¹ Inywa ya MLUME injwilile iyaka, ugana, ² Na gogwe mwana gwa mtu, um'biile Tilo malilo; ³ Tilo, gogwe ulimshame habugingililo bwa bahali, uli mdagulanyi gwa batu ba mioga giingi, ndaa na ubichiba biingi, Mlume ABETCHA gwagana bino; Gogwe, Tilo, wagana, Nene nili uwiila wa buhungwe. ⁴ Ng'umba chobe chili m'bwingi mwa bahali; bagubai bobe bawilicha buhungwe bobe. ⁵ Mbao chobe chose chigashilwe cha miange gya uhuma Senili; baguha biamba gya Lebanoni yulu ya uulongecha ihanda; ⁶ wa ahuchu a Bashani babadile bibali byobe; na bubisamino bobe babuita bwa meega bubiilwe na bihoho bya mti gwa lukelenge gwa uhuma Kitimu. ⁷ Tanga lyobe libele ya isanjwa ya isoga yuhuma Misili, ibiilwe malenda, yulu ibe bendela lyobe; na mseketela gobe gubele ga langi lya imanjano na ibule uhuma bichiba bya Elisha. ⁸ Bashami ba Sodoni na Alvadi noo babele bashiichi babibali byobe; baana bobe bene bali na lweenyi, Ee Tilo, bene babele mnda mobe, noo babele ba bashiichi bobe. ⁹ Bauulu ba Gebali na bene bali na lweenyi bage babele mnda mobe, bene babele hubiya bupamba mmitanji gya bwato; maato mose ma m'bahali na bashiichi babo babele mnda mobe yulu ya ugalulanya byudagulanya byobe. ¹⁰ Batu ba Ubaajemi na Ludi na Putu babele mnda bilime pambwa byobe, batu bobe ba bita; badembeye bichwalaganywa na tukusukusu mnda mobe; bamoninye buhungwe bobe. ¹¹ Batu ba Alvadi, hamwechi na basolokoto bobe, babele hegulu ha bibambacha byobe ngubi chose, na Bagamadi babele mnda madu mobe na malahu; badembeye bichwalaganywa byabo hegulu ha bibambacha byobe ngubi chose; bamoninye buhungwe bobe. ¹² Talshishi gubele mdagulanyi oli, bululi bwa bwiingi bwa bumona bwa kila mmoga; wa lufeza, na bigele, na mmubo, na lisasi, bagilile bya udagulanya, babe na bitundu byobe byine bigulilwe. ¹³ Bayunani na Tubali na Mesheki noobabele badagulanyi bobe; baguhile batu, na bitundu bya lusuu, ¹⁴ batu ba ndu gya Togalma badagulenye, wa falasi ehe, falasi cha bita, na nyumbuyulu bapate bitundu byabo byine biguchiwe. ¹⁵ Badedani babele budagulanya bobe, bileba biingi bibele ihana yoso ya bugudicho bwa uboo obe; buchwilile na meega, na matimbi yulu ya ugalulanya. ¹⁶ Shamu gubele mdagulanyi gobe, bululi bwa migilogya uboo obe udagulenye wa ibya ya imanjano,na ibule namgilo gwa malenda, gwa alili asoga, na anyanda, na akiki, yulu bapate bibya byabo byine bigulilwe. ¹⁷ Yuda, na sii ga Isilaeli,babele badagulanyi bobe; bahuminye bimwe bibya byobe bya ngano cha Baminithi, na mabelee, na bui, na mauta, na zeli, (byuulabya isumbe). ¹⁸ Dameski gubele mdagulanyi oli, yulu ya mwano gwiingi gwa migilo gya uboo ube, na wa yuluya bwiingi bwa mioga gyose gya bumbona; guleshile divai lya Helboni, na sufi cha chihaha. ¹⁹ Bedani, na Yavani, badagulenye uhuma Uzali wa bitu byobe; igela ibele midando, na mdalasini, na tiyangu, bibele mnda bibya byobe. ²⁰ Dedani, gubele mdagulanyi gobe, wa bichwalaganywa bya ugulwa na bumona bwiingi bya ugandila falasi. ²¹ Alabuni, na bauulu bose ba Kedali, noo babele badagulanyi ba uboo obe; wa baana ba miyoo, na miyoo gwa milume, na mabuchi; wa bibyo badagulenye nobe. ²² Badagulanyi ba lusuu, na Laama, noo babele badagulanyi bobe; hanyumaha biyundu byobe bahanene malashi menemali masoga, na kila mmoga gwa bibya bya m'bitete, na nolo. ²³ Halani.naKane, na Adini, badagulanyi ba lusuu,na Ashulu, na Kilmadi, babele badagulanyi bobe. ²⁴ Babo noo babele badagulanyi bobe, wa bibya bya mmaso, wa mitumba gya bichwalaganywa bya ibule na byabibiwe malenda, malindo ma bichwalaganywa bya ugulwa wabumona bwiingi, bibele bihambe na migochi, na uiswa wa mti gwa mmamba, wa bitundu byabo. ²⁵ Maato ma Talshishi mabele mnda mmangaa gobe, yulu ya bibya byobe byabula abisa, ubele mgengeda abisa, m'bwingi na bahali. ²⁶ Bashiichi na bibali byobe bugyashiche mnda maadi meengi; mnaga gwa mlugulu gunoga mtima mnda bahali. ²⁷ Bitundu byobe, na bibya byobe, na bumbona bobe, bashami ba ungudi bobe, na bashiichi bobe, naguya guubiya bupamba bwa uchiba mitanjigya bwaato bobe; na badagulanyi bobe, na batu bobe ba bita bose, bene bali mnda mobe, namwechi na basolokoto bobe bose benebali uli, biingwa mnda bahali lusugu lwa uchimiwaa obe. ²⁸ Wa liidi lya luhanga lwa bashiichi bobe lyidanda. ²⁹ Na bose bene bali hushiiya na bibali, bashami na ungudi, na bashiichi bose ba m'bahali, bisala mnda maato mabo, na ugimana u m'bega; ³⁰ nabo biita mdodod gwa maadi yulu yobe, nabilila wa unyogwa, na uligesela ihwili hegulu ha miswe gyabo, na ulibilingicha mnda mmto; ³¹ nabo bilibiya uba na bibanda wa yulu yobe, naulihamba bisanjwa bya bilembe-lembe mmunda, nabo biulilila wa unyogwa wa mitima, wa malilo ma unyogwa, ³² Na mnda ulila wabo biubiila malilo, na uulilila, babi hugana, Mnanyi guli nahi Tilo, nahi guya gushaminyiwe pii m'bwingi na bahali? ³³ Bibya byobe habihumine mnda bahali, ubagiluche batu ba mioga giingi; yulu yobe maoolo ma ibaloo mabele ba mona, yulu ya bwiingi bwa bitundu byobe, na wa bu mona bobe. ³⁴ Mengu molibelilwe na bahali, mnda mabenga ma maadi, bibya byobe na basolokoto bobe bose bachindile m'bahali. ³⁵ Bose benebali bashame mnda biya bileba biugagilwa, na maoolo mose mamona booba abisa, badamba mme byenyi byabo. ³⁶ Badagulanyi ba batu hawungi habo bushiga yogayoga; usili itu ya bigagi, na ushibi ho iyaka milumbu.