. ⁸ Iyaka, nimonine ugana giya ndu gibele gigande mawe hasi, mabelemaginunywe ngubi chose; nagyo mishingi gya byumba bya mmbachu bibele longe ligima lya maboo mtuba. ⁹ Bwata bwa lukuta bubele bwa biya byumba bya mmbachu, luubi lwa hambuga, ubelemaboo matano; naiya ihanayine ishigeleibele maboo matano; hawingi ha byumba bya mmbachu mwa ndu. ¹⁰ na byumba bya malichi, bwata bwa maboo maumi mabili, uchunguluwa ndu ngubi chose. ¹¹ Na michango gya biya byumba bya mmbachu gilolile ihana yine ishigele, mchango gumwechi gulolile luubi lwa uboo wa uachi,na mchango gumwechi luubi lwa uboo wa ulume; na bwata bwa ihana yine ishigele ibele maboo matano ngubi chose. ¹² Nago myengo guhyiile ihana yine ibele ilibagule luubi lwa mlugulu, bwata bwage maboo maumi njwii; na lukuta lwa guya myengo, uhanga wage maboo matano ngubi chose,na ulaha wage maboo maumi yahabula. ¹³ Haho gulingilile ndu, ulaha wage maboo sambi; na ihana iya yine ilibagule na guya myengo, hamwechi na lukuta lwage, ulaha wage maboo sambi. ¹⁴ iyaka bwata bwa luubi lwa ulagala lya ndu, na wa ihana yine ilibagule luubi lwa mlugulu, maboo sambi ¹⁵ Gulingilile ulaha wa guya myengo gyine gubele gihyiile ihana ya ilibagule, hene habele luubi lwa unyuma wagyo, na balacha lyage lulu luubi na lulu luubi, maboo sambi; na ihwilo ya mnda, na lagala lya bamwali ba kumbi; ¹⁶ Na mitatala mbeba, na madilisha ma mahambe, na balacha lya ngubi chose cha madu maya maatatu ma hegulu mene mabele bahyiile mitatala mbeba, gibiilwe byula bya mti ngubi chose; utula hasi ndaa na umadilisha; ( namo madilisha mabwilwa); ¹⁷ ndaa na hegulu ha mchango gwa ndu gya mnda, na gya hambuga, na hegulu ha lukuto loose ngubi chose, mnda ndu gya mnda na gya hambuga, ¹⁸ utogolwe wa makelubi na tusugwe; asugwe amwechi hawingi ha kelubi na kelubi, na kila kelubi libele na bwenyi byopi; ¹⁹ haho habele na yenyi na mwanamtu ulola asugwe amwechi, nayenyi ya mwana tambwe ulola asugwe a bubili; bibyo noo bigiliye mnda ndu gyose gigima ngubi chose. ²⁰ Utula hasi ndaa na hegulu ha mchango makelubi magiliya, na tusugwe, na byoka biya lukuta lwa ihwilo. ²¹ Na iyo ihwilo, bihanda byage bya michango bibele bya kelenge; na umbele wa ha haha umoneya wage haneye nahi haya hatangi. ²² Butambikilo bubele bwa miti, ichuli yage maboo matatu, na ulaha wage maboo mabili; na meega mage, na mshingi gwage, na lukuta lwage lubele lwa miti; gusambile, Gino noo mesa gili umbele wa MLUME. ²³ Nayi ihwilo naha haha habele na michango gibili. ²⁴ Na gigyo michango, kila gumwechi gubele na mbao chopi; mbao chopi chachigaluwane; mbao chopi cha mchango gumwechi, na mbao chopi cha mchango gwa bubili. ²⁵ Na michango gya ihwilo gilongechiwe makelubi na tusugwe byoka biya, nahi biya lukuta byaluitilwe; iyaka habele na mmindio gwaata umbele wa balacha hambuga, ²⁶ Iyakahabele a madilisha mahambwe, na tusugwe, lulu luubi na lulu luubi u chiya ngubi cha balacha; noo mwano gwa byumba bya m'mbachu mwa gigyo ndu, na mihindio giya gya gyata.