¹ Na gogwe, mwana gwa mtu, ubuwile koono cha Isilaeli, ugane, chenywe koono cha Isilaeli,ihulichiwe inywa ya MLUME. ² Mlume ABETCHA gwagana bino; Bululi amangu adogoma yulu yenyu, Ahe! na, ihana yaala ya hegulu isili yetu twiihyilila. ³ bino ubuwe , ugane, Mlume ABETCHA gwagana bino; wa bululi, ehe, bululi bammiita benywe uba mauwa, na ummina ngubi chose, yulu mube mihona gya batu ba mioga, na benywe mulihugambwa u milomo gya benebali hugombola, na wa uchingwa na batu. ⁴ Wa bululi bwa bibyo, chenywe koono cha Isilaeli, ihulichiwe inywa ya Mlume ABETCHA; Mlume ABETCHA gwashisambie bino chicho koono na bubandagulu, midabwa gya maadi na bibetabeta, ihana yine idogiwe na uba mauwa, na mabuga mene mashigilwe na batu, hene hasili kole, na ushigwa yoga na mihona gya mioga, bene bali hoka ngubi chose. ⁵ bino Mlume ABETCHA gwagana bino; Chigilwe wa aahya a buwa bwanyi nadogoma yulu ya mihona gya mioga, na Edomu yose, baligandile sii gyanyi uba gyabo, wa saso lya mitima gyabo gyose, wa anene a mitima gyabo, yulu bagitele hambuga uba buhibi. ⁶ bino yulu ya ubuwa mwano gwa sii gya Isilaeli, uchisambile koono na tubandagulu, midabwa gya maadi na bibetabeta, Mlume ABETCHA gwagana bino; Loola, nadogoma yulu ya buwa bwanyi na sungu chanyi, ibalo mwaguha abule a mioga; ⁷ bino Mlume ABETCHA gwagana bino; Naginuna uboo wanyi, ugana Chigilwe, mioga gyine gili hoka nenyu ngubi chose, boo biguha abule abo. ⁸ Bino chenywe, koono cha Isilaeli, mwotosha matabi menyu na ubaha batu banyi Isilaeli biguma byenyu; bululi basili hoka na nuuchwa. ⁹ Bululi, loola, nene nagimana luubi lwenyu, nene nimgalwila benywe, benywe mwilimwa na uunywa biguma; ¹⁰ nene ni nilibiya batu hegulu henyi, ndu gyose gya Isilaeli, ehe, nabo bose; namo mabuga mishaminywa na batu, na ihana yine ibindulwe yigubawa. ¹¹ Nene nilibiya hegulu henyu mwana gwa mtu na nyama; nabo bibuta nuubula; na nene nibashamya batu mnda mwenyu, ulamana na mishaminyi gyenyu gya gitangi, nene nimgilila bisoga uhima busoga bwa ubutulilo bwenyu; na benywe mwimana ugana nene noo MLUME. ¹² Ehe, nilusha batu bagyate hegulu hobe, ehe, batu ba Isileli, nabo biuhyilila, gogwe ubi buhyana bwabo, na ushibahaga baana babo iyaka utula lino. ¹³ Mlume ABETCHA gwagana bino; Bululi batu basuusambila, gogwe sii uli guuya batu, gogwe uli guhagya batu mlongo gogbe; ¹⁴ bino ushiya bati iyaka, na ushihagya batu ba mmoga gobe iyaka, Mlume ABETCHA gwagana; ¹⁵ Na nishiuhulidicha iyaka abule abo bashi a bawashe, na ushiguha misobo gya batu iyaka; na ushichigilicha mmoga gobe iyaka, Mlume ABETCHA gwagana. ¹⁶ Iyaka inywa ya MLUME injwili, ugana, ¹⁷ Mwanamtu, ndu gya Isilaeli habashine mnda sii gyabo boo bene, bagigiile bunyenye wa ndila gyabo na bigilanywa byabo. Ndila gyabo u mbele wanyi gibele nahi mmachana guli u masugu mage ma mwechi. ¹⁸ Bululi bwa bibyo nahingolola sungu chanyi hegulu habo,yulu ya maashi mabageshile hegulu ya ibaloo, na yulu babiile bunyenye bwa tuwe lugulu twabo. ¹⁹ Nibasambaleche hawingi ha mioga, basambalele mnda