¹ Inywa ya MLUME injwilile iyaka, ugana, ² Mwana gwa mtu, buwa, ugane, Mlume ABETCHA gwagana bino; Iswe mdodo gwa lubaba, Luhanha lubii wa luya lusugu! ³ Bululi luya lusugu luli hoka, lusugu lwa matimba; lubi mengo ma mioga. ⁴ Ahilu ichwa hegulu ha Misili, na Asusu abi heguu ha Kushi, abigwa batu bene bahagilwe mnda Misili, nao bihunya batu beengi u batu bage, na mishingi gyage gyibelwa. ⁵ Kushi na Putu, na Ludi, na batu bose bene basambalachiwe, na Kubu, na baana ba sii gya malagano, biigwa wa ahilu hamwechi nabo. ⁶ MLUME gwagana bino; Nabo bose bene balihuudagila Misili biigwa, na anene a uosha wage isala; utula Migdoli ndaa na Sewene, biigwa mnda mwage wa ahilu, Mlume ABETCHA gwagana. ⁷ Nagyo gibi mauwa, hawingi na bibaloo byine bili mauwa, na mabuga mage mabi hawingi ha mabuga mene mabelilwe. ⁸ Nabo bimana ugana nene noo MLUME, handibiya aahya mnda Misili, na babo bose bene bali hum'bwatilicha habichimiwaa. ⁹ Ha lulo lusugu bihuma wandi buhana mwano u mbele wanyi mnda bwato, yulu ya ubabiya boobe Bakushi, bene balihulimona ugana bali kolongecho, na asusu abi hegulu habo, byoka biya nahi lusugu lwa Misili; bululi loola, luli huchwa. ¹⁰ Mlume ABETCHA gwagana bino; Iyaka nisungwa bwiingi bwa batu ba Misili, uhitila uboo wa Nebukadneza, oolo lya Babeli. ¹¹ Gee, na batu bage hamwechi nage, batu ba mioga bene balihudanja, bichwishiwa bagingile mnda sii yulu bagidogye, nabo bihulula tuhilu twabo balwe na Misili, na ugilucha sii na baya bene bahagilwe. ¹² Nene nigumya ngudi, na ugigucha sii, na ugibiya mnda maboo ma bayu ba bagugichu; nene nigiita sii uba mauwa, na batu bose bene bali mnda mwagyo, wa maboo ma bagenyi; nene, MLUME, niganine ino inywa. ¹³ Mlume ABETCHA gwagana bino; Iyaka nidogya tuwe lugulu, nene nibisungya bitu bya usona mnda Nofu, na hashibi na mtu mmata iyaka gwihuma mnda sii gya Misili, nene nibiya iduba mnda sii gya Misili. ¹⁴ Nene niita Pathlosi uba mauwa, nene nibiya aahya mnda soani, nene niita uonona mnda No. ¹⁵ Nene nihongolola uchigililwa wanyi mnda Sini, businino bwa Misili, nene nibachinga koo batu beengi ba No. ¹⁶ Nene nibiya aahya mnda Misili; Sini gibi mnda asusu aata, na No gyibeleya abisa; na Nofu gibi na amangu mengo ma mchuba. ¹⁷ Bawalubaga ba Oni, na ba Pi-besethi, biigwa wa ahilu; na mamo mabuga mabi ubucha. ¹⁸ Uya Tapanesi nao mchuba habi mdoo, handinoga uya mti gwa uhambila maoshi gwa Misili, na buhulihuli gwa uosha wage wisunga mnda mwage, na yulu ya mwano gwage, timba lyiunina, na bawamisiha gyage bigya ubucha. ¹⁹ Bibyo noo byandiita uonona wanyi mnda Misili;nabo bimanaugana nene noo MLUME. ²⁰ Ha mwaa gwa umi na gumwechi, mwechi gwa gutangi na lusugulwa njwiilwa mwechi, inywa ya MLUME injwilile, ugana, ²¹ Mwana gwa mtu, naunoga uboo wa Falao, oolo lya Misili, na loola, usahambwa naubiwa bulunga, usahambwa na igubo, ube na uoma wa uwata ahilu. ²² bino, Mlume ABETCHA gwagana bino; Loola, nene nili hegulu ha Falao, oolo lya Misili, nene nimnoga maboo mage, uboo wine uli na uoma, na uya unogeye, nene nigwisha ahilu eneali mnda uboo wage. ²³ Nene nibasambalacha Bamisili hawingi ha mioga, na ubasala mnda binge bibaloo. ²⁴ Nene nimabiya uoma maboo ma oolo lya Babeli, na ubiya ahilu anyi mnda uboo wage, haho maboo ma Falao nimanoga, nage gwisumwa umbele wa oolo lya Babeli, wa usuma wa mtu gwabiwa malase nuumaga. ²⁵ Nene nimabiyauoma maboo ma oololya Babeli, na maboo ma Falao mimgwa; nabo bimana ugana nrnr noo MLUME, handibiya ahilumnda uboo wa oolo lya Babeli, nage gwiugolola hegulu ha sii gya Misili. ²⁶ Nene nibasambalacha Bamisili hawingi ha mioga, na ubasala hawingi ha binge bibaloo; nabo binama ugana nene noo MLUME.