¹ Inywa ya MLUME injwilile, ugana, ² Mwana gwa mtu, dogoma na baana ba batu bobe, ubasambile, Haho handichwicha ahili hegulu ha ibaloo, batu ba iyo ibaloo babemguha mtu gumwechi hawingi babo, na um'biya gabe mluchi gwabo. ³ haya helimona ahilu alihuchwa hegulu ha gigyo sii, gusugila asiba yulu ya ubasambila batu; ⁴ haho tu gegese gabehulicha liidi lya asiba, gusahulilongya , ahilu abechwa na ummaga, maashi mage mabi hegulu ha mswe gwage gee mine. ⁵ Gabehulicha liidi lya asiba, na gusahulilongya; maashi mage mabi hegulu hage; nambo gwabasambilwa gwabalilongya mtimagwage. ⁶ Haho nambo mlochi gabemona ahilu alihuchwa , nambo gusahugila asiba, na batu basasambilwa, na ahilu abechwa uhaga mtu gegese hawingi habo; gabewa gugo mnda usona wage, bibyo maashi mage nimasaba mnda uboo wa gugo mlochi. ⁷ Biino gogwe mwana gwa mtu, nuubiya ube mlochi u ndu gya Isilseli; bino uhuliche iino inywa uhuma mmanywa mwanyi, wabasmbile mmano gwanyi. ⁸ Nabesambila mtu m'bii, Gogwe mtu m'bii, chigilwe wiwaa, na gogwe usamsambila gugo mtu inywa ya mmano, gagileye ndila gyage, haho nisaba maashi mage mnda uboo obe. ⁹ Nambo wahumsambila gugo mtu m'bii yulu ya ndila gyage, bululi gagileye; nage gusagileya; gabewagugo mnda usona wage, haho gogwe mlochi ubi walihonya mtima gobe. ¹⁰ Na gogwe mwanagwa mtu, dogomana ndu gya Isilaeli; Benywe mulihudogoma bino, ugana Uluba wetu na buubi bwetu bulihegulu hetu, na beswe tugonja yulu ya buubi bubo; tunaosha wii uba poo? ¹¹ Basambile, nambo nene byandi na mwego, Mlume ABETCHA gwagana, nishihuseelela uwa wa mtu msone; bibyo gagaluwe gugo msone,na ugileya ndila gyage gibii, gwihona. Galuwe, galuwe, mwaleye madile menyu mabii; yulu yai mulihuunda uuwa, Gyenywe ndu gya Isilaeli? ¹² Na gogwe, mwana gwa mtu, basambile baana ba batu bobe, Kiinegyage mtu gwa kiine gishimmogonona, ha lusugu lwa uluba wage; na wa yulu ya mwano usona wage mtu msone, gushigwa yulu ya ubo usona, luya lusugu lweligaluwa na uleya usona wage; na ata guya mine gwina kiine gushiosha uba na mwego wa kiine gyage, lusugu luya lweligila buubi, ¹³ Nabemsambile mtu gwa kiine,ugana chigilwe gubi na mwego; nambo gabeudagila kiine gyage, gabegila usona, haho bigilanywa byage bya kiine, ata imwechi ishiengelechiwa; bibyo mnda usona wage weligilile, gwiiwa mnda usona ubo. ¹⁴ Iyaka, handimsambila mtu msone, Chigilwe wiiwa; nambo gabegaluwa, na uleya buubi bwage, na ugila bilingye nakiine; nambo mtu m'bii gabegiwicha bwate ya maboo, na umgiwidicha mtu bumona bwage bwelimsapile, gabelama m'bindo na mwego, gusahugila usona o ose; chigilwe gubi na mwego, gushiwa. ¹⁶ Mnda buubi bwage bose bweligilile, ata bumwechi bushiengelechiwa yulu yage; gwagila bilingye na kiine; chigilwe gushiwa. ¹⁷ Bibyo baana ba batu bobe balihugana, Ndilagya Mlume gishi gilulamu. ¹⁸ Mtu gwa kiine gabegaluwa, na uleya kiine gyage, na ugila bisone, gwiiwa mnda bisone gugo. ¹⁹ Na tu m'bii gabegaluwa, na uleya buubi bwage, na ugila bya bisoga na kiine, gubi na mwego gugo yulu ya bibyo bigilanywa. ²⁰ Bibyo benywe mulihugana, Ndila gya Mlume gishi gigolobu. Ee ndu gya Isilaeli, benywe nimmonona; mtu gegese ulamana na ndila gyage. ²¹ Ha mwaa gwa umi na gibili gya ubululwa wetu, mwechi gwa umi, lusugu lwa butano lwa mwechi, mtu gumwechi mine gubele mtolobu Yelusalemu gunjwilile, guganine, Mbuga gyawaswa kole. ²² Bibyo uboo wa Mlume ubele hegulu hanyi mengo ma igolo, hambele gushinahiya guya gutolowe; nage Mlume gubele gwahupa mwano mmanywa anyi, na byelinjilile mengo ma lwelo; na anywa anyi abele hululu, na nishibele ameme iyaka. ²³ Inywa ya MLUME injwilile, ugana, ²⁴ Mwana gwa mtu, baya batu bene bali bashame mnda sii Isilaeli balihudogoma ugana, Iblahimu gubele gumwechi, na guhyanine gino sii; biino beswe tuli batu beengi; tuhelwe gino sii uba buhyana bwetu. ²⁵ Biino, basambile, Mlume ABETCHA gwagana bino; Mulihuya nyanahamwechi na maashi mage, na utuginunina tewe lugulu twenyu meeso menyu, na ugesa maasi; wi wii! mwigihyilila gino sii. ²⁶ Mulihuudagila tuhilu twenyu, mulihugila bya uchigilicha, mulihuubiya kila mtu mmachi gwa m'binji nage; wi wii! Mwigihyilila gino sii? ²⁷ Biino noo byoli basambila, Mlume ABETCHA gwagana bino; nambo nene byandi na mwego, chigilwe batu baya bene bali bashame ihana ya idogu bihagwa wa ahilu, nage mtu guya guli mnda lele nimmunya na ummana u misohe, yulu galiwe; nabaya bene bali mnda mbusinino na migumbo biiwa wa bisumi. ²⁸ Nene niita sii uba mauwa na bigagi, na anene a uosha wage isunga; nacho koono cha Isilaeli chibi mauwa, mtu gashihite. ²⁹ Haho noo habimana ugananne noo MLUME, handigiita siiuba mauwa na bigagi, bululi bwa uchigilicha wabo ose wabagilile. ³⁰ Gogwe, mwana gwa mtu, baana babatu bobe bali hugombola mwano gobe hoka na bibambacha, na mnda michango gya madu mabo, na usambilana, kila mtu na mshiwabo, balihugana, Biino, Tugye uhulicha iyinywa nai iyo ilihuhuma wa MLUME. ³¹ Nabo bali huchwa oli nahi batu byabasucha, nabo bali hushama umbele obe nahi batu banyi, nabo bali huhulicha binywa byanyi, nabashi hubigila; bululi wa tunywa twabo bali huliita bali na luudo lwiingi, ata bibyo mitima gyabo gilihuenga alambwe abo boo bene ³² Na loola, gogwe usiliwabali nahi lwimbo lwa lusoga abisa, lwa mtu gwa mlonge gwa liidi, mine gusuosha ugomba inubi bibenju; bululi, bali huhulicha binywa byobe, ata bibyo bashihubigila. ³³ Na bibyo habibi ( loola, bilihuchwa), haho noo habimana ugana mbuwa gubele hawingi hetu.