bibaloo biingi; ulamana na madila mabo, na ulamana na bigilanywa byabo, nibaonone. ²⁰ Nabo habagihyile mioga giya gyabagilile balisoninye china lyanyi lya lihaha; bululibatu babaganine, ugana, Bano batu m'batu ba MLUME, nabo bahuma mnda sii gyage. ²¹ Bibyo nimonene keene yulu ya china lyanyi lihaha, lyine ndu gya Isilaeli balibiile usona hawingi ha mioga gyabagile wagili. ²² Wa bibyo; basambilwe ndu gya Isilaeli, Mlume ABETCHA gwagana bino nishihugila bino yulu yenyu, Ee ndu gya Isilaeli, iwayulu ya china lyanyi lihaha, lyamubiile usonahawingi ha mioga gyamugilile. ²³ Nene nilihahacha china lyanyi lya lyata, lyine libiilwe usona hawingi ha mioga, lyamubiile usona hawingi habo; nagyo mioga gyimana nugana nene noo MLUME, Mlume ABETCHA gwgana, handihahachiwa hawingi henyu u mbele wa meeso mabo. ²⁴ Bululi nimguha hawingiha mioga, nene nimsumbicha na ummumya hawingi ha bibaloo byose, na umgiwicha mnda sii gyenyu benywe bene. ²⁵ Nene nimmwongolwela maadi ma mahaha, nenywe mube bahaha; nimmahacha na iyoo yenyuyose, na tuwe lugulu twenyu tose. ²⁶ Nene nimma benywe mtima guhya, nene nibiya malanga mahya mnda mwenyu, nene nihunya mtimagwa liwe gwine guli mnda mibili gyenyu, nene nimma mtimagwa nyama. ²⁷ Nene nibiya mtima gwa gwanyi mnda mwenyu, na umgyasha mnda m'bindo gwanyi, nanbenywe mwiwasha uonona wanyi, ugugila. ²⁸ Benywe mwishama mnda giya gyandihele bamasenyu, benywe mubi batu banyi, nene nibi Abetcha enyu. ²⁹ Nene nimmogonona na bunyenye bwenyu bose; nibiya ngano, na uchilibiya, na nishibiya ndala wamli iyaka. ³⁰ Nene nibucha biguma bya miti, na biliwa bya mmabala, yulu mushituuwiwe iyaka, na mioga wa yulu ya ndala. ³¹ Haho noo hamwiengelecha madila menyu ma madogu, na bigilanywa byenyu bishi bya bisoga, benywe mwilionywa bichuli-chuli byenyu bya mwego wa meeso menyu, wa yulu ya usona wenyu na uchigilicha wenyu. ³² Imanyiye wenyu ugana nishihuigila ino inywa yulu yenyu, Mlume ABETCHA gwagana; monywe abule na udamba mme, yulu ya madila menyu, Gyenywe ndu gya Isilaeli. ³³ Mlume ABETCHA gwagana bino; Lusugu luya lwandimmahachana usona wenyu ose, nimaita mabuga ushaminywa na batu, na hene habelilwe hagubawe iyaka. ³⁴ Na sii gyine gibele mauwa gyilimwa, inangwa gibele mauwa umeeso ma batu bose bene bahitile. ³⁵ Nabo bigana, Gino sii, gyine gibelemauwa, gisili nahi lubala lwa Adeni; namo mabuga mene mabele mabuluwe batu, bino masili na migumbo, mahushaminywa na batu. ³⁶ Haho mioga gyine gishigele hoka nenyu ngubi chose, bimana ugana nene noo MLUME, nigubaa ihana yine idogeye, nene nauna biguma mnd sii gyine gibele mauwa; nene, MLUME, nadogoma bibyo na nibigila. ³⁷ Mlume ABETCHA gwagana bino; Iyaka wa yuluya ino ihisho nibuchiwa na ndu gya Isilaeli, bululi nabagilile; nene nibabusha u batu nahi ihichi ya miyoo. ³⁸ Nahiihichi yine ili ibiwe hibamba yulu ya uhanywa lutangi, nahi ihichi ya Yelusalemu ha masugu ma ulitucha mage mene malisambilwe; bibyo noo byigiluchiwa batu mabuga maya mene mabele bibunduguchu; nabo bimana ugana nene noo MLUME.