¹ Ha mwaa gwa umi na gumwechi na mwechi gwa butatu na lusugu lutangi lwa mwechi, inywa ya MLUME, injwilile, ugana, ² Mwana gwa mtu, msambile falao oolo lya Misili, na milongo gya batu bage, Wi wii! Wahwanana na nanyi mnda buosobu bobe? ³ Loola, Mmashuli gubele mmamba mnda Lebanoni, gwina matabi masoga, na na luwilo lwa ichuli-chuli, na ichuli ilahu; na mtombo gwage gubele hawingi ha matabi ma mata. ⁴ Maadi ma mlishiche, na mabenga mam'biile; ngudi chage chihitili ngubi chose chibele byunaganywa byage; na guhilile midabwa gyage u miti gyose gya mmabala. ³ Loola, Mmashuli gubele mmamba mnda Lebanoni, gwina matabi masoga, na na luwilo lwa ichuli-chuli, na ichuli ilahu; na mtombo gwage gubele hawingi ha matabi ma mata. ⁴ Maadi ma mlishiche, na mabenga mam'biile; ngudi chage chihitili ngubi chose chibele byunaganywa byage; na guhilile midabwa gyage u miti gyose gya mmabala. ⁸ Miamba gya mmibenga ya Abetcha gishioshiche um'bisa; miange gishibele nahi matabi mage, na miamba gishibele nahi matabi mage, na mnda ibenga ya Abetcha mushibele mti gwa ulingilishiwa nago wa ubenda wage. ⁹ Niguitile busoga yulu ya bwiingi bwa mtabo mge; ata miti gyose gya Adeni, gyine gibele mnda ibenga ya Abetcha, gimmonene buwa. ¹⁰ Haho Mlume ABETCHA gwagana bino; bului watonywa iimo yobe, nage gwabiya mtonda gwage hawingi ha matimba, na mtima gwage gwaginyuwa yulu ya ulaha wage. ¹¹ nene nim'biwa mnda maboo mage guya guli mmata hawingi ha mioga; nage gwimmisha bihisho; namchinga yulu ya usona wage. ¹² Na bagenyi, batu ba mioga buudanja, bamchinga koo na umleya; hegulu ha koono na ubibetabeta byose matabi magwile, namatabi mage manogeye hoka na midabwa gyose gya sii; na batu bose ba ibaloo basalile, bahumine mnda ichuli-chuli yage na umshiga. ¹³ Hegulu ha mgogo gwage tunonyi twa ha hululu twishama, na nyama chose cha mgala chibi hegulu ha matabi mage; ¹⁴ ibalo mti gogose gwine guli hoka na maadi, gushilitone wa ibalo ya iimo yage, na gishibiya mdodo gwage heguu ha matimba, na byaanyi byage bishigimane yulu ya iimo ya ulaha wage, ehe, bose bene bali hunywa maadi; bululi bose bahananywa bawe, bagye luubi hasi ha sii, hawingi na baana ba batu, hamwechi na baya bene bali husala mmina. ¹⁵ Mlume ABETCHA gwagana bino; ha luya lusugu lwine lwelisalile usinda nilisambile habe lilo, nihulile benga yulu yage, nichibile ngudi chage, na maadi meengi machibilwe; nisambile Lebanoni um'biila malilo, na miti gyose gya mmabala gichiminye malanga yulu yage. ¹⁶ Nidandiche mioga wa yulu ya lwindo lwa ugwa wage, haya handimtelile hasi ndaa na usinda, hamwechi nabaya balihusala mmiina; na miti gyose gya Adeni, miti gya gisobolwe na gya gibenju gya Lebanoni, gyose gyine gisunywa maadi, gilihungiche luubi lwa hasi ha sii. ¹⁷ Babo nabo badandile uya usinda hamwechi nage u baya batu bene bahagilwe na ahilu; ehe, baya bene babele uoma wa uboo wagebabele bashame hasi ha ichuli-chuli yage hawingi ha mioga. ¹⁸ Wahwanana na nanyi, bibyo mnda ugengeda na bwata, hawingi ha miti gya Adeni? Ata bibyo wisachiwa na miti gya Adeni, ndaa naluubi lwa hasi ha ibaloo; wilala hawingi babo bene bashigile kumbi; hamwechi na beya bene bahagilwe w ahilu. Gugu noo Falao, na molongo gyose gya batu bage, Mlume ABETCHA gwagana